Regulation No. 632 dated 11.6.2009 approving the usage tariffs for the pastures and lawns

VENDIM Nr.632, datë 11.6.2009 PËR MIRATIMIN E TARIFAVE TË PËRDORIMIT TË KULLOTAVE DHE LIVADHEVE PËR KULLOTJE DHE KOSITJE Në mbështetje të nenit 100 të Kushtetutës dhe të neneve 15, pika 1, e 17, pika 5 të ligjit nr.9693, datë 19.3.2007 “Për fondin kullosor”, të ndryshuar, me propozimin e Ministrit të Mjedisit, Pyjeve dhe Administrimit të Ujërave, Këshilli i Ministrave VENDOSI: 1. Miratimin e tarifave të përdorimit të kullotave dhe livadheve për kullotje dhe kositje, sipas tabelës, që i bashkëlidhet këtij vendimi. 2. Ngarkohen Ministria e Mjedisit, Pyjeve dhe Administrimit të Ujërave dhe organet e qeverisjes vendore për zbatimin e këtij vendimi. 3. Vendimi nr.887, datë 19.12.2007 i Këshillit të Ministrave “Për miratimin e tarifave të përdorimit të kullotave dhe livadheve shtetërore për kullotje dhe kositje”, shfuqizohet. Ky vendim hyn në fuqi pas botimit në Fletoren Zyrtare. KRYEMINISTRI Sali Berisha Tabela e tarifave të përdorimit të kullotave dhe livadheve për kullotje dhe kositje a) Tarifat e kullotjes së bagëtive: Nr. Lloji i bagëtive Tipi i kullotës Pyje që kulloten Lekë/krerë Dimërore lekë/krerë Verore lekë/krerë 1. Dhen 100 100 50 2. Dhi 100 80 100 3. Gjedh 800 800 60 4. Njëthundrak 800 800 60 b) Tarifat e kositjes së barit dhe krasitjes së drurëve pyjorë për gjedhe: Nr. Emërtimi Tipi i kullotës Pyje që kulloten lekë/dru Dimërore lekë/m2 Verore lekë/m2 1. Kositje bari 0 1 10 2. Krasitje gjethi 0 0 10 c) Tarifat vjetore të përdorimit të sipërfaqes së tokës për ndërtimet provizore në fondin kullosor nga fermerët që mbarështojnë bagëti: Nr. Lloji i ndërtimit Tipi i kullotës Pyje që kulloten Dimërore Verore lekë/m2/vite lekë/m2/vit lekë/m2/vit 1. Qendër stani e rrethuar 50 50 50 2. Qendër përpunim bulmeti 100 100 100 3. Ngrehinë banimi për barinj 50 50 50 4. Mullinj, magazina 100 100 100