Act No. 25 on expropriation

Inatsisit Nr. 25 30. oktobari 1992 Atuuttut Pigisanik aalaakkaasunik arsaarinnissuteqartarneq pillugu Inatsisartut inatsisaat § 1. Inooqatigiit ataatsimut iluaqutissaat siunertaralugu pisariaqartinneqarpat Naalakkersuisut aalajangersinnaavaat suliassaqar�nni Namminersornerullutik Oqartussanut atasuni pigisanik aalaakkaasunik privatimik pigineqartunik arsaarinninnissaq. Imm. 2. Arsaarinninnissaq aalajangerneqartinnagu pigisap aalaakkaasup tunniunneqarnissaa tamanut naammaginartumik isumaqatigiissuteqarnikkut anguniarneqassaaq. Imm. 3. Arsaarinninnermi arsaarinnissutaasumut oqartussaaf�ginninnerit tamarmik atorunnaassapput Naalakkersuisut allaasumik aalajangiisimanngippata. § 2. Taarsiissutissat aalajangerneqassapput ataatsimiititaliamit inunnik nakerisarsiortuunngitsunik sisamanik tallimanilluunniit ilaasortalimmit, taakkunanngalu siulittaasoq ilaasortarlu alla ataaseq Naalakkersuisunit toqqarneqassapput, ilaasortaq ataaseq toqqarneqassalluni najukkami kommunalbestyrelsimit ilaasortallu marluk toqqarneqassallutik arsaarinninniarluni suliami attorneqartunit namminersortunit arlariinnit, pigisaat arsaarinninniutaappat, imaluunniit toqqarneqassalluni ilaasortaq ataaseq, taamatut attorneqartoq ataasiinnaappat. Imm. 2. Ilaasortat Naalakkersuisunit toqqarneqartut Naalakkersuisunut imaluunniit Inatsisartunut ilaasortaassanngillat imaluunniit atorfeqartuussanngillat Namminersornerullutik Oqartussani imaluunniit ingerlassani 50 pct-imik annerusumilluunniit Namminersornerullutik Oqartussanit pigineqartuni. Aammattaaq siulittaasoq inatsisilerituutut atorf ilissatut soraarummeersimassaaq, ilaasortarlu Naalakkersuisunit toqqagaasup aappaa Kalaallit Nunaanni illuliortarnermik imaluunniit illuliortarnermut tunngasunik paasisimasaqartussaasuussaaq. Ilaasortaq imaluunniit ilaasortat suliami pineqartumik piginnittuusunit namminersortunit toqqarneqartut piginnittuusut arlaannaanniluunniit piginneqataassanngilaq atorfeqartuussananiluunniit. Imm. 3. Namminersortut piginnittuusut sinniisussaannik toqqaanissamut pif�ssamik Naalakkersuisut killiliisinnaapput. Pif�ssamut killiliussaq taanna eqqortinneqanngippat § 3, imm. 2 aamma 3 naapertorlugit ataatsimiittoqareerneratigut taarsiissutissat Naalakkersuisut aalajangersinnaavaat. § 3. Taarsiissutissat aalajangerneqartinnagit ataatsimiititaliap nakkutigissavaa arsaarinninnissamik aalajangiinerup arsaarinninniarnermi siunertarineqartumit annertunerusumik imaqanginnissaa. Ataatsimiititaliap tamatumuuna piumasarisinnaavaa arsaarinninnissamik aalajangiinermi allanngortitilaagassat pisariaqartut Naalakkersuisunit naammassineqarnissaat. Imm. 2. Tamanna pereerpat ataatsimiititaliap suliassami illuatungeriit misissuinissamut aggersassavai, misissuinermilu tassani illuatungeriit tamarmik oqaaseqarsinnaatitaapput pissutsit isumartik malillugu taarsiivigineqarnissap aalajangerneqarnissaani sunniuteqartariaqarsorisatik nassuiarlugit. Imm. 3. Ataatsiroiititaliap isumagissavaa misissuinissap qaqugu sumilu pinissaata tamanna sivikinnerpaamik sapaatit akunnerinik sisamanik sioqqullugu nunamut tamarmut aviisit aqqutigalugit tamanut nalunaarutiginissaa. Nalunaarutikkut tassuuna ilisimatitsissutigineqassaq arsaarinninnissamik aalajangikkap tamanit takuniarneqarsinnaalluni sumiinnera. Imm. 4. Ataatsimiititaliaq ataatsimeeqittarsinnaavoq tamanna pisariaqarsorinarpat. § 4. Aalajangigassat, isumaqatigiittoqanngikkaangat, ataatsimiititaliap taasisut amerlanerit isumaat malillugu aalajangertassavai. § 5. Arsaarinninnissap imaluunniit taarsiissutissatut aalajangikkat eqqartuussivimmi misissorneqarnissaannik piumasarisaq Kalaallit Nunaata Eqqartuussiviani suliarineqaqqaartussatut suliassanngortinneqassaaq arsaarinninnissaq pillugu Naalakkersuisut aalajangiinerata imaluunniit taarsiissutissat pillugit ataatsimiititaliap aalajangiinerata pineqartumut anngunneqarnerata kingornagut sapaatit akunneri sisamat qaangiutsinnagit. Imm. 2. Immikkut ittunik pissutissaqartillugu Nunatta Eqqartuussiviata akuerisinnaavaa eqqartuussivimmi nangitseqqusinerup pif�ssamut killiliussap imm. 1-imi taaneqartup qaangiutereerneragut pinissaa. Imm. 3. Eqqartuussivimmi nangitseqqusineq kinguarsaanissamik sunniuteqassanngilaq Nunatta Eqqartuussivia allatut aalajangiinngippat. § 6. Aningaasat taarsiissutissat eqqartuussinerni ernialiunneqartartumik ernialersortinneqassapput Naalakkersuisut arsaarinninnissamik aalajangernerannit. Pif�ssamilli allamiit ernialersuinissaq ataatsimiititaliap aalajangersinnaavaa, taamaaliornissamut immikkut pissutissaqarpat, pingaartumik arsaarinninneq kingusinnerusukkut aatsaat pissappat piginnittullu pigisani tamatuma tungaanut ingerlatiinnarsinnaassappagu. § 7. Arsaarinninnissamik piumasaqartup taarsiissutissat akilissavai taakkua annertussusissaasa inissutaasumik aalajangerneqarnerata kingornagut sapinngisamik piaartumik, kingusinnerpaamillu piumasaqartup arsaarinnissutaasumut oqartussaaf�ginnilernerani. § 8. Qularnaveerusiisunut taarsiissutissat tunniunneqassapput tulleriiaarlutik pisassaqarnerat malillugu. § 9. Ataatsimiititaliap sulianik qanoq ingerlatsisarnissaa pillugu Naalakkersuisut maleruagassaliorsinnaapput. Imm. 2. Ataatsimiititaliami ilaasortat akissarsiassaat aalajangerneqassapput Kalaallit Nunaanni Naalakkersuisunut, Kalaallit Nunaanni Inatsisartunut ilaasortat akissarsiaat il.il. pillugit Inatsisartut inatsisaat naapertorlugu. Imm. 3. Pigisanik aalaakkaasunik arsaarinninnerit naammassinninnerni aningaasartuutit arsaarinninnissamik piumasaqartumit akilerneqassapput, Naalakkersuisut qaqutigut allatut aalajangiisimanngikkaangata. Imm. 4. Taartisiassaqartoq namminerminut tunngasut isumannaatsumik suliarineqarnissaannut suliap ingerlanneqarnerani pisariaqartumik ikiortigisariaqakkaminut soorlu eqqartuussissuserisumut, naatsorsuutinik kukkunersiuisartumut il.il. aningaasartuuteqarpat ataatsimiititaliap suliarinneqqusisoq peqqusif f igisinnaavaa taanna aningaasartuutigisaanut naleqquttumik taarsiivigissagaa. § 10. Inatsisartut inatsisaat una Suliassaqar�nni Namminersornerullutik Oqartussanut atasuni pigisanik aalaakkaasunik arsaarinníssuteqartarneq pillugu Kalaallit Nunaannut inatsit Folketingimit akuersissutigineqassappat atortuulissaaq novembarip aallaqqaataani 1992-imi. Namminersornerullutik Oqartussat, ulloq 30. oktober 1992 Lars Emil Johansen / Kaj Kleist Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut