Ministerial Decree No. 33 on some issues related with the Collegium of the State Land Committee

Azərbaycan Respublikası Dövlət Torpaq Komitəsinin kollegiyasının bəzi məsələləri haqqında AZƏRBAYCAN RESPUBLİKASI NAZİRLƏR KABİNETİNİN QƏRARI Azərbaycan Respublikasının Nazirlər Kabineti qərara alır: 1. Azərbaycan Respublikası Dövlət Torpaq Komitəsinin kollegiya üzvləri sayının 15 nəfərdən ibarət müəyyən edilməsi haqqında Azərbaycan Respublikası Dövlət Torpaq Komitəsinin təklifi qəbul edilsin. 2. "Azərbaycan Respublikası Dövlət Torpaq Komitəsinin kollegiya üzvlərinin təsdiq edilməsi haqqında" Azərbaycan Respublikası Nazirlər Kabinetinin 1998-ci il 13 fevral tarixli 25 nömrəli qərarının 1-ci bəndində "13" rəqəmi "15" rəqəmi ilə əvəz edilsin. 3. Azərbaycan Respublikası Dövlət Torpaq Komitəsinin kollegiyası aşağıdakı tərkibdə təsdiq edilsin: Kollegiyanın sədri Məmmədov Qərib Şamil oğlu - Dövlət Torpaq Komitəsinin sədri, kollegiyanın sədri Kollegiyanın üzvləri Mahmudov Mircəmil Mirtofiq oğlu - Naxçıvan Muxtar Respublikası Dövlət Torpaq Komitəsinin sədri Cəfərov Füzuli Çaparxan oğlu - Dövlət Yerquruluşu Layihə İnstitutunun direktoru İsmayılov Amin İsmayıl oğlu - Dövlət torpaq kadastrı, monitorinqi və informasiya mərkəzinin direktoru Cəfərov Barat Adəm oğlu - Torpaq ehtiyatlarına nəzarət baş idarəsinin rəisi Quliyev Mirrafiq Mirmahmud oğlu - Yerquruluşu və torpaq islahatı baş idarəsinin rəisi Ayvazov Fərhad Dursun oğlu - Torpaqların qeydiyyatı və kadastr baş idarəsinin rəisi İsayev Həsən Hümbət oğlu - İqtisadiyyat, maliyyə və mühasibat uçotu şöbəsinin rəisi Alıyev Ağakişi Təvəkkül oğlu - Torpaqların uçotu və kadastr idarəsinin rəisi Əliverdiyev Hikmət Abdulhüseyn oğlu - Yerquruluşu idarəsinin rəisi Məmmədov Hikmət Baba oğlu - Mətbuat xidməti və analitik informasiya mərkəzinin rəhbəri Məlikov Natiq Ağarza oğlu - Bakı şəhər torpaq şöbəsinin müdiri 4. Bu qərar imzalandığı gündən qüvvəyə minir. Azərbaycan Respublikasının Baş naziri A. RASİZADƏ Bakı şəhəri, 5 fevral 2001-ci il № 33