Regulation No. 1 on additional cultural heritage protection of a specifically defined area in West Greenland around Aasivissuit-Nipisat

Allaf�ssornikkut najoqqutassiat Nr. 1 30. januaari 2018 Atuuttut Namminersorlutik Oqartussat nalunaarutaat, kulturikkut eriagisassat allat pillugit sumiif�mmik Kalaallit Nunaata kitaanii Aasivissuit - Nipisallu eqqaanni Eqqissisimatitsisarneq aamma allatigut kulturikkut eriagisassanik kulturikkut kingornussatut illersuineq pillugu Inatsisartut Inatsisaanni nr. 11, 19. maj 2010-meersumi §§ 24, imm. 5 aamma 32, imm. 1 naapertorlugit aamma Nunatta Katersugaasiviata Allagaateqar�atalu tamanna pillugu inassuteqarnera naapertorlugu kiisalu Pilersaarusiorneq aamma nunaminertat atorneqartarnerat pillugit Inatsisartut inatsisissaat nr. 17, 17. november 2010-meersumi § 21, imm. 2 naapertorlugu aalajangersarneqarpoq: Sumiif�mmik killiliineq § 1. Sumiif�k ilanngussami 1-imi aamma ilanngussami 2-mi koordinatini nalunaarsorneqartut kulturikkut oqaluttuarisaanermi immikkoortutut sumiif�ttut isigineqarpoq, taamaattumillu kulturikkut kingornussatut illersugassatut isigineqarlutik. Tikinneqarsinnaaneranut tunngasut atuinerlu § 2. Sumiif�mmut kulturikkut kingornussat inissisimaf�gisaannut inuit tamat ornigussinnaatitaapput, killiliinerit uani nalunaarummi pineqartut iluanni. § 3. Kulturikkut oqaluttuarisaanermi sumiif�it ilaasa tikinneqarsinnaanerannik ersarinnersumik aalajangiinermi akiliummik akiliinissaq piumasaqaataasinnaavoq, taamaattoq tak. imm. 2. Imm. 2. Akiliuteqartitsisoqarsinnaassanngilaq inunnut, pisortanut, suliffeqar�nnut il.il. inuussutissarsiutitik naapertorlugit imaluunniit inatsisit allat naapertorlugit sumiif�nnik tikitsisinnaasussaasunut. Imm. 3. Akiliut kiap pissaneraa akiliutillu annertussusia Kultureqarnermut Naalakkersuisoqar�up aalajangissavaa. Imm. 4. Akiliut siunertaqarpoq tamakkiisumik imaluunniit ilaannakuusumik aningaasartuutinut matussusiisussatut, aserfallatsaaliinermut, ingerlatsinermut aamma sanaartukkanik pilersitsinernut, pilersinneqarsimasunut sumiif�it orninneqarsinnaanissaat siunner�galugu. § 4. Kulturikkut oqaluttuarisaanermi sumiif�up ilaannik sumiif�lluunniit ataatsimut isigalugu kusanaallisaataasinnaasunik aseruisinnaasunilluunniit sumiif�up ilaani sumiif�mmiluunniit tamarmiusumi ingerlatsisoqaqqusaanngilaq, taamaattoq tak. imm. 2. Imm. 2. Kalaallit Nunaata Katersugaasivia Allagaateqar�alu immikkut ittumik pissutissaqartillugu imm. 1- imik saneqqutsinissamut akuersisinnaavoq. Imm. 3. Kulturikkut oqaluttuarisaanermi sumiif�mmik tikitsisarnerit aamma atuisarnerit kommunimi pilersaarut aamma aqutsinermi pilersaarut sumiif�mmut suliarineqarnikuusut ataqqillugu pisassapput, tak. §§ 8 aamma 9. Imm. 4. Ataqqillugu imm. 3-mi eqqaaneqartoq aqutsinermut pilersaarut sumiif�k kulturikkut kingornussaqar�usoq suli atorneqarsinnaavoq ukioq naallugu aamma sunngif�mmi illuaraqar�ttut aamma inuussutissarsiutinut, piniarnermut aalisarnermillu sammisanut. Mingutsitsineq aamma igitassanik, sukujunnik, atortunik assigisaanni nunaannarmut qimagaaqqusaannginneq § 5. Imermik, sikumik, qaqqanik nunamillu mingutsitsinissaq imaluunniit eqqagassanik sunilluunniit qimatsinissaq inerteqqutaavoq. Imm. 2. Pif�ssap ilaanni atorneqartarnerannik tunngavilersuutissaqanngippat pequtinik, atortunik assigisaannilluunniit nunami qimatsinissaq inerteqqutaavoq, tassunga ilanngullugit inuussutissarsiornermi atortut. Naasoqassuseq nunalu § 6. Eqqaassanngikkaanni § 4, imm. 4-mi pissutsit eqqaaneqartut, inerteqqutaavoq naasunik innarliinissaq imaluunniit nunataanik allannguinissaq, taamaattoq tak. imm. 2. Imm. 2. Naasunik taamaallaat katersisoqarsinnaavoq tamanna ingerlanneqarpat sumiif�mmi avatangiisinik innarliinani. Tupertarneq ikumatitsisarnerlu § 7. Tupernerit ikumatitsinerillu pif�ssani sivikitsuni taamaallaat pisinnaapput, sumiif�mmilu naasoqassuseq mianeralugu pissallutik. Imm. 2. Nunaminertat tamatigut tuper�gineqarsinnaasut Nunatta Katersugaasivia Allagaateqar�alu tusarniaavigereerlugu Qeqqata Kommuniani Kommunalbestyrelsimit toqqarneqarsinnaapput. Kisarsimaartarneq, nunamut ikaartarneq, tupertar�nnik ataavartunik pilersitsineq aamma angalasinnaaneq § 8. Qeqqata Kommuniani kommunalbestyrelse kommunimut pilersaarummi aalajangersagaliorsinnaavoq makkunuuna: 1) Kulturikkut oqaluttuarisaanermi sumiif�up ilaanni kisartarneq angallatinillu uninngatitsisarneq. 2) Nunaliartarneq. 3) Tupersimaartar�nnik aalajangersimasunik pilersitsisarneq, paasissutissanut allagarsiivik, perusuersartar�it aamma illuaraq ajornartoornermi isersimaf�gineqarsinnaasoq pillugit. 4) Aalajangersimasuni nunaminertap ilaanni aqqusiani kulturikkut eriagisaasup ilaani angalasinnaanerup killilersorneqartarnera. 5) Qamuteralannik aamma nunakkut angalaarutinik allanik suniluunniit (ATV’-nik) atuisarneq kulturikkut oqaluttuarisaanermi sumiif�mmii Nunatta Katersugaasiviata Allagaateqar�atalu inassuteqaatai naapertorlugit. Ingerlatsineq nakkutilliinerlu § 9. Nunatta Katersugaasivia Allagaateqar�alu Qeqqata Kommuniani kommunalbestyrelse isumasioqatigalugu soqutigisaqartullu suliamut attuumassuteqartut peqataatereerlugit kulturikkut oqaluttuarisaanermi sumiif�mmik aqutsinermut pilersaarusiussaaq. Aqutsinermut pilersaarusiaq nutarterneqartassaaq. Imm. 2. Ingerlatsinermut pilersaarut ingerlaavartumik nutarterneqartassaaq. Imm. 3. Ingerlatsinermi pilersaarut aqutsinermi atortuuvoq, ingerlatsivinnit atorneqartussaq qularnaarumallugu kulturikkut oqaluttuarisaanermi naleqartitat pigiinnarneqarnissaat aammalu illersorneqarnissaat, ilutigisaanillu tamat sumiif�mmut ornigussinnaatitaassallutik sumiif�k suli atorumallugu aammalu ineriartortikkumallugu. Imm. 4. Aqutsinermut pilersaarut ukuninnga allaaserinninnermik minnerpaamik imaqassaaq: 1) sumiif�mmik ataatsimut isigalugu taassumalu ilaanik aqutsinermi kina akisussaasuunersoq, 2) inatsit sorleq kulturikkut oqaluttuarisaanermi killilersuinersoq, 3) kulturikkut oqaluttuarisaanermi naleqartut suut kulturikkut oqaluttuarisaanermi sumiif�mmik illersuinermi tunngaviunersut, 4) suut annertuut akornusiisinnaasut kinguneqarnersut imaluunniit kinguneqarsinnaanersut kulturikkut oqaluttuarisaanermi sumiif�mmi, 5) sumiif�mmi inuussutissarsiornermik ineriartortitsinissamik suut kissaataanersut, 6) kulturikkut oqaluttuarisaanermi naleqartunik navianartorsiortitsisut pinngitsoorniarlugit inuussutissarsiornermillu ineriartortitsinissamik kissaatigineqartut ingerlannissaannut aqutsinermi iliuutsit suut aallartinneqarsimanersut aallartinneqarniarnersulluunniit, 7) aqutsinermut pilersaarut piviusunngortinniarlugu aningaasatigut inunnillu isumalluutit suut immikkoortinneqarnersut immikkoortinniarneqarnersulluunniit aamma 8) ingerlaavartumik nutarterisarnissaq siunertaralugu aqutsinermut pilersaarummik piviusunngortitsinermik qanoq misissuisoqartassanersoq nalilersuisoqartassanersorlu. § 10. Kalaallit Nunaata Katersugaasiviata Allagaateqar�atalu Qeqqata Kommuniani kommunalbestyrelse suleqatigalugu nakkutigissavaat nalunaarummi matumani aalajangersakkat malinneqarnissaat, taamaattoq tak. imm. 2. Imm. 2. Qeqqata Kommuniani kommunalbestyrelsip nakkutigissavaa kommunimut pilersaarummi § 8 naapertorlugu kommunalbestyrelsip najoqqutassatut aalajangersagaasa malinneqarnissaat. Pineqaatissiissutit § 11. §§ 4-6-imut aamma § 7, imm. 1-imik uteqattaartumik annertuumillu unioqqutitsinerit Kalaallit Nunaanni pinerluttulerinermik inatsit naapertorlugu akiliisitsinermik kinguneqarsinnaapput. Imm. 2. Unioqqutitsineq inatsisit naapertorlugit inummit imaluunniit pisortatut oqartussaasunit pilersinneqartoq pinerluttulerinermik inatsimmi aalajangersakkat naapertorlugit akisussaatitsinermik kinguneqarsinnaavoq, Kalaallit Nunaanni pinerluttulerinermik inatsimmi aalajangersakkat naapertorlugit. Atuutilersitsineq § 12. Nalunaarut ulloq 1. februar 2018 atuutilerpoq. Namminersorlutik Oqartussat, ulloq 30. Januar 2018 Doris J. Jensen / Lone Nukaaraq Møller Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut