Law No. 31/2013 amending and supplementing Law No.10431 dated 9.6.2011 on the environment protection
Made 2013-02-14 · Text as of 2026-10-01
Public law and official guidance, published as research. Not legal, tax or financial advice.
About this law
- Language
- Albanian
- Kind
- Act
- Country
- Albania
- Subjects
- Environment
- Keywords
- environmental planning, environmental standards, legal proceedings/administrative proceedings, institution, offences/penalties, policy/planning, standards, protection of environment, governance
Where to read it
No source link is recorded for this law.
Text
The law's own text, section by section, as held. Each section has its own link.
LIGJ Nr. 31/2013 PËR DISA NDRYSHIME DHE SHTESA NË LIGJIN NR. 10 431, DATË 9.6.2011 “PËR MBROJTJEN E MJEDISIT” Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave, KUVENDI I REPUBLIKËS SË SHQIPËRISË VENDOSI: Në ligjin nr. 10 431, datë 9.6.2011 “Për mbrojtjen e mjedisit”, bëhen këto ndryshime dhe shtesa: Neni 1 Në nenin 62 bëhen këto ndryshime dhe shtesa: 1. Paragrafi i parë i pikës 1 ndryshohet si më poshtë: “1. Inspektimi për mbrojtjen e mjedisit, përveç sa parashikohet në pikën 2 të këtij neni, kryhet nga inspektorati që mbulon fushën e mbrojtjes së mjedisit, në vijim “Inspektorati”. Organizimi dhe funksionimi i inspektoratit përcaktohen me vendim të Këshillit të Ministrave, në përputhje me ligjin nr. 10 433, datë 16.6.2011 “Për inspektimin në Republikën e Shqipërisë” dhe ka këto funksione:”. 2. Pas pikës 2 shtohet pika 3 me këtë përmbajtje: “3. Funksionet e inspektimit ushtrohen në përputhje me dispozitat e këtij ligji dhe ligjit për inspektimin.”. Neni 2 Në nenin 66, pas pikës 4 shtohet pika 5 me këtë përmbajtje: “5. Masa administrative e njoftimit për pezullimin e veprimtarisë, sipas këtij neni, është masë urgjente dhe mund të jepet krahas masave të tjera të nevojshme, në përputhje me ligjin për inspektimin.”. Neni 3 Në nenin 69, pikat 2 dhe 6 ndryshohen si më poshtë: “2. Të drejtën e gjobës për kundërvajtjet administrative, të parashikuara në nenin 69 të këtij ligji, e ka inspektorati që mbulon fushën e mbrojtjes së mjedisit. Krahas dënimit kryesor me gjobë, inspektori ka të drejtë të vendosë edhe dënimin plotësues të sekuestrimit të pajisjes, me të cilën, sipas tij, është kryer kundërvajtja e parashikuar në këtë ligj. 6. Inspektori shqyrton, merr vendimin përfundimtar dhe bën dokumentimin e tij në përputhje me ligjin për inspektimin.”. Neni 4 Dispozitë kalimtare Organi ekzistues inspektues vazhdon të ushtrojë funksionin e vet sipas organizimit aktual deri në krijimin e organit të ri, sikurse parashikohet në ndryshimet e bëra në këtë ligj. Neni 5 Hyrja në fuqi Ky ligj hyn në fuqi 15 ditë pas botimit në Fletoren Zyrtare. Miratuar në datën 14.2.2013 Shpallur me dekretin nr. 7990, datë 1.3.2013 të Presidentit të Republikës së Shqipërisë, Bujar Nishani