Decree No 356 of 1998 of Georgian President on Rules for Customs Control of Seed Potato
Made 1998-05-28 · Text as of 2026-10-01
Public law and official guidance, published as research. Not legal, tax or financial advice.
About this law
- Original title
- საქართველოს პრეზიდენტის ბრძანებულება №356 სათესლე კარტოფილის საქართველოში შემოტანის საბაჟო კონტროლის წესის დამტკიცების შესახებ
- Language
- Georgian
- Kind
- Regulation
- Organisation
- European Union
- Country
- Georgia
- Subjects
- Cultivated plants
- Keywords
- international trade, seeds/planting material, vegetables/legumes, standards, procedural matters, plant production
- Categories
- *, agriculture
Where to read it
Text
The law's own text, section by section, as held. Each section has its own link.
საქართველოს პრეზიდენტის ბრძანებულება №356 1998 წლის 28 მაისი ქ. თბილისი სათესლე კარტოფილის საქართველოში შემოტანის საბაჟო კონტროლის წესის დამტკიცების შესახებ დამტკიცდეს სათესლე კარტოფილის საქართველოში შემოტანის საბაჟო კონტროლის თანდართული წესი. ე. შევარდნაძე სათესლე კარტოფილის საქართველოში შემოტანის საბაჟო კონტროლის წესი 1. სათესლე კარტოფილის საბაჟო გაფორმებამდე საბაჟო ორგანოს პასუხისმგებელი მუშაკის თანდასწრებით საქართველოს სოფლის მეურნეობისა და სურსათის სამინისტროს თესლეულისა და სარგავი მასალის ხარისხის ინსპექციის წარმომადგენელი თესლის პარტიიდან შერჩევითი სინჯების აღებისა და თვალთახედვითი შემოწმებით მოქმედი სტანდარტების საფუძველზე გასცემს სათანადო შემოწმების საბუთს „ანალიზის შედეგის” ფორმის მიხედვით. 2. მავნებლებსა და დაავადებებზე სათესლე კარტოფილის თესლის შემოწმებას დადგენილი წესით ახდენს საქართველოს სოფლის მეურნეობისა და სურსათის სამინისტროს მცენარეთა დაცვის სამსახურის ფიტოსანიტარიული კარანტინის ინსპექცია და იძლევა სათანადო საბუთს. 3. მიმღების მიერ სათესლე კარტოფილის საწყობში ან ტერმინალში მოთავსების შემდეგ, მიმღების განაცხადის საფუძველზე, საქართველოს სოფლის მეურნეობისა და სურსათის სამინისტროს თესლეულისა და სარგავი მასალის ხარისხის ინსპექცია იღებს სინჯებს თესვითი ხარისხის დასადგენად და ჩატარებული ანალიზის შედეგების მიხედვით გასცემს სათანადო საბუთს. 4. აკრძალულია დაურაიონებელი ჯიშის სათესლე კატოფილის შემოტანა, გარდა სელექციური მიღწევების გამოცდისა და დაცვის ინსპექციისათვის საკონკურსო და საწარმოო გამოცდის მიზნით გათვალისწინებული საჭირო ჯიშებისა.