Law 7/2018 amending and supplementing Law 43/2015 on the electric power sector

1. Pika 50 ndryshohet si më poshtë: “50. “Operimi i tregut” është veprimtaria që kryen operatori i tregut për organizimin dhe operimin e tregut të energjisë elektrike të ditës në avancë dhe të tregut të energjisë elektrike brenda së njëjtës ditë.”.

2. Pika 51 ndryshohet si më poshtë: “51. “Operatori i tregut” është subjekti i licencuar nga ERE për organizimin dhe operimin e tregut të ditës në avancë dhe të tregut brenda së njëjtës ditë.”.

3. Pas pikës 88 shtohen pikat 89, 90 dhe 91 me këtë përmbajtje: “89. “Tregu i ditës në avancë” është tregu i energjisë elektrike, ku paraqitja e kërkesave dhe ofertave mund të bëhet ditën para asaj të livrimit, në intervalin kohor nga një orë e caktuar nga operatori i tregut deri në mbylljen e portës.

90. “Tregu brenda së njëjtës ditë” është tregu i energjisë elektrike për tregtimin e vazhdueshëm të produkteve, ku paraqitja e kërkesave dhe ofertave mund të bëhet deri në një orë para livrimit.

91. “Kompensimi financiar (clearing)” është procesi i likuidimit financiar të pagesave për produktet e tregtuara në tregun e energjisë elektrike, sipas parashikimeve të rregullave të tregut.”. Neni 2 Në nenin 57 bëhen ndryshimet dhe shtesat e mëposhtme:

1. Në pikën 1, fjalia e dytë ndryshohet si më poshtë: “Operatori i tregut është struktura përgjegjëse për menaxhimin dhe administrimin e tregut të organizuar ndërmjet platformës së tregut, në bazë të ditës në avancë dhe brenda së njëjtës ditë, si dhe për të gjitha aktivitetet e lidhura me të, duke përfshirë edhe aktivitetin e kompensimit financiar (clearing) mes pjesëmarrësve të tregut, në përputhje me rregullat dhe modelin e tregut. Operatori i tregut do të jetë Bursa Shqiptare e Energjisë.”.

2. Pas pikës 1 shtohen pikat 1/1, 1/2 dhe 1/3 me këtë përmbajtje: “1/1. Operatori i tregut krijohet në formën e shoqërisë aksionare nga OST-ja ose nga OST-ja dhe persona juridikë të tjerë, sipas parashikimeve të pikës 1/2 të këtij neni. Krijimi, forma ligjore, struktura e pronësisë së kapitalit e operatorit të tregut miratohen me vendim të Këshillit të Ministrave, me propozimin e ministrit përgjegjës për energjinë dhe ministrit që ushtron të drejtat e pronarit te shoqëria OST sh.a., brenda 6 muajve nga hyrja në fuqi e këtij ligji. 1/2. Personat juridikë që marrin pjesë në kapitalin aksionar të operatorit të tregut duhet të jenë operatorë me aktivitet ndërkombëtar me reputacion të mirë dhe me përvojë në operimin e tregjeve të organizuara të energjisë në Europë, të cilët operojnë në përputhje me rregullat dhe modelin shqiptar të tregut, institucione financiare ndërkombëtare dhe/ose operatorë të sistemeve të transmetimit të energjisë elektrike. Procedurat për përzgjedhjen e këtij subjekti apo këtyre subjekteve, si dhe kriteret e posaçme që duhet të përmbushin këto subjekte miratohen me vendim të Këshillit të Ministrave, me propozimin e ministrit përgjegjës për energjinë, brenda 6 muajve nga hyrja në fuqi e këtij ligji. 1/3. Operatori i tregut, pa kufizim, mund të nënkontraktojë palë të treta, me qëllim ofrimin e shërbimeve për operimin e platformës elektronike të tregut të ditës në avancë dhe tregut brenda së njëjtës ditë, si dhe për ofrimin e shërbimeve të ndërlidhura me të, përfshirë shërbimet e pagesave dhe kompensimit financiar (clearing) të pjesëma-rrësve të tregut. Këto palë të treta duhet të jenë operatorë ndërkombëtarë me reputacion të mirë, me përvojë të gjatë në tregjet e huaja për ofrimin e shërbimeve të ngjashme, në përputhje me modelin e tregut shqiptar dhe rregullat e tregut. Në rastet kur një ose disa institucione të Republikës së Shqipërisë, ose ente/shoqëri publike të themeluara sipas legjislacionit të Republikës së Shqipërisë nuk zotërojnë më shumë se gjysmën e kapitalit të regjistruar të operatorit të tregut dhe/ose nuk kontrollojnë më shumë së gjysmën e të drejtave të votës të lidhura me aksionet në kapitalin e operatorit të tregut dhe/ose nuk emërojnë më shumë se gjysmën e anëtarëve të këshillit të administrimit apo të këshillit mbikëqyrës të operatorit të tregut, operatori i tregut nuk është autoritet kontraktor, në kuptim të pikës 14, të nenit 3, të ligjit nr. 9643, datë 20.11.2006, “Për prokurimin publik”, të ndryshuar, dhe për pasojë nuk i nënshtrohet fushës së zbatimit të atij ligji.”. Neni 3 Në nenin 86, pas pikës 5, shtohet pika 6, me këtë përmbajtje: “6. Klienti fundor që furnizohet nga furnizuesi i mundësisë së fundit dhe që në kuptim të nenit 109, të këtij ligji, del për herë të parë në treg të liberalizuar, është i detyruar të lidhë një kontratë furnizimi me një furnizues të ri, brenda 2 viteve nga fillimi i kontratës së furnizimit nga furnizuesi i mundësisë së fundit. Në përfundim të kësaj periudhe, operatori i sistemit ndërpret furnizimin me energji elektrike të këtij klienti. Për qëllime të përcaktimit të fillimit të afatit, sipas kësaj dispozite, llogaritja e afateve fillon nga e nesërmja e ditës kur operatori i rrjetit njofton klientin, në përputhje me parashikimet e nenit 109, të këtij ligj, për plotësimin e kushteve teknike të instalimit të sistemit të matjes për daljen në treg të liberalizuar.”. Neni 4 Në nenin 99, pika 3, fjalët “operatori i tregut” zëvendësohen me fjalën “OST”. Neni 5 Ky ligj hyn në fuqi 15 ditë pas botimit në Fletoren Zyrtare. Miratuar në datën 15.2.2018 Shpallur me dekretin nr. 10735, datë 2.3.2018, të Presidentit të Republikës së Shqipërisë, Ilir Meta