Regulation No. 1 on the protection and hunting of Beluga Whales and Narwhals

Allaf�ssornikkut najoqqutassiat Nr. 1 15. januaari 2016 Atorunnaartut Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaat Piniarneq aallaaniarnerlu pillugit Inatsisartut inatsisaanni nr. 12, 29. oktober 1999-imeersumi, kingullermik Inatsisartut inatsisaata allanngortinnera pillugu Inatsisartut inatsisaatigut nr. 1, 16. maj 2008- meersumi, § 2, imm. 4, § 8, § 9, imm. 2, § 12, § 13, § 15, imm. 4, § 17, imm. 2 aamma § 18, naapertorlugit aalajangersarneqarput: Kapitali 1 Atuuf� § 1. Kalaallit Nunaanni qilalukkanik qaqortanik (Delphinapterus leucas) aamma qilalukkanik qernertanik (Monodon monoceros) illersuineq piniarnerlu pillugit nalunaarut. Kapitali 2 Eqqissisimatitsineq § 2. Qilalukkat qaqortat qernertallu Kalaallit Nunaanni tamarmi eqqissisimatitaapput, § 3-mi taaneqartut kisiisa pinnagit. Imm. 2. Imm. 1 sassanut atuutinngilaq, § 17 naapertorlugu. Kapitali 3 Pisassiissutinik piniar�nnillu aalajangersaaneq § 3. Naalakkersuisut qilalukkanik qaqortanik qernertanillu piniakkamut ataatsimut immikkut ukiumut ataatsimut imaluunniit ukiunut arlalinnut pisassiissutinik aalajangersaassapput. Pisassiissutit aalajangersarneqassapput nunat tamalaat isumaqatigiissutaat, uumassusilinnik misissuisut siunnersuinerat, atuisut ilisimasaat kiisalu Piniarneq pillugu Siunnersuisoqatigiinnik tusarniaasimaneq tunngavigalugit. Imm. 2. Qilalukkanik qaqortanik qernertanillu piniarnermi ukioq pisassiif�k tassaavoq 1. januaarimiit – 31. decembarimut ullut taaneqartut ilanngullugit. Imm. 3. Nunap aggornikkaartumik piniakkat killeqarfeqarput aammalu uumasorsiuut ilisimasaanni nutaanerpaani inassuteqaataannilu sumeersisigaallutik. Imm. 4. Nunap aggornerata killeqar�usup iluani piniakkanut pisassiissutit, kommunikkaartumik, aqutsivikkaartumik aamma nunaqar�kkaartumik aalajangersaavigineqarsinnaapput. Imm. 5. Qilalukkanik qaqortanik imaluunniit qilalukkanik qernertanik nunap aggornerata ataatsip killeqar�ata iluani pisassiissutit atunngitsuukkat pisassiissutinut tamarmiusunut nunap aggornerani pineqartumi ukiup pisassiif�usup tullianut nuunneqarsinnaapput. Imm. 6. Qilalugaqatigiiaat nunap aggornerata killeqar�inik nalunaaaruteqarneq aammalu Kalaallit Nunaata imartaani piniar�ssanik aalajangiinerit tamanut nalunaarutigineqassapput Namminersorlutik Oqartussat nittartagaani www.naalakkersuisut.gl tusagassior�nnullu nalunaarutigineqarlutik. Kapitali 4 Tusarniaaneq aamma pisassiissutinik agguaassineq § 4. Nunap aggornerisa assigiinngitsut iluini piniakkanut pisassiissutinik agguaassinissaq kommunikkaartumik aamma aqutsiveqar�kkaartunut tunngassuteqartut annertussusiat Aalisarnermut, Piniarnermut Nunalerinermullu Naalakkersuisumit, Kalaallit Nunaanni Aalisartut Piniartullu Kattuf�annik, KNAPK, Tapertaralugu Piniartartut Aalisartartullu Kattuf�annik, TPAK aamma KANUKOKA-mik tusarniaareernerup kingornatigut suliarineqassaaq. Imm. 2. Piniarneq pillugu Siunnersuisoqatigiit pisassiissutinut sinaakkusiussat pillugit tusarniarneqassapput. § 5. Aalisarnermut, Piniarnermut Nunalerinermullu Naalakkersuisoq ukiumi pisassiif�usumi imaluunniit ukiumi pisassiif�usumi tulliuttumi kommunimut pisassiissutinik appaasinnaavoq paasineqarpat, qilalukkanik qaqortanik imaluunniit qilalukkanik qernertanik aqutsiveqar�mmi unioqqutitsisumik piniartoqartoq. Uiaq pisarineqartoq qilalukkamik qaqortamik qilalukkamilluunnit qernertamik inersimasumik ataatsimik amerlassusiliinertut atuuppoq. § 6. Piniarnermi ukiumoortumik pisassiissutit tusagassior�nnut nalunaarutit aamma Namminersorlutik Oqartussat nittartagaat www.naalakkersuisut.gl aqqutigalugit tamanut saqqummiunneqassapput. Kapitali 5 Piniarsinnaatitaasut, akuersissutinik tunniussineq agguaassinerlu § 7. Nunap aggornerini killiliussap iluani Naalakkersuisut pisassiissutinik aalajangersagaasa iluini, qinnuteqarnerup kingornatigut § 3-imi akuersissutinik normulersukkanik kommunalbestyrelsi tunniussissaaq. Imm. 2. Akuersissutinik agguaassinermi peqataasinnaajumalluni pif�ssami qinnuteqaateqar�usussami aamma piniarnerup nalaani qinnuteqartoq 1) Inuussutissarsiutigalugu piniarnermut allagartamik atuuttumik imaluunniit sunngif�mmi piniarsinnaanermut allagartamik atuuttumik peqassaaq aamma 2) Aqutsiveqar�mmi akuersissutip tunniunneqar�gisaani najugaqartutut inuit nalunaarsorsimaf�anni nalunaarsorsimassaaq. Imm. 3. Akuersissummik tunniussinerminut peqatigitillugu kommunalbestyrelsip nalunaarummi ilanngussap 1-ip assinga akuersissummik pissarsisumut tunniutissavaa. § 8. Nalunaarummi matumani aalajangersakkat pineqartut naapertorlugit inuit akuersissutinik pigisaqartut kisimik qilalukkanik qernertanik imaluunniit qilalukkanik qaqortanik pisaqarsinnaapput. Imm. 2. Akuersissut inummut atiatigut taasamut taamaallaat atuuppoq allanullu tunniunneqarsinnaanani imaluunnit tuniniarneqassanani. Imm. 3. Akuersissut ataaseq ukiumi pisassiif�usumit ataatsimit akuersissutip tunniunneqar�ani, sumiif�mmiit qilalukkamik ataatsimik pisaqarnissamut periar�ssiivoq. § 9. Kommunalbestyrelsi nunaqar�nni ataasiakkaani aqutsisut, najukkanilu aalisartut piniartullu peqatigiif�i isumasioqatigereerlugit kommunip aamma aqutsiveqar�it qilalukkanik qaqortanik qernertanillu pisassiissutaannik inuussutissarsiutigalugu piniartunut aamma sunngif�mmi piniartartunut agguaassinissaq pillugu piumasaqaatinik, aalajangersaasinnaavoq. Imm. 2. Sunngif�mmi piniartartut aqutsiviup qilalukkanik qaqortanik qernertanillu pisassiissutaasa 0-10 %-iisa akornanni amerlassuseqartunik pisassinneqarsinnaapput. § 10. Kommunalbestyrelsi kommunimi ileqqoreqqusaliaq aqqutigalugu ataatsimoorluni piniarnissami pisassiissutit pillugit malittarisassanik aalajangersaasinnaavoq. Ataatsimoorluni piniarnermi pisassiissutinik sippuinnginnissaq qulakkeerneqassaaq, takuuk § 8, imm. 3. Imm. 2. Ataatsimoorluni piniarneq paasineqassaaq, piniartunit ataatsimoortunit ukunannga inunnit inuussutissarsiutigalugu piniarnermut allagartalinnit, imaluunniit inunnit sunngif�mmi piniarsinnaanermut allagartalinnit imaluunniit piniarsinnaatitaasunit taakkunannga marlunnit peqataaf�gineqartumik aamma ataatsimoorluni piniarnissamut akuersissummik tunineqarsimasunit piniarneq ingerlanneqartoq. Imm. 3. Kommunalbestyrelsi pisassiissutigineqartunik peqqissaartumik nakkutilliissaaq. Pisassiissutigineqartunik atuineq malittareqqissaarneqassaaq piniarnerlu ingerlaannartumik unitsinneqassalluni, kommunimut pisassiissutit imaluunniit aqutsivimmut pisassiissutit tamakkerneqarpata. Imm. 4. Kommunalbestyrelsip kommunimit pisassiissutigineqartut imaluunniit aqutsiveqar�mmut pisassiissutigineqartut tamakkerlugit pisarineqarpata, Aalisarnermut, Piniarnermut Nunalerinermullu Naalakkersuisoqar�mmut allakkatigut saaf�ginnissaaq. § 11. Kommunalbestyrelsi pisaqarnissamut akuersissutit aaneqarnissaannut pif�ssamik killiliisinnaavoq. Imm. 2. Piniartut akuersissummik tunineqarsimasut akuersissummilli atuisinnaanngitsut imaluunniit atuerusunngitsut, piaarnerpaamik akuersissut atorneqanngitsoq akuersissutinik agguaassisussaatitaasumut utertissavaat. Imm. 3. Akuersissutit pif�ssaliussatut killiliussap iluani aaneqanngitsut, sumiif�mmi aqutsiviup iluani pisortatigoortumik utaqqisunut allattorsimaf�k naapertorlugu agguaateqqinneqarsinnaapput. Imm. 4. Akuersissutit aaneqanngitsut aamma akuersissutit ukiumi akuersissuteqar�usumi pisassiissutinit sinneruttunik agguaasseqqinnerup nalaani atorneqanngitsoortut, pissusissamisoortumik agguaasseqqinnermut atatillugu pisassiissutinut ilanngunneqassapput, tamatumalu kingornatigut siusinnerusukkut akuersissummik piginnittumit atorneqassanatik. Tamatuma kingornatigut taakku kommunip iluani immikkut piniakkanut pisassiissutit aamma kommunip ileqqoreqqusaliaanut tunngatillgu aalajangersakkat naapertorlugit agguaateqqinneqassapput. Agguaasseqqinnermut pif�ssaliussaq pif�ssap piniar�usussap aallartinnginnerani kommunalbestyrelsip nalunaarutigissavaa aamma tamanna akuersissummi takuneqarsinnaassaaq. Imm. 5. Kommunini aamma sumiif�nni aqutsivinni pineqartuni najukkani aalisartut piniartullu peqatigiif�inik tusarniaareernerup kingornatigut agguaasseqqinneq ingerlanneqassaaq. Kapitali 6 Piniariaatsit § 12. Qilalukkanik qaqortanik qernertanillu piniarnermi taamaallaat qoorortuut akuerisaasut minnerpaamik .30-06 (7,62x63 mm)-mik sulloqqortussusillit atorneqassapput. Qoorortuunik eqittaannartakkanik atuineq inunnut inuussutissarsiutigalugu piniarnermut allagartalinnut ajornartitaanngilaq. Imm. 2. Ajornartinnagu qilalugaq qaqortaq qernertarluunniit toqussutissaanik nangillugu aallaaneqartinnagu naalillugu annaanaveerneqassaaq. Imm. 3. Qilalukkanik qaqortanik qernertanillu piniarnermut atatillugu taamaallaat ajornartitaanngilaq qassutinik nigartap tamakkerluni iluatungimigut nerutussusianik minnerpaamik 380 mm-inik atuinissaq, Qaanaap aqutsiveqar�ani kiisalu Tunumi sumiif�nni aqutsiveqar�nni. Qassutit atorneqartut piginnittup aqqanik nalunaaqutserneqarsimassapput, akuttunngitsunillu alakkarneqartarlutik piniarnermilu atorneqareernermik kingornatigut qaqinneqassallutik. Imm. 4. Aqutsiveqar�nni qilalukkanik qaqortanik imaluunniit qilalukkanik qernertanik piniarnermut atatillugu atorneqar�ini, kommunalbestyrelsi qassusersorluni piniarneq pillugu kommunimi ileqqoreqqusamik suliaqassaaq. Imm. 5. Qilalukkanik qaqortanik aamma qernertanik piniarneq Qimusseriarsuarmi eqqissisimatitami Immikkoortoq 2-mi qajaq atorlugu ingerlanneqassaaq. Qaqortat imaluunniit qernertat aallaaneqartinnagit naalinneqassapput. § 13. Timmisartut, qulimiguullit qamutillu motoorinik ingerlatillit suugaluartulluunniit qilalukkanik qaqortanik qernertanillu piniarnermut atatillugu imaluunniit piniar�mmut tassanngaannillu angallatitut atoqqusaanngillat, taamaattoq takuuk § 17, imm. 5. § 14. Taamaallaat angallatit, angallatip angissusianut uppernarsaat malillugu 14 meterinik takissuseq tamakkerlugu (t.t.) takitigisut taassuminngaluunniit mikinerusut, qilalukkanik qaqortanik qernertanilluunniit piniarnermut atatillugu atorneqassapput. Angallatini GR-normulinni 14 meterinik (t.t.) takissusillit taassuminngaluunniit mikinerusuni aalajangersimasumik inuttat angallammik piginnittoq sinnerlugu piniarsinnaapput. Imm. 2. Qilalukkanik qaqortanik qernertanilluunniit piniarnermut atatillugu angallatinik imm. 1-imi taaneqartuniit allanik atuinissaq inerteqqutaavoq. Imm. 3. ”Angallatinik allanik” paasineqassaaq angallatit qanorluunniit angissuseqartut, kalittaatitut imaluunniit, imm. 1 malillugu angallatinit akuerisaasunit qilalukkanik qaqortanik qernertanilluunniit pisanut atatillugu assartuutitut atorneqartut. Ungusineq § 15. Ungusilluni piniarnerit tamarmik soorlu sinerissamut patugullugit aninaveersitsineq imaluunniit sinerissamut imaluunniit sikup sinaavanut tatisillugit assiinerit inerteqqutaapput. Kapitali 7 Naalakkersuisoqar�mmit akuerineqareernerup kingornatigut toqutsineq § 16. Aalisarnermut, Piniarnermut Nunalerinermullu Naalakkersuisoqar�mmit akuerineqareernikkut qilalukkanik qaqortanik qernertanilluunniit annertuumik ikilerneqarsimasunik, qilalukkanik qaqortanik qernertanilluunniit aalisarnermut atatillugu qassutinut imaluunniit aalisarnermut atortunut allanut nuiguussimasunik toqutsisoqarsinnaavoq. Imm. 2. Qilalukkamik qaqortamik qernertamilluunniit akuerisaasumik pisaqareernerup kingunerisaanik paasineqarpat pisaq nappaammik imaluunniit assigisaanik pissuteqartumik inunnut nerisassatut naleqquttuunngitsoq, tamatuma kingunerisaanik Aalisarnermut, Piniarnermut Nunalerinermullu Naalakkersuisoqar�up pisap toqunneqartutut isigineqarnera akuerisinnaavaa. Akuersissut atorneqarsimappat taanna atuutiinnassaaq. Imm. 3. Imm. 1 naapertorlugu piniakkat toqunneqartut najukkami innuttaasunut agguaanneqarsinnaapput, pisaq nerisassatut naleqquppat. Saarngit aamma kigutit (tuugaaq) Naalakkersuisoqar�up pigisarai, toqunneqarneratalu kingornatigut kingusinnerpaamik ullut 14-t qaangiunneranni uunga Postboks 269, 3900 Nuuk, nassiunneqassallutik. Kapitali 8 Sassat § 17. Sassanik naammattuuisoqarpat tamanna najukkami oqartussaasumit Aalisarnermut, Piniarnermut Nunalerinermullu Naalakkersuisoqar�mmut uppernarsarneqassaaq. Naalakkersuisoqar�k sassinerup aallartinneqarnissaanut akuersissaaq, Naalakkersuisoqar�up nalilerpagu qilalukkat aniguisinnaanerat ilimananngitsoq. Akuersissut kommunalbestyrelsimut imaluunniit sumiif�mmi aqutsiviusumi najukkani oqartussaasunut nalunaarutigineqassaaq, tamatuma kinguninngua nunaqar�it illoqar�illu pineqartut ilisimatinneqassallutik. Imm. 2. Sassat ima paasineqassaput qilalukkat qaqortat qernertalluunniit sikumi ammalatami mattussaasimasut taamaalillutillu uumallutik nammineerlutik aniguisinnaanngitsut. Imm. 3. Kikkulluunniit inuussutissarsiutigalugu piniarnermut imaluunniit sunngif�mmi piniarsinnaanermut atuuttumik allagartallit sassinermi peqataasinnaapput. Sassinermi pisat piniartut ataasiakkaat qilalukkanik qaqortanik qernertanilluunniit pisassaannit imaluunniit sumiif�mmi aqutsiviusumi pisassanit ilaatinneqassanngillat. Imm. 4. Sassinermi pisat ima amerlatigisinnaapput kingusinnerpaamik sassinerup naammassinerata kingornatigut pisat tamakkerlutik qularnaatsumik qimussimik angallanneqarsinnaassallutik. Imm. 5. Taamaattorli pisuni immikkut ittuni silap sikullu pissusii pissutigalugit pisat tuaviortumik immikkullu ittumik angerlaassorneqartariaqalersillugit sassivimmiit qamuteralaat angerlaassuinermi atorneqarnissaannut kommunalbestyrelsi immikkut akuersissuteqarsinnaavoq. § 18. Neqit, mattaat orsullu nalunaaqutsikkat qilalukkallu pitutat piginnittui akuersitinnagit nikisinneqassanngillat, kommunalbestyrelsi imaluunniit sumiif�mmi aqutsiviusumi najukkami oqartussaasut sila pissutigalugu pisat angerlaannissaannut tunngatillugu, pif�ssamik aalajangiisimanngippata pif�ssaliussarlu taanna eqqortinneqarsimanngippat. Kapitali 9 Pilanneq § 19. Qilalugaq nunamut sikumulluunniit qaqiinnavillugu pilanneq aallartinneqassaaq. Nerisassartai atorneqarsinnaasullu allat tamarmik angerlaanneqarlutilluunnit qimatulineqassapput. Pilaf�usimasoq perlukuiarneqarsimassaaq. Imm. 2. Iliveqqiviit najukkami piniarnermut aalisarnermullu nakkutilliisumut nalunaarutigineqassapput. Imm. 3. Taamaallaat angallatit, angallatip angissusianut tamakkiisumut uppernarsaat malillugu 14 meterinik t.t.-mik takissusillit taannaluunniit inorlugu angissusillit angallatip nammineq pisaanik pilaf�gineqarsinnaapput. Kapitali 10 Saniatigut pisat aamma pissaaneq § 20. Qilalukkanik qaqortanik imaluunniit qilalukkanik qernertanik saniatigut pisat kommunip imaluunniit sumiif�up aqutsiviusup pisassaanit ilanngaatigineqassapput. Imm. 2. Qilalukkanik qaqortanik qernertanilluunniit pissaasoqartillugu sapinngisamik piaarnerpaamik piniarnermik aalisarnermillu nakkutilliisoq tamanna pillugu attavigineqassaaq aamma pissaaneq kommunimi imaluunniit sumiif�mmi aqutsiviusumi pisassiissutinit ilanngaatigineqassaaq. Kapitali 11 Tunisinermi piumasaqaatit § 21. Qilalukkat qaqortat qernertallu pisat tunineqassanngillat kommunimi imaluunniit nunaqar�mmi allaf�k akuersissummik naqissusiinikkut ullulerlugu pisamik nalunaarsuereertinnagu, taamaattoq takuuk imm. 3. Imm. 2. Pisanik taakkualuunniit ilaannik tunisisoqassanngilaq pisisoqaraniluunniit akuersissummik piginnittoq imaluunniit akuersissummik piginnittut akuersissutip assilineranik naqissusiisitseqqaartinnagit, tunisinermut atatillugu qinnuiginninneq malillugu takutissinnaasaminnik. Assilinerani takuneqarsinnaassaaq pisap kommunimi oqartussaasumit nalunaarsorneqarsimanera. Imm. 3. Taamaattoq kommunip allaf�a nunaqar�mmiluunniit allaf�up ammanerisa avataatigut tuniniaaneq aallartinneqarsinnaavoq, allaf�k ammarniariartoq nalunaarsuisoqarsinnaappat. Imm. 4. Qilalukkat qaqortat qernertalluunniit unioqqutitsinikkut pisarineqarsimasut mattaannik, neqaannik aamma kigutaannik (tuugaavinik) pisineq imaluunniit pissarsineq inerteqqutaavoq. Tunisineq § 22. Angallatit qilalukkat qaqortat qernertallu neqaannik, orsuinik mattaannillu tunitsivittut atorneqassanngillat. Imm. 2. Tunitsivinnut akuerisaasunut inuussutissarsiutigalugu piniartut, inuussutissarsiutigalugu piniarnermut atuuttumik allagartallit akuersissumillu naqissusersimasumik takutitsisinnaasut kisimik pisanik tunisisinnaapput, takuuk § 21, imm. 1 aamma 2. Imm. 3. Naalakkersuisut kommuninut tunisinissamut pisassiissutit aalajangersakkat iluini pisassiissutinik aalajangersaasinnaapput, piniarnermut atatillugu kommuninut pisassiissutinik tunineqarsimasunut. Imm. 4. Tunisinissamut atatillugu pisassiissutinik aalajangersaasoqarsimatillugu, tunitsiviit ullormut tunisat annertussusiat pillugu paasissutissanik Aalisarnermut, Piniarnermut Nunalerinermullu Naalakkersuisoqar�mmut nassitsissapput, tunisinerup akuerisaanerata atuunnerani. Imm. 5. Aalisarnermut, Piniarnermut Nunalerinermullu Naalakkersuisoqar�up kommunimi pineqartumi imaluunniit sumiif�mmi aqutsiviusumi tunitsivimmut tunisinerup qaqugu uninnissaa nalunaarutigissavaa. Tuniniaaneq § 23. Najukkami kalaalimineerniar�nni allatullu tuniniaanerni inuussutissarsiutigalugu piniartunit atuuttumik piniarnermut allagartalinnit pisaqarnissamullu akuersissummik naqissusikkamik peqartunit taamaallaat ingerlanneqarsinnaavoq, takuuk § 21, imm. 1 aamma 2, imaluunniit inunnit tamatumunnga piginnaatitaasunit piumasaqarneq naapertorlugu uppernarsaammik takutitsisinnaasunit. Imm. 2. Toqqaannartumik sulif�nnut, suliffeqar�nnut neriniartar�nnulluunniit tunisineq inuussutissarsiutigalugu piniartunit atuuttumik inuussutissarsiutigalugu piniarnermut allagartalinnit pisaqarnissamullu akuersissummik naqissusikkamik peqartunit taamaallaat ingerlanneqarsinnaavoq, takuuk § 21, imm. 1 aamma 2, imaluunniit inunnit tamatumunnga piginnaatitaasunit piumasaqarneq naapertorlugu uppernarsaammik takutitsisinnaasunit. Imm. 3. Sulif�it, suliffeqar�it neriniartar�illu imm. 2-mi taaneqartut qilalukkap qaqortap qernertalluunniit neqaa, orsua mattaaluunniit inuussutissarsiutigalugu piniartunit atuuttumik piniarnermut allagartalinnit pisaqarnissamut akuersissummik naqissusikkamik peqartunit, pisiaasimanera uppernarsassavaat, takuuk § 21, imm. 1 aamma 2. Imm. 4. Imm. 3 naapertorlugu uppernarsaat pineqartoq tassaavoq, pisinermut uppernarsaat atsiorsimasoq inuussutissarsiutigalugu piniarnermut allagartap piniarsinnaanermullu akuersissutip naqissusikkap assilineranik ilalik. Imm. 5. Taamaallaat inuit inuussutissarsiutigalugu piniarnermut allagartamik atuuttumik aamma akuersissummik naqissusikkamik peqartut, takuuk § 21, imm. 1 aamma 2, qilalukkat qernertat tuugaavinik imaluunniit qilalukkap qaqortap kigutaanik tunisisinnaapput. Allagartaq akuersissutip normutalik tuugaarmut ilivitsumut allunaasartalerlugu ikkunneqassaaq. Kapitali 12 Nalunaaruteqarneq nakkutilliinerlu § 24. Qilalukkanik qaqortanik qernertanillu pisat, saniatigut pisat pissatallu sapinngisamik piaarnerpaamik kommunimut angerlarsimaf�gisamut, illoqar�gisamut imaluunniit nunaqar�mmi allaf�mmut nalunaarutigineqassapput. Nalunaaruteqarneq piniartumit pisaqartumit namminermit isumagineqassaaq, sassinermili pisat, inuussutissarsiutigalugu piniartut eqqarsaatigalugit najukkami Aalisartut Piniartullu Peqatigiif�annit aamma sunngif�mmi piniartartut pineqartillugit kommunalbestyrelsimit/nunaqar�nni aqutsisunit nalunaarutigineqassallutik. Ataatsimoorluni piniarnermi pisat nalunaarutigineqassapput taamaallaat ataatsimoorluni piniarnermut atatillugu aqutsisussatut toqqarneqarsimasumit. Imm. 2. Nalunaaruteqarnermi immersugassaq nalunaarummut ilanngussap 1-ip assinga atorneqassaaq. Immersugassat kommunip allaf�ani nunaqar�mmiluunniit kommunip allaf�ani pineqarsinnaapput. Immersugassat aamma aaneqarsinnaapput Namminersorlutik Oqartussat nittartagaanni uani: www.naalakkersuisut.gl. Qilalukkanut pisanut pissatanullu ataasiakkaanut tamanut immersuif�ssaq ataaseq immersorneqassaaq, taamaattorli sassinermi pisat tamarmik immersuif�ssami ataatsimi nalunaarutigineqassallutik. Akuersissutip kommunimut naqissusikkap assilinera pisanik nalunaarutiginninnermi ilanngunneqassaaq. Imm. 3. Aammattaaq qilalukkanik qaqortanik qernertanillu pisat tamarmik Piniarneq-mi pisanik nalunaarsuif�mmi nalunaarutigineqassapput. Imm. 4. Kommunalbestyrelsip nalunaarummi ilanngussami 3-mi immersuif�it kiisalu § 21, imm. 1 naapertorlugu akuersissutit naqissusikkat assingi tiguneqarnerisa kinguninngua piaarnerpaamik Aalisarnermut, Piniarnermut Nunalerinermullu Naalakkersuisoqar�mmut nassiutissavai. § 25. Inuussutissarsiutigalugu piniarnermut allagartaq atuuttoq imaluunniit sunngif�mmi piniarsinnaanermut allagartaq atuuttoq aamma akuersissut imaluunniit tunisisinnaanermut akuersissut sukkulluunniit politiit, piniarnermik aalisarnermillu nakkutilliisut tamatumunngalu piginnaatitaasut piumasaqarnerisigut tamatigut takutinneqartassaaq. Kapitali 13 Misissugassat nalunaaqutsersuinerlu § 26. Kinaluunniit qilalukkamik qaqortamik qernertamilluunniit pisaqarsimasoq, pisussaatitaasinnaavoq pisap mattaanik, neqaanik anginngitsumik imaluunniit kigutaata ilaanik misissugassanik kommunip allaf�anut tunniussinissamik, tassani pisap suunera, ulloq sumilu pisarineqarsimanera pillugu ilisimatitsissutigalugu. Misissugassat Pinngortitalerif�up plastikkimik puussarititamut tunniunneqarsimasumut asiunaveersaammik imerpalasortalimmut imaluunniit allakkap puuanut ikineqassapput. Imm. 2. Misissugassat paasissutissallu tunniunneqartut tigunerisa kingornatigut piaartumik kommunip allaf�ata Pinngortitalerif�mmut, Box 570, 3900 Nuuk, nassiutissavai. § 27. Misissugassanik tigusineq, nalunaaqutsersuineq suliallu allat qilalukkanik uumasunik attuumassuteqartut taamaallaat Pinngortitalerif�mmit ingerlanneqarsinnaapput. Allat Aalisarnermut, Piniarnermut Nunalerinermullu Naalakkersuisoqar�mmut akuersissuteqarnissamik qinnuteqaqqaassapput. Kapitali 14 Immikkut akuersissuteqarneq § 28. Aalisarnermut, Piniarnermut Nunalerinermullu Naalakkersuisoqar�k ilisimatusarnermut atugassanik nalunaarummi matumani aalajangersakkanik immikkut saneqqutsisoqarnissaanut akuersissuteqarsinnaavoq. Kapitel 15 Pineqaatissiinerit § 29. § 2-mik, § 8-mik, §§-inik 12-23 aamma § 25-imik unioqqutitsinerit akiliisitsinermik aamma pisamik arsaarinnissuteqarnermik Kalaallit Nunaanni pinerluttulerinermik inatsit malillugu pineqaatissiissutaasinnaapput. Imm. 2. Nalunaarut malillugu kommunimi ileqqoreqqusanik atortussanngortinneqarsimasunik unioqqutitsisoqartillugu akiliisitsinermik pisamillu arsaaarinnermik pineqaatissiisoqarsinnaavoq. Kapitali 16 Atuutilernera § 30. Nalunaarut 15. januar 2016 atuutilerpoq. Peqatigitillugu Qilalukkanik qaqortanik qernertanillu piniarneq pillugu Namminersorlutik Oqartussat nalunaarutaat nr. 7, 29. marts 2011-meersoq atorunnaarpoq. Taamaakkaluartoq kommunip ileqqoreqqusai nalunaarut malillugu atulersinneqartut allanngortinneqarnissamik atorunnaarsinneqarnissamilluunniit tungaannut atuutiinnarallassapput. Namminersorlutik Oqartussat, ulloq 15. januar 2016 Karl-Kristian Kruse / Jørgen Isak Olsen Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut