Law No. 7991 amending Law No. 7846 of 1994 on the construction, administration, maintenance and operation of irrigation and drainage system

L I G J Nr.7991, datë 14.9.1995 PER NJE NDRYSHIM NE LIGJIN NR.7846, DATE 21.7.1994 "PER NDERTIMIN, ADMINISTRIMIN, MIREMBAJTJEN DHE SHFRYTEZIMIN E SISTEMEVE TE UJITJES DHE KULLIMIT" Në mbështetje të nenit 16 të ligjit nr.7491, datë 29.4.1991 "Për dispozitat kryesore kushtetuese", me propozimin e Këshillit të Ministrave, KUVENDI POPULLOR I REPUBLIKES SE SHQIPERISE V E N D O S I: Neni 1 Neni 9 i ligjit nr.7846, datë 21.7.1994 "Për ndërtimin, administrimin, mirëmbajtjen dhe shfrytëzimin e sistemeve të ujitjes dhe kullimit" ndryshohet si vijon: "Drejtoritë e ujërave të rretheve administrojnë sistemet kryesore ujitëse dhe kulluese. Në këto sisteme kanalet ujitëse e kulluese kryesore dhe të dyta, stacionet e pompimit të ujitjes e të kullimit dhe veprat e artit me strukturat e tjera përkatëse mirëmbahen dhe shfrytëzohen me shpenzimet e drejtorive të ujërave. Kanalet ujitëse dhe kulluese të brendshme me veprat përkatëse të artit, që ujitin ose kullojnë deri 15 ha tokë bujqësore, mirëmbahen dhe shfrytëzohen me shpenzimet e tyre nga shoqatat e përdorimit të ujit që përfitojnë nga këto sisteme. Përdoruesit e ujit që marrin ujë nga këto sisteme, paguajnë tarifën e ujitjes (kanal i parë, i dytë, i tretë). Rehabilitimi i sistemeve të ujitjes të të gjitha niveleve të dëmtuara, deri në daljen e këtij ligji, bëhet me investime shtetërore e private, vendase e të huaja, nëpërmjet njësive të ngarkuara nga dikasteri përkatës. Neni 2 Ky ligj hyn në fuqi 15 ditë pas botimit në Fletoren Zyrtare. Shpallur me dekretin nr.1214, datë 25.9.1995 të Presidentit të Republikës së Shqipërisë, Sali Berisha