Act No. 67 on concessions for tourism services in selected areas

Inatsisit Nr. 67 6. decembari 2024 Atuuttut Sumiif�nni toqqakkani takornariartunut kiffartuussinermik ingerlatsinissamut akuersissuteqartarneq pillugu Inatsisartut inatsisaat Kapitali 1 Atuuf�a aamma isumasiuutit § 1. Takornarianik sullissinissanut akuersissutinut inatsisartut inatsisaat atuuppoq. Imm. 2. Illunut, sanaartukkanut, aaqqissuussinernut, aqqusinernut aamma attaveqaasersuutinut allanut, takornarianik sullissinermik tunniussinernut atatillugu atorneqartunut, inatsisartut inatsisaat aamma atuuppoq. Imm. 3. Takornariartitsisarnermik ingerlataqarneq aamma inuussutissarsiutigalugu ingerlatsinermizonenut immikkoortiterineq il.il. pillugit Inatsisartut inatsisaat malillugu, suliniutinut takornariartitsinermik suliaqarnermut akuersissutinut ilaasunut, inatsisartut inatsisaat atuutinngilaq. § 2. Inuup nalinginnaasumik najugaata imaluunniit najugaqar�ata avataanut angalasoq, aamma angalaneq tamakkerluni imaluunniit ilaannaa nuannaariarnissaq, peqqissarnissaq imaluunniit sulinngiffeqarnissaq eqqarsaatigalugu pippat, aamma tassunga atatillugu sullissinermik pissarsippat, inatsisartut inatsisaanni matumani inuk “takornariatut” paasineqassaaq. Imm. 2. Sullissineq suliniutitut ilusilik imaluunniit nioqqutissiatut pingaarnertut takornariatut sammitinneqartoq, aamma akiliisitsilluni tunniunneqartoq, “takornarianik sullissinertut” paasineqassaaq. Imm. 3. Nunap ilaani sumiif�up killillip iluani takornarianik sullissinermik imaluunniit sullissinernik arlalinnik tunniussinissamut pisinnaatitaaf�ttut “takornarianik sullissinernut akuersissut” paasineqassaaq. Imm. 4. Inuk imaluunniit inatsisitigut pisinnaatitaasoq pisussaatitaasorlu, imm. 3 malillugu takornarianik sullissisinnaanermut akuersissummik tunineqartoq “pisinnaatitaaf�nnik piginnittutut” paasineqassaaq. Imm. 5. Takornarianik sullissinernut akuersissutinik nalunaar�gineqarnissaq pillugu nalinginnaasumik pisortanit qinnuteqaatinik nassiusseqqusinertut, inatsisartut inatsisaanni matumani “neqerooruteqartitsineq” paasineqassaaq. Imm. 6. Inatsisartut inatsisaanni matumani “najukkami sulisut” tassaapput sulisinnaasut Kalaallit Nunaanni inuit allattorsimaf�anni najugaqartutut nalunaarsorneqarsimasut. Imm. 7. Inatsisartut inatsisaanni matumani “najukkami pilersuisut” tassaapput pilersuisut Qitiusumik Suliffeqar�nnik Nalunaarsuif�mmi (CVR) Kalaallit Nunaanni angerlarsimaffeqartutut nalunaarsorsimasussaatitaasut. Kapitali 2 Takornarianik sullissinnaanermut akuersissutit § 3. Nunami sumiif�nni killilinni takornarianik sullissinermik tunniussinerni, akuersissummik tunniussisoqarnissaata piumasarineqarnissaa pillugu Naalakkersuisut malittarisassanik aalajangersaasinnaapput. Imm. 2. Sumiif�mmi tassani takornarianik sullissinerit allatut ilusillit tunniunneqarsinnaanerat, sumiif�mmi takornarianik sullissinerit suussusaannut aalajangersimasunut akuersissummik piumasaqaatip mattutinngilaa. § 4. Inatsisartut inatsisaanni matumani § 9 malillugu ingerlatseriaaseq, aamma inatsisartut inatsisaanni matumani § 10 malillugu toqqaanissamut aalajangiinermut tunngaviit, aamma § 11 malillugu piumasaqaatit minnerpaaf�ssaanut aalajangersakkat tunngavigalugit, Naalakkersuisut akuersissummik nalunaaruteqarsinnaapput. Takornarianik sullissisinnaanermut akuersissut kisermaassassanngorlugu nalunaarutigineqassaaq. Imm. 2. Imm. 1 malillugu takornarianik sullissisinnaanermut akuersissummik nalunaar�gitinniaraanni, inatsisartut inatsisaanni §§ 12-imiit 15 ilanngullugu piumasaqaatigineqartut aamma § 16 malillugu malittarisassat aalajangersarneqartut qinnuteqartup naammassisimassavai. Pif�ssami akuersissuteqar�usumi tamarmi pisinnaatitaaf�mmik piginnittup piumasaqaatit taakku naammassissavai. Imm. 3. Takornarianik sullissisinnaanermut akuersissut sioqqutsisumik Naalakkersuisunit allakkatigut akuersissummik pinikkut allannut tunniunneqarsinnaavoq. Imm. 4. Pisinnaatitaaf�nnik piginnittut, akuersissummik pisimasut kikkuuneri, sumiif�mmi sumi akuersissut tunniunneqarsimanersoq, suut akuersissuteqar�usimanersut, kiisalu akuersissutip sivisussusaa Naalakkersuisut tamanut saqqummiussinnaavaat. Imm. 5. Imm. 1 malillugu takornarianik sullissisinnaanermut akuersissutip tunniunneqarnissaanut piumasaqaatit pillugit Naalakkersuisut malittarisassanik erseqqinnerusunik aalajangersaasinnaapput. Imm. 6. Tamatumunnga tunngatillugu akuersissutit nalunaarutigineqarnissaannut piginnaasaqarneq kommunalbestyrelsinut suliassiissutigineqarnissaa pillugu, Naalakkersuisut malittarisassanik aalajangersaasinnaapput. § 5. Takornarianik sullissisinnaanermut akuersissutit pif�ssami ukiut 20-it tikillugit nalunaarutigineqassapput. Imm. 2. Pif�ssap akuersissuteqar�usup ukiut 20-it tikillugit sivitsorneqarnissaa Naalakkersuisut nalunaarutigisinnaavaat. Imm. 3. Imm. 1-imiit 2 ilanngullugu apeqqutaatinnagit, akuersissummut pif�ssaliussap ataatsimoortup ukiut 30-it qaangissanngilai. § 6. Suliniut inatsisartut inatsisaannut ilaatinneqartut pillugit paasissutissat tamaasa oqartussaasut sulianik suliarinninnerannut pisariaqartinneqartut, pisinnaatitaaf�mmik piginnittup Naalakkersuisunut nalunaarutigissavai. Imm. 2. Paasissutissiinissamik pisussaaf�up annertussusaa, qanoq ittuulluni aamma qanoq iluseqarluni nassiunneqarnissaa pillugit, Naalakkersuisut malittarisassanik aalajangersaasinnaapput. § 7. Sumiif�up akuersissuteqar�usup kommunianut, takornarianik sullissisinnaanermut akuersissutinut ataatsimiititaliamik nalilersuisussamik pilersitsinissaq atuinissarlu pillugit Naalakkersuisut aalajangiisinnaapput. Imm. 2. Sumiif�mmut akuersissuteqar�usussamut qinnuteqaatit pissutsillu allat inatsisartut inatsisaanni matumani ilaatinneqartut tunngavigalugit, Naalakkersuisut noqqaassuteqarnerisigut akuersissutinut ataatsimiititaliaq innersuussuteqassaaq. Imm. 3. Akuersissutinut ataatsimiititaliami ilaasortat toqqarneqarnissaannut, siulittaasup toqqarneqarnissaanut, kiisalu akuersissutinut ataatsimiititaliami taasisarneq pillugit malittarisassat pillugit, Naalakkersuisut malittarisassanik aalajangersaasinnaapput. § 8. Inatsisartut inatsisaanni matumani § 3-mi, §§ 12-imiit 15 ilanngullugu aamma §§ 17-imiit 18 ilanngullugu kiisalu inatsisartut inatsisaat manna malillugu aalajangersakkat aalajangersarneqartut malillugit piumasaatit avaqqunneqarnissaat, Naalakkersuisut pisuni immikkut ittuni akuersissutigisinnaavaat. Kapitali 3 Takornarianik sullissisinnaanermut akuersissutit nalunaarutigineqarnerat § 9. Neqerooruteqartitsinerup kingorna aamma § 7, imm. 1 malillugu akuersissutinut ataatsimiititalianik attuumassuteqartunik tusarniaareernikkut, takornarianik sullissisinnaanermut akuersissut nalunaarutigineqassaaq. Qinnuteqar�ssamut pif�ssaliussaq sioqqullugu minnerpaamik ullorsiutini ullut 45-t sioqqullugit, Naalakkersuisut nittartagaanni kiisalu tusagassiuutini Naalakkersuisut neqerooruteqartitsineq tamanut saqqummiutissavaat. Imm. 2. Sumiif�mmut aalajangersimasumut neqerooruteqartitsisoqarsimappat, neqerooruteqartitsinerlu qinnuteqartumut piginnaassuseqartumut akuersissummik nalunaaruteqarnissamut periar�ssiisimanngippat, qinnuteqarnissamut pif�ssaliussap naanerata kingorna kingusinnerpaamik qaammatit 18-it qaangiutsinnagit qinnuteqaatip tiguneqarsimanissaa piumasaqaatigalugu, nutaamik neqerooruteqartitseqqinnani takornarianik sullissisinnaanermut akuersissut nalunaarutigineqarsinnaavoq. Imm. 3. Ingerlatseriaatsit imm. 1-imi aamma imm. 2-mi taaneqartut malillugit qinnuteqaatit tunngavigalugit, takornarianik sullissisinnaanermut akuersissutip nalunaarutigineqarnissaa Naalakkersuisut pinngitsoortissinnaavaat. § 10. Neqerooruteqartitsinermi toqqaanissamut aalajangiinermi tunngaviit tulliuttut atorneqassapput, taamaattoq imm. 2 takuuk: 1) Qinnuteqartup takornarianik sullissisinnaanermut akuersissummi pisussaaf�mminik isumaginninnissaanut tekniskiusunut tunngasumik piginnaasai pisariaqartinneqartut. 2) Qinnuteqartup takornarianik sullissisinnaanermut akuersissummi pisussaaf�mminik isumaginninnissaanut aningaasaqarnermut tunngasumik piginnaasai pisariaqartinneqartut. 3) Periuseq qinnuteqartup takornariartitsinermi nioqqutissap imaluunniit nioqqutissat qinnuteqaammut ilaasut qanoq ililluni tunniunnissaannut siunertaqarnersoq pillugu qinnuteqartup ingerlataqarnissaminut missiliuutaani uppernarsarneqarsimasut, tamakkununnga ilaallutik: a) Qinnuteqartup nioqqutissamik nittarsaassisinnaassusia kiisalu tuniniaaf�ssanik sunniuteqartunik pilersitsisinnaassusia. b) Qinnuteqartup sulif�ssanik pilersitsinissaminut kiisalu isumaqatigiissusiornermi, pilersuinermi kiffartuussutinilu pilersuisunik nunaqavissunik atuinissaminut piumassuseqarnera piginnaasaalu. 4) Sumiif�mmi tamarmi imaluunniit sumiif�up ilaani, siunissami takornarianik sullissisinnaanermik akuersissuteqar�usinnaasutut ilaatinneqartumi, takornarianik sullissinerit suussusaata imaluunniit suussusaasa assingi pillugit pisinerulersitsiniarnermut, neqerooruteqarnermut, tuniniaanermut aamma tunniussinermut qinnuteqartup suliarinninniarnera imaluunnit piviusumik pilersaarusiornera. 5) Piujuartitsinermik periaaseqarluni, pinngortitamut, avatangiisinut, silap pissusaanut, sulisut pisinnaatitaaf�inut aamma inuiaqatigiit soqutigisaannut nalinginnaasunut naleqquttumik qinnuteqartup takornarianik sullissinerit pillugit suliniutinik suliaqarsinnaanermut piginnaassuseqarnera aamma piumassuseqarnera. Imm. 2. Toqqaanissamut aalajangiinermut tunngaviit aallaavigalugit naliliinerup kingorna, qinnuteqartut naligiittut akornanni, inaarutaasumik toqqaanissaq siunertaralugu, imm. 1-imi taaneqartunit allaanerusunik, toqqaanissamut aalajangiinermi tunngavinnik naleqquttunik allanik, piviusoq naapertorlugu aamma kinaassusersiunngitsunik toqqaanissamut aalajangiinermut tunngavinnik Naalakkersuisut aalajangersaasinnaapput. Imm. 3. Aalajangiinermut tunngaviit imm. 1-imi aamma 2-mi taaneqartut aamma aalajangiinissamut tunngaviit imminnut missingersuunneqarnerat, § 9, imm. 1 malillugu neqerooruteqartitsinermut atatillugu tamanut saqqummiunneqassapput. § 11. Piumasaqaatit minnerpaaf�ssaat, qinnuteqartup piukkunneqarniarluni naammassisassai, neqerooruteqartitsinermut atatillugu Naalakkersuisut aalajangersarsinnaavaat. Kapitali 4 Pisinnaatitaaf�nnik piginnittut § 12. Takornarianik sullissisinnaanermik akuersissut taamaallaat inunnut tulliuttunik naammassinnittunut nalunaarutigineqarsinnaavoq: 1) Kalaallit Nunaanni inunnik nalunaarsuisar�mmi adresseqartumut aamma pif�ssami minnerpaamik ukiut 5 qinnuteqar�k sioqqullugu tassani nalunaarsorneqarsimalluni, 2) Kalaallit Nunaannut tamakkiisumik akileraartussaatitaasumut, 3) nammineq pisuussutiminik tamakkiisumik atuisinnaasumut aamma akiliisinnaajunnaarneq-, akiliisinnaannginneq- imaluunniit atorunnaarsitsineq pillugit suliaqar�gineqanngitsumut, aamma 4) pisortanut 100.000 kr.-it sinnerlugit akiligassanik akilerneqareertussaagaluanik akiligassaqanngitsumut. § 13. Takornarianik sullissisinnaanermik akuersissut taamaallaat inatsisitigut pisinnaatitaasumut pisussaatitaasumullu tulliuttunik naammassinnittunut nalunaarutigineqarsinnaavoq: 1) aningaaasaatileqatigiif�mmut imaluunniit inuup ingerlatseqatigiif�anutiit Kalaallit Nunaanni angerlarsimaffeqartumut, 2) akiliisinnaajunnaarnermik, akiliisinnaannginnermik imaluunniit atorunnaarsitsinissaq pillugit suliaqar�gineqanngitsumut, 3) aningaasaatileqatigiif�up aningaasaataasa minnerpaamik 2/3-ii, aamma taasisinnaatitaanermut piginnaatitaaf�it minnerpaamik 2/3-ii toqqaannartumik toqqaannanngitsumilluunniit inunnit, § 12, nr. 1-4- mi piumasaqaatinik naammassinnittunit, pigineqarpata, 4) inuup ingerlatseqatigiif�ani peqataasut minnerpaamik 2/3-ii § 12, nr. 1-4-mi piumasaqaatinik naammassinnippata, aamma 5) ingerlatseqatigiif�k pisortanut 100.000 kr.-it sinnerlugit akiligassanngoreersunik akiitsoqassanngilaq. Kapitali 5 Sillimaniarnermut pilersaarutit § 14. Takornarianik sullissisinnaanermik akuersissummik qinnuteqartup qinnuteqaammi nassiunnerata peqatigisaanik sillimaniarnermut pilersaarut allaganngorlugu ilanngutissavaa. Imm. 2. Takornarianik sullissinissat suussusaat, akuersissutip malitsigisaanik neqeroorutigineqartussatut eqqarsaatigineqartut, tassani sullissinerit takornarianut sammitinneqarlutik, tamarmik sillimaniarnermut pilersaarummi imarineqassapput. Imm. 3. Sillimaniarnermut pilersaarut kalaallisut tuluttullu qaqugukkulluunniit takornarianit tikinneqarsinnaassaaq. Imm. 4. Sillimaniarnermut pilersaarut ajutoorutaasinnaasunik nalilersuinermik aamma upalungaarsimanissamut pilersaarummik katitigaassaaq aamma nutarterneqarsimassaaq. Imm. 5. Pissutsit navianarsinnaasut pingaaruteqarnerpaat, suliniummut inatsisartut inatsisaanni matumani ilaatinneqartumut atassuteqartut pillugit, ajutooratarsinnaanermik nalilersuineq erseqqissumik annertuumillu paasissutissanik takornarianut ilisimasaqalersitsinissamut naleqquttuussaaq. Suliniutip piareersarneqarnerani ajutoorutaasinnaasunik nalilersuineq sulisut toqqarneqarneranni tunngaviussaaq, matumani angalanermi siulersuisut, angalanermi pif�ssaliussaq, pissutsit avataanersut nalilersorneqarneranni, atortussat toqqarneqarneranni il.il. Imm. 6. Upalungaarsimanissamut pilersaarut ajutoorutaasinnaasunik nalilersuinermik tunngaveqassaaq aamma tulliuttunik imaqassalluni: 1) annakannajaartoqartillugu imaluunniit ajunaarnermik pisoqartillugu iliuusissat aalajangerneqartussat allaaserineqarnerat, 2) sulisuni suliniummi peqataasuni ilisimasassat, misilittagaqarnissaq aamma pisinnaasaqarnerit pillugit paasissutissat, aamma 3) qinnuteqartup sulisuisa navianartumik pisoqartillugu qanoq qisuariaateqarnissaat pillugit, matumani attaveqaqatigiinnerup eqqarsaatigineqarnera ilanngullugu, paasissutissat. Imm. 7. Pisuni inatsisiliornerit allat imaluunniit aalajangersimasumik sulisaatsit, suliniutip pineqartup suliarineqarneranut atasumik isumannaallisaanermut piumasaqaatinik malittarisassiuussisut, aamma qinnuteqartup eqqortissallugit pisussaaf�gisai, atuutsillugit, imm. 1-miit 6 ilanngullugu aalajangersakkaniittut atuutinngillat. Kapitali 6 Sillimmasiinermit matussusiineq aamma allatut qularnaveeqqusiineq § 15. Pisinnaatitaaf�nnik piginnittoq inuussutissarsiornermi akisussaanermut sillimmasiisimanissaa imaluunniit allatut qularnaveeqquserneqarsimanissaa pillugit Naalakkersuisut piumasaqaateqarsinnaapput. Imm. 2. Pisuni, takornarianik sullissinernut pineqartunut matussusiisussamik inuussutissarsiornermi akisussaanermut sillimmasiisinnaaneq periar�ssaatinnagu, aammattaaq qularnaveeqqusiinissaq alla periar�ssaatinnagu, imm. 1 atuutinngilaq. Imm. 3. Imm. 1 malillugu sillimmasiinermit matussuserneqarnissamut aamma qularnaveeqqusiinissamut piumasaqaatit pillugit Naalakkersuisut malittarisassanik erseqqinnerusunik aalajangersaasinnaapput. Kapitali 7 Najukkami sulisut pilersuisullu § 16. Suliniutinut, takornarianik sullissisinnaanermut akuersissut malillugu suliarineqartunut, pisinnaatitaaf�mmik piginnittup najukkami sulisut kiisalu najukkami nioqqutissanik kiffartuussinernillu pilersuif�nnik atuinissaa pillugit, Naalakkersuisut malittarisassanik aalajangersaasinnaapput. Kapitali 8 Takornarianik sullissisinnaanermut akuersissummik tunineqarnerup kingorna pisinnaatitaaf�mmik piginnittup pisussaaf�i § 17. Pisinnaatitaaf�mmik piginnittoq qinnuteqarsimatinnagu aamma taaneqartorpiaat pillugit suliniutit pillugit pilersaarummut akuersissummik Naalakkersuisunit pisimatinnagu, pisinnaatitaaf�nnik piginnittup suliniutinik takornarianik sullissisinnaanermut akuersissummi ilaasunik aallartitsinissaa inerteqqutaavoq. Imm. 2. Suliniutinut pilersaarut naleqquttumik annertussusilimmik tulliuttunik imaqassaaq: 1) Suliniutip ineriartortinneqarnissaannut kisitsisit anguniakkat pilersaarutigineqartut allaaserineqarnerat. 2) Illut, illuliat assigisaallu akuersissummut atatillugu qanoq pilersinneqarniarnersut aamma atorneqarniarnersut allaaserineqarnerat. 3) § 2, imm. 6 malillugu najukkami sulisut, aamma § 2, imm. 7 malillugu takornarianik sullissinnaanermut akuersissut malillugu suliniutit suliarineqarnissaannut nioqqutissanik kiffartuussinernillu pilersuif�it atorneqarnissaannut pilersaarutigineqartut allaaserineqarneri. 4) Isumannaallisaanermut tunngasunut pisussaaf�it qanoq ililluni naammassineqarnissaannik pisinnaatitaaf�mmik piginnittup qulakkeerinninnissaata allaaserineqarnera. 5) Pisinnaatitaaf�mmik piginnittup sulisui aamma isumaqatigiissusior�gisai, takornariat aamma inuit allat, inuttut ajoqusernissamut navianartorsiortinneqannginnissaat qulakkeerniarlugu, pisinnaatitaaf�mmik piginnittup suliniutai aamma aalajangersimasumik ingerlatseriaasia pillugit allaaserinninneq. 6) Pinngortitap illersorneqarnissaa, avatangiisit illersorneqarnissaat, aalisarneq piniarnerlu pillugit aamma sulinermut pissutsinut inatsisit aamma ataatsimoorussamik isumaqatigiissutit qanoq ililluni pisinnaatitaaf�mmik piginnittup naammassinninnissaminik qulakkeerinninniarneranik allaaserinninneq. 7) Akuersissutip atorunnaarnerani, qanoq ililluni avatangiisit iluarseqqinneqarnissaannik pisinnaatitaaf�mmik piginnittup qulakkeerinninnissaa pillugu allaaserinninneq. Imm. 3. Pissutsit allanngornerisa tamanna piumasaqaatigippassuk, piaarnerpaamik aamma kingusinnerpaamik qaammatit 3 iluanni, pilersaarut allanngortitaq Naalakkersuisuni akueriteqqullugu pisinnaatitaaf�mmik piginnittup nassiutissavaa. § 18. Suliniutit takornarianik sullissisinnaanermik akuersissummi ilaatinneqartut pillugit nalunaarusiaq, pisinnaatitaaf�mmik piginnittup ukiumoortumik Naalakkersuisunut nassiutissavaa. Imm. 2. Pisinnaatitaaf�nnik piginnittup nalunaarusianik nassiussisarnissaa pillugu Naalakkersuisut malittarisassanik erseqqinnerusunik aalajangersaasinnaapput. § 19. Nalunaarusiaqarnermut atatillugu paasissutissat saqqummersimasut, pisortani oqartussanut suliffeqar�nnullu namminersorlutik oqartussanit pigineqartunut, Naalakkersuisut avitseqatigiissutigisinnaavaat. Imm. 2. Inatsisartut inatsisaat malillugu takornarianik sullissisinnaanermik akuersissutit pillugit naatsorsueqqissaarnikkut paasissutissat Naalakkersuisut tamanut saqqummiussinnaavaat. Kapitali 9 Akitsuusiinikkut akileraarut aamma akiliutinik akiliineq § 20. §§ 21 aamma 22 malillugit, pisinnaatitaaf�nnik piginnittoq takornarianik sullissisinnaanermut akuersissummut pisaminnut ukiumoortumik akitsuusiinikkut akileraarummik akiliisassapput. Akitsuusiinikkut akileraarut Naalakkersuisut pissavaat. Imm. 2. Takornarianik sullissisinnaanermut akuersissummik pif�ssami tunineqar�usumi. Akitsuusiinikkut akileraarummik akiliisussaatitaaneq aallartissaaq. Imm. 3. Ukiumi, akitsuusiinikkut akileraarummut tunngasumi, decemberip naanerani akitsuusiinikkut akileraarut akilerneqassaaq. § 21. Akiliuteqarluni aalisarnermut akuersissutinut akitsuusiilluni akileraarut tassaavoq tunngaviusumik akigititaq tapilu. Imm. 2. Tunngaviusumik akigititaq ukiumut 2.500 koruuniuvoq. Imm. 3. Tapi tikeraartumut ataatsimut ullormut ataatsimut 130 koruunitut naatsorsorneqassaaq. Imm. 4. Imm. 2-imi aamma imm. 3-mi aningaasat amerlassusaat procenti aaqqiissutissaq atorlugu naleqqussarneqassapput. § 22. Akuersissutinut § 21-imi ilaatinneqanngitsunut, akitsuusiinikkut akileraarut ukiumut 7.500 kr.-iusoq akilerneqassaaq. Imm. 2. Imm. 1-imi aningaasat amerlassusaat procenti aaqqiissutissaq atorlugu naleqqussarneqassapput. § 23. Inatsisartut inatsisaat malillugu suliamik suliarinninnermut aamma oqartussaasut oqartussaasutut suliaqarnerannut atasumik aningaasartuutit, pisinnaatitaaf�mmik piginnittumit akilerneqarnissaat pillugit Naalakkersuisut malittarisassanik aalajangersaasinnaapput. Imm. 2. Imm. 1 malillugu akiliineq akiliutitut akileqquneqassaaq. Kapitali 10 Nakkutilliineq, naalakkiuteqarneq aamma takornarianik sullissisinnaanermut akuersissutit atorunnaarsinneqarnerat § 24. Takornarianik sullissisinnaanermut akuersissutinut, pisinnaatitaaf�nnik piginnittunut, suliniutinut aamma pissutsinut inatsisartut inatsisaanni ilaatinneqartunut, Naalakkersuisut nakkutilliissapput. Imm. 2. Nakkutilliinerup suliarineqarnissaa pillugu Naalakkersuisut malittarisassanik aalajangersaasinnaapput, matumani Kalaallit Nunaanni Namminersorlutik Oqartussat ataanni oqartussaasoq imaluunniit sullissivik sorleq nakkutilliinermik suliaqassanersoq ilanngullugit, imaluunniit nakkutilliinermik piginnaasaqarneq kommunalbestyrelsinut suliassiissutigineqarnissaa pillugu. § 25. Pissutsit inatsisinik unioqqutitsisut iluarsineqarnissaat imaluunniit atorunnaarsinneqarnissaat pillugit pisinnaatitaaf�mmik piginnittumut aamma allanut inatsisartut inatsisaanni matumani ilaatinneqartunut, Naalakkersuisut naalakkiummik nalunaaruteqarsinnaapput. Imm. 2. Pisinnaatitaaf�mmik piginnittoq inatsisartut inatsisaat malillugu naalakkiummik malinnikkumanngippat, akuersissut inatsisartut inatsisaat manna malillugu atulersinneqartoq Naalakkersuisut utertissinnaavaat. Imm. 3. Takornarianik sullissisinnaanermut akuersissutit utertinneqarnissaat pillugit Naalakkersuisut malittarisassanik aalajangersaasinnaapput. § 26. Pisinnaatitaaf�mmik piginnittup pisussaaf�i qanoq annertutigissanersut imaluunniit pisinnaatitaaf�nnik piginnittoq akuersissutip naanerata kingorna allakkut pisussaaffeqarnersoq pillugu, matumani pisinnaatitaaf�mmik piginnittoq akuersissut malillugu suliniutit naammassineranni illunik, illuutinik il.il., pisinnaatitaaf�mmik piginnittumit pilersinneqartunik, piiaassasoq, kiisalu iluarsaassissasoq, tamatumalu kingorna nakkutilliinermik assigisaanillu suliaqarnissaa ilanngullugit, Naalakkersuisut malittarisassanik akuersissummilu piumasaqaatinik aalajangersaasinnaapput. Imm. 2. § 17 malillugu suliniutit pillugit pilersaarutip akuersissutigineqarnerani, imm. 1 malillugu pisinnaatitaaf�nnik piginnittup pisussaaf�isa naammassineqarnissaannut qulakkeerinninniarluni piumasaqaatinik Naalakkersuisut aalajangersaasinnaapput, matumani qularnaveeqqusiinissaq pillugu. Pissutsit allanngornerisa tamanna pisariaqartilerpassuk, piumasaqaatit allanngortitat Naalakkersuisut aalajangersarsinnaavaat, matumani qularnaveeqqusiinerup allanngortinneqarnissaa pillugu. Imm. 3. § 25, imm. 1 malillugu torersaanissamik naalakkiut pisinnaatitaaf�mmik piginnittup naammassinngippagu, pisinnaatitaaf�mmik piginnittup akiligassaanik akisussaaf�anillu Naalakkersuisut suliniutit aallartissinnaavaat. Kapitali 11 Pineqaatissiinerit § 27. Akiliisitaanermik pineqaatissinneqarsinnaavoq: 1) isumannaallisaanermut pilersaarummik takornarianut kalaallisut tuluttullu saqqumisitsinnginnikkut § 14, imm, 3-mik unioqqutitsisoq, 2) tamatumunnga ingerlatsinissamut pilersaarummik Naalakkersuisut akuersiseqqaartinnagit ingerlatanik aallartitsinikkut § 17, imm. 1-imik unioqqutitsisoq, 3) inuussutissarsiornermi akisussaanermut sillimmasersimannginnikkut allatulluunniit qularnaveeqqusiisimannginnikkut atugassarititaasunik § 15, imm. 1 naapertorlugu aalajangersarneqarsimasunik unioqqutitsisoq, 4) paasissutissanik oqartussap il.il. pinngitsoorani pigisassaanik eqqunngitsunik paatsiveerussaataasinnaasunilluunniit tunniussinikkut § 6, imm. 1-imik unioqqutitsisoq, 5) ingerlatat takornariartitsisarnermut akuersissummut ilaatinneqartut pillugit nalunaarummik Naalakkersuisunut nassiussinnginnikkut § 18, imm. 1-imik unioqqutitsisoq. Imm. 2. § 3, § 4, imm. 5, § 6, imm. 2, § 15, imm. 3, § 16 aamma § 18, imm. 2 malillugit malitassani atulersinneqartuni, Kalaallit Nunaanni pinerluttulerinermi inatsimmi malittarisassat malillugit pineqaatissiinerit akiliisitsissutitut ilusillit aalajangersarneqarsinnaapput. Imm. 3. Inatsisartut inatsisaat imaluunniit inatsisartut inatsisaat malillugu malitassat atulersinneqartut akiliisitsissutip aalajangerneqarnissaa periar�ssaliissutigippagu, akiliisitsissut Kalaallit Nunaanni pinerluttulerinermi inatsimmi malittarisassat malillugit inatsisitigut pisinnaatitaasumut pisussaatitaasumullu akileqquneqarsinnaapput. Imm. 4. Akiliisitsissutit, imm. 1-imiit 3 ilanngullugu malillugit aalajangersarneqartut, nunatta karsiata pissavai. Imm. 5. § 6, imm. 1-ip, § 18, imm. 1-ip, imaluunniit § 3, § 4, imm. 5, § 6, imm. 2, § 15, imm. 3, § 16 aamma § 18, imm. 2 malillugit aalajangersakkat aalajangersarneqartut unioqqutinneqarneranni, Kalaallit Nunaanni pinerluttulerinermi inatsimmi malittarisassat malillugit arsaarinninneq pisinnaavoq. Arsaarinninneq nunatta karsianut iluanaarutitut pissaaq. Kapitali 12 Atuutilersitsinermut- ikaarsaariartitsinermullu aalajangersakkat § 28. Inatsisartut inatsisaat ulloq 1. januar 2025 atuutilissaaq. Imm. 2. Sumiif�nni nunami aalajangersimasuni takornariartitsinermut akuersissuteqartarnissaq pillugu Inatsisartut inatsisaat nr. 19, 3. december 2012-imeersoq atorunnaarsinneqassaaq. Imm. 3. Takornariartitsinermik suliaqarnermut akuersissutit, Inatsisartut inatsisaata atuutilernerani nalunaarutigineqartut, atuuttuussusertik attatiinnassavaat. Akuersissutinut taamaattunut Sumiif�nni nunami aalajangersimasuni takornariartitsinermut akuersissuteqartarnissaq pillugu Inatsisartut inatsisaat nr. 19, 3. december 2012-imeersumi maannamut malittarisassat atuuttut atuutissapput. Imm. 4. Inatsisartut inatsisaanni § 21, imm. 4, aamma § 22, imm. 2 malillugit procenti aaqqiissutissaq atorlugu naleqqussaaneq, siullerpaamik 1. januar 2026 pissaaq. Namminersorlutik Oqartussat, ulloq 6. decembari 2024 Múte Bourup Egede (atsior.) Naalakkersuisut Siulittaasuat Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut