Regulation No. 450 of 2012 amending Regulation No. 289 of 2006 on the organization and functioning of the Agency of Legalisation, Urbanisation, and Integration of Informal Zones/Construction (ALUIIZC), as amended

VENDIM Nr. 450, datë 11.7.2012 PËR NJË NDRYSHIM NË VENDIMIN NR. 289, DATË 17.5.2006 TË KËSHILLIT TË MINISTRAVE “PËR ORGANIZIMIN DHE FUNKSIONIMIN E AGJENCISË SË LEGALIZIMIT, URBANIZIMIT DHE INTEGRIMIT TË ZONAVE/NDËRTIMEVE INFORMALE (ALUIZNI)”, TË NDRYSHUAR Në mbështetje të nenit 100 të Kushtetutës dhe të neneve 4 e 46 të ligjit nr. 9482, datë 16.2.2006 “Për legalizimin, urbanizimin dhe integrimin e ndërtimeve pa leje”, të ndryshuar, me propozimin e Ministrit të Punëve Publike dhe Transportit, Këshilli i Ministrave VENDOSI: Në vendimin nr. 289, datë 17.5.2006 të Këshillit të Ministrave, bëhet ky ndryshim: 1. Pika 2 ndryshohet si më poshtë vijon: “2. ALUIZNI ka Drejtorinë e Përgjithshme në Tiranë dhe: a) 4 (katër) drejtori në qarkun e Tiranës; b) 3 (tre) drejtori në qarkun e Vlorës; c) 2 (dy) drejtori në qarkun e Elbasanit; ç) 3 (tre) drejtori në qarkun e Fierit; d) 2 (dy) drejtori në qarkun e Durrësit; dh) 2 (dy) drejtori në qarkun e Korçës; e) nga 1 (një) drejtori për qarqet: Berat, Gjirokastër, Dibër, Kukës, Lezhë dhe Shkodër.”. Ky vendim hyn në fuqi pas botimit në Fletoren Zyrtare. KRYEMINISTRI Sali Berisha