Regulation 3 on the exemption of ports with accompanying land facilities and port basins from the Act on harbours

Allaffissornikkut najoqqutassiat Nr. 3 9. januaari 2025 Atuuttut Umiarsualiviit pillugit Inatsisartut Inatsisaanniit Umiarsualiviit atortulersuutitallit imartallillu mininneqarnissaat pillugu Namminersorlutik Oqartussat nalunaarutaat Umiarsualiviit pillugit Inatsisartut inatsisaanni nr. 9, 3. juni 2015-imeersumi § 1, imm. 2 naapertorlugu aalajangersarneqarpoq: § 1. Umiarsualiviit atortulersuutitallit imartallillu suliffeqarfimmit ataatsimit pigineqarlutik ingerlanneqartullu umiarsualivimmi suliffeqarfimmik ingerlatsinissamik siunertaqanngitsut aammalu taassuma nammineq inuussutissarsiutitigut soqutigisaanik siunertaqarluni taamaallaat ingerlanneqartut Umiarsualiviit pillugit Inatsisartut inatsisaanni mininneqarput. Imm. 2. Imm. 1 naapertorlugu umiarsualiviit atortulersuutitallit imartallillu inunnit imaluunniit sakkutuut imarsiortut ilisimasassarsiortuinit assartugassanik allamit pigineqartunik inuussutissarsiutigalugu assartuinermut atorneqarsimappata imaluunniit umiarsualivik atortulersuutitalik imartalillu inuussutissarsiutinut atatillugu allamit tikiffigineqarpat imm. 1 malillugu mininneqarneq atorunnaassaaq. § 2. Umiarsualiviit atortulersuutitallit imartallillu suliffeqarfimmit ataatsimit nunami tunisassiornermik tunngaveqarluni pigineqartoq ingerlanneqartorlu aammalu aalisakkanik suliffeqarfiup pilersuinissaanut tunisassiornissamut pingaarnertigut atorneqartoq Umiarsualiviit pillugit Inatsisartut inatsisaanni mininneqarpoq. § 3. Umiarsualiviit talittarfittut puttasutut pilersitat atortulersuutinik imartanillu ilallit pingaarnertigut tikittarnernut, orsersortarnernut aammalu umiatsiaaqqat sunngiffimmilu angallatit pituttortarnerannut ilusilersugaasut atorneqartullu Umiarsualiviit pillugit Inatsisartut inatsisaanni mininneqarput. Imm. 2. Umiarsualiviit talittarfittut puttasutut pilersitat atortulersuutinik imartanillu ilallit pingaarnertigut tikittarnernut, orsersortarnernut aammalu angallatit amerlanerpaamik 12-nik ilaasoqarluni angallassisarnissanut ilusilersugaasut atorneqartullu Umiarsualiviit pillugit Inatsisartut inatsisaanni mininneqarput. Imm. 3. Angallatinik nunani tamalaani angalasunik tikinneqartarneq umiarsualivinni atortulersuutitalinni imartalinnilu imm. 1 aamma 2-mi taaneqartuni inerteqqutaavoq. Imm. 4. Umiarsualiviit imm. 1-imi imaluunniit imm. 2-mi ilaatinneqartut 100 meteri qaangerlugu takissuseqaqqusaanngillat. https://nalunaarutit.gl/api/sitecore/FilesGenerator/GeneratePDF?Id=f350c5e6-c68c-42dd-a839-1d0063a5666a https://nalunaarutit.gl/api/sitecore/FilesGenerator/GeneratePDF?Id=f350c5e6-c68c-42dd-a839-1d0063a5666a Imm. 5. Imm. 1 aamma 2 naapertorlugit umiarsualiviit atortulersuutitallit imartallillu inunnit angallatinik ilaasussat 12-t sinnerlugit ilaasoqarsinnaallutik akuerineqartunik inuussutissarsiutigalugu assartuisarnissamut atorneqarsimappata imaluunniit angallatinik nunani tamalaani angalaartunik tikiffigineqarsimappata imaluunniit 100 meteri qaangerlugu takissuseqarsimappata imm. 1 imaluunniit 2 malillugit mininneqarneq atorunnaassaaq. § 4. Naalakkersuisut allatut aalajangiisimanngippata §§ 1-4 malillugit minitaasarneq atorunnaassaaq, tassalu umiarsualiviit atortulersuutitallit imartallillu §§ 1-4 malillugit mininneqarnissamut piumasaqaatinut akerliullutik atorneqarsimappata. § 5. Nalunaarut atortussanngortitsinermi atuutilersinneqassaaq. Namminersorlutik Oqartussat, ulloq 3. januaari 2025 Hans Peter Poulsen (atsior.) Ineqarnermut Attaveqaasersuutinullu Naalakkersuisoq / Ruth Lindhardt (atsior.) Umiarsualiviit pillugit Inatsisartut Inatsisaanniit Umiarsualiviit atortulersuutitallit imartallillu mininneqarnissaat pillugu Namminersorlutik Oqartussat nalunaarutaat