Order No. 316 date 31.10.2012 repealing Order No. 5 dated 9.1.2012 on the daily update of the veterinary certificates that accompany foods of animal origin and foods for food producing animals that enter the Republic of Albania

URDHËR Nr. 316, datë 31.10.2012 PËR SHFUQIZIMIN E URDHRIT NR. 5, DATË 9.1.2012 “PËR PËRDITËSIMIN E CERTIFIKATAVE VETERINARE, TË CILAT SHOQËROJNË NGARKESAT E USHQIMEVE ME ORIGJINË SHTAZORE, SI DHE NGARKESAT E USHQIMEVE PËR KAFSHË PRODHUESE TË USHQIMIT, DHE TË CILAT HYJNË NË TERRITORIN E REPUBLIKËS SË SHQIPËRISË” Në mbështetje të nenit 102 pika 4 të Kushtetutës së Republikës së Shqipërisë, nenit 55 të ligjit nr. 10 465, datë 29.9.2011 “Për shërbimin veterinar në Republikën e Shqipërisë” dhe nenit 18 të ligjit nr. 9863, datë 28.1.2008 “Për ushqimin”, URDHËROJ: 1. Urdhri nr. 5, datë 9.1.2012 “Për përditësim e certifikatave veterinare, të cilat shoqërojnë ngarkesat e ushqimeve me origjinë shtazore, si dhe ngarkesat e ushqimeve për kafshë prodhuese të ushqimit dhe të cilat hyjnë në territorin e Republikës së Shqipërisë”, shfuqizohet me qëllim përmirësimin dhe përshtatjen e tyre në përputhje me nevojat e tregut. 2. Drejtoria e Shërbimit Veterinar dhe Drejtoria e Sigurisë Ushqimore të ndjekin procedurat për njoftimin e këtij urdhri pranë autoriteteve homologe të vendeve anëtare të OIE-së, si dhe pranë OBT-së. 3. Ngarkohet Drejtoria e Shërbimit Veterinar, Drejtoria e Sigurisë Ushqimore, si dhe Autoriteti Kombëtar i Ushqimit për zbatimin e këtij urdhri. Ky urdhër hyn në fuqi pas botimit në Fletoren Zyrtare. MINISTRI I BUJQËSISË, USHQIMIT DHE MBROJTJES SË KONSUMATORIT Genc Ruli