Regulation No. 866 dated 10.12.2014 approving the lists of natural habitat types, plants, animals, and birds that are of interest for European Union

VENDIM Nr. 866, datë 10.12.2014 PËR MIRATIMIN E LISTAVE TË TIPAVE TË HABITATEVE NATYRORE, BIMËVE, KAFSHËVE DHE SHPENDËVE, ME INTERES PËR BASHKIMIN EVROPIAN* Në mbështetje të nenit 100 të Kushtetutës dhe të nenit 17/4, të ligjit nr. 9587, datë 20.7.2006, “Për mbrojtjen e biodiversitetit”, të ndryshuar, me propozimin e ministrit të Mjedisit, Këshilli i Ministrave VENDOSI: Miratimin e listave të tipave të habitateve natyrore, bimëve, kafshëve dhe shpendëve, me interes për Bashkimin Evropian, sipas anekseve të mëposhtme, që i bashkëlidhen këtij vendimi: a) Aneksi I: Tipat e habitateve natyrore me interes për Bashkimin Evropian, ruajtja e të cilave kërkon përcaktimin e zonave të veçanta të ruajtjes; b) Aneksi II: Llojet e bimëve dhe kafshëve me interes për Bashkimin Evropian, ruajtja e të cilave kërkon përcaktimin e zonave të veçanta të ruajtjes; c) Aneksi III: Lloje kafshësh dhe bimësh me interes për Bashkimin Evropian, në nevojë për mbrojtje strikte; ç) Aneksi IV: Llojet e kafshëve dhe bimëve me interes për Bashkimin Evropian, kapja në gjendje të egër, shfrytëzimi i të cilave mund të jetë objekt i masave menaxhuese; d) Aneksi V: Parimet për identifikimin e llojeve të shpendëve të egër që do të jenë objekt kërkimi për mbrojtjen dhe menaxhimin e shpendëve të egër. Ky vendim hyn në fuqi pas botimit në Fletoren Zyrtare. KRYEMINISTRI Edi Rama * Ky vendim përafron plotësisht: 1. Anekset I, II, IV dhe V, të direktivës 92/43/EEC, për ruajtjen e habitateve natyrore, florën dhe faunën e egër, të ndryshuar nga direktiva 97/62/EC, direktiva 2006/105/EC dhe rregullorja (EC) 1882/2003 (Fl. L 206, 22.7.1992, f. 7); 2. Aneksin V të direktivës 2009/147/EC për ruajtjen e shpendëve të egër (FZ. L20/7, 20.1.2010.).