Regulation No. 42 establishing the Intersectorial Committee for the implementation of the National Action Plan for the Environment

V E N D I M Nr.42, datë 16.1.2003 PËR KRIJIMIN E KOMITETIT NDËRSEKTORIAL, PËR ZBATIMIN E PLANIT KOMBËTAR TË VEPRIMIT PËR MJEDISIN Në mbështetje të nenit 100 të Kushtetutës dhe të nenit 76, të ligjit nr.8934, datë 5.9.2002, “Për mbrojtjen e mjedisit”, me propozimin e ministrit të Mjedisit Këshilli i Ministrave V E N D O S I: 1.Krijimin e Komitetit Ndërsektorial, për bashkërendimin e angazhimeve të ministrive dhe të institucioneve të tjera qendrore, për zbatimin e Planit Kombëtar të veprimit për Mjedisin. 2.Komiteti Ndërsektorial të kryesohet nga Kryeministri dhe në përbërje të ketë: ministrin e Mjedisit Nënkryetar ministrin e Financave anëtar ministrin e Bujqësisë dhe të Ushqimit anëtar ministrin e Industrisë dhe të Energjetikës anëtar ministrin e Rregullimit të Territorit dhe të Turizmit anëtar nënkryetarin e Akademisë së Shkencave anëtar zëvendësministrin e Ekonomisë anëtar zëvendësministrin e Pushtetit Vendor dhe të Decentralizimit anëtar zëvendësministrin e Transportit dhe të Telekomunikacionit anëtar zëvendësministrin e Shëndetësisë anëtar zëvendësministrin e Kulturës, Rinisë dhe Sporteve anëtar zëvendësministrin e Rendit Publik anëtar drejtorin e INSTAT-it anëtar zëvendësministrin e Mjedisit sekretar Ftohen të marrin pjesë përfaqësues nga OJF-të e mjedisit dhe nga organizatat profesionale të biznesit. Ky vendim hyn në fuqi pas botimit në Fletoren Zyrtare. KRYEMINISTRI Fatos Nano