Decree No. 546 of 1995 relative to delegation to municipalities, county agricultural councils, county governors, and the State Agricultural Bank and relative to procedures of handling in municipalities and internal working relationship between county agricultural councils, county governors as regards matters within pursuant to the Concessions Act, the Freehold Land Act and the Land Use Act

1995-06-06 nr 0546: Forskrift om delegering til kommunen, fylkeslandbruksstyret, fylkesmannen og Statens Landbruksbank og forskrift om saksbehandling i k... file:///D/HTML/nor14065.htm[16.01.2025 08:22:05] 1995-06-06 nr 0546: Forskrift om delegering til kommunen, fylkeslandbruksstyret, fylkesmannen og Statens Landbruksbank og forskrift om saksbehandling i kommunen og om intern arbeidsdeling mellom fylkeslandbruksstyret og fylkesmannen i saker etter konsesjonslova, odelslova og jordlova. Bruk av basen forutsetter at du samtykker i betingelsene i brukeravtalen. DATO: 06.06.1995 nr. 546 DEPARTEMENT: LD (Landbruksdepartementet) AVD/DIR: Administrasjonsavd. PUBLISERT: Avd I 1995 695 IKRAFTTREDELSE: 01.07.1995 SIST-ENDRET: F19.06.1997 nr. 883 (fra 1.8.97) ENDRER: F29.12.1993 nr. 1353 GJELDER FOR: Norge HJEMMEL: L31.05.1974 nr. 19 § 2, § 21, L28.06.1974 nr. 58 § 27a, § 29, § 31, L12.05.1995 nr. 23 § 3, L31.05.1974 nr. 19 § 21, F13.12.1974 nr. 4049, F19.12.1975, F12.05.1995 nr. 413 Forskrift om delegering til kommunen, fylkeslandbruksstyret, fylkesmannen og Statens Landbruksbank og forskrift om saksbehandling i kommunen og om intern arbeidsdeling mellom fylkeslandbruksstyret og fylkesmannen i saker etter konsesjonslova, odelslova og jordlova. Fastsett av Landbruksdepartementet 6. juni 1995. Delegeringsføresegnene er gitt med heimel i kgl.res. av 13. desember 1974 nr. 4049, kgl.res. av 19. desember 1975 og kgl.res. av 12. mai 1995 nr. 413. Jfr. lov 31. mai 1974 nr. 19 om konsesjon og om forkjøpsrett for det offentlige ved erverv av fast eiendom § 2 og § 21, lov av 28. juni 1974 nr. 58 om odelsretten og åsetesretten § 27a, § 29 og § 31 og lov av 12. mai 1995 nr. 23 om jord § 3. Forskriftene er gitt med heimel i lov av 31. mai 1974 nr. 19 om konsesjon og om forkjøpsrett for det offentlige ved erverv av fast eiendom § 21, jfr. kgl.res. av 13. desember 1974 nr. 4049 og lov av 12. mai 1995 nr. 23 om jord § 3, jfr. kgl.res. av 12. mai 1995 nr. 413. Endret 19. juni 1997 nr. 883. Kapittel 1. Delegering til kommunen § 1-1. (om når kommunen kan ta avgjerd) Kommunen får fullmakt til å ta avgjerd om søknader som gjeld: 1) konsesjon på areal som er ein del av byggeområde som nemnt i plan- og bygningslova §§ 20-4 første ledd nr. 1 og 25 første ledd nr. 1. 2) konsesjon på ei enkelt bustadtomt eller tomt for fritidsbustad som det ikkje er bygd på jf. konsesjonslova § 5 første ledd nr. 1, dersom tomta ikkje er større enn 2 dekar. 3) konsesjon på eigedom der konsesjonsfridomen er avgrensa eller sett ut av kraft med heimel i konsesjonslova § 5 tredje ledd. Dette gjeld og kommunar der det er innført forskrift etter § 5 tredje ledd slik paragrafen var før lovendringa av 3. juni 1983. 4) konsesjon på utbyggingskontrakter som nemnt i konsesjonslova § 3. 5) konsesjon på eigedom som går inn under unntaket i konsesjonslova § 5 første ledd nr. 1 og 2, men der utanlandsbuande må ha konsesjon, jf. konsesjonslova § 5a. 6) fritak frå bu- og driveplikta etter odelslova § 27a og konsesjonslova § 6 andre ledd. 7) omdisponering og frådeling etter §§ 9 og 12 i jordlova av enkelttomter ikkje over 2 dekar som det ikkje er bygd på. 8) omdisponering og frådeling etter §§ 9 og 12 i jordlova av areal som grensar til og skal leggjast til tidlegare frådelt tomt med eller utan bygningar, inntil tomt og tilleggstomt til saman er 2 dekar. 9) frådeling etter § 12 i jordlova av tomter ikkje over 2 dekar som det er bygd på. Unntatt frå dette er våningshus, kårhus og driftsbygningar. 10) frådeling etter § 12 i jordlova av eigedomen sine bygningar med tomt inntil 5 dekar dersom det ligg føre avtale om sal av restarealet som tilleggsjord. 11) omdisponering av dyrka jord etter § 9 i jordlova til skogsmark for areal ikkje over 50 dekar. 12) fordeling av eigedomar som staten har teke over ved friviljug sal og forkjøp i samsvar med reglane i jordlova. Kommunen kan likevel ikkje ta avgjerd i saker der kommunen er eigar eller overdragar av eigedomen, eller har annan 1995-06-06 nr 0546: Forskrift om delegering til kommunen, fylkeslandbruksstyret, fylkesmannen og Statens Landbruksbank og forskrift om saksbehandling i k... file:///D/HTML/nor14065.htm[16.01.2025 08:22:05] tilknyting til han. I slike høve skal saka sendast til avgjerd hos klageorganet etter vanleg førebuing, jf. § 1-2. 0 Endret ved forskrift 19 juni 1997 nr. 883. § 1-2. (om kommunen si saksførebuing m.v.) I alle saker etter jordlov, konsesjonslov og odelslov har kommunen ansvaret for å hente inn naudsynte opplysningar og tilretteleggje saka. Saker etter jordlova og odelslova samt saker etter konsesjonslova som gjeld landbrukseigedom skal leggjast om den i kommunen som har landbruksfagleg kompetanse til uttale, jf. jordlova § 4. Dersom kommunen ikkje sjølv er tillagt avgjerdsmyndigheit, skal kommunen gi tilråding om avgjerd av saka. Kommunen må hente inn dei statistiske opplysningar departementet ber om. I arbeidet med saksførebuing og innhenting av statistikk skal kommunen nytte dei edb-system Landbruksdepartementet stiller til rådvelde. Kapittel 2. Delegering til fylkeslandbruksstyret og fylkesmannen § 2-1. (om når fylkeslandbruksstyret kan ta avgjerd) Fylkeslandbruksstyret får fullmakt til å ta avgjerd i saker som gjeld: 1) vedtak om oreigning m.m. etter § 8 femte ledd og § 13 jf. § 15 i jordlova, 2) vedtak om avløysing av bruksrettar m.m. etter § 16 i jordlova, 3) pålegg om tiltak for dyrka jord etter § 8 tredje og fjerde ledd i jordlova, 4) vedtak om omdisponering av dyrka og dyrkbar jord etter § 9 i jordlova der kommunen ikkje kan ta avgjerd, 5) vedtak om deling etter § 12 i jordlova der kommunen ikkje kan ta avgjerd, 6) spørsmålet om ein eigedom med fleire registernemningar må reknast som ei driftseining etter § 12 fjerde ledd i jordlova, 7) søknad om konsesjon på eigedom der kommunen ikkje kan ta avgjerd, 8) bruk av staten sin forkjøpsrett. Dette gjeld ikkje saker der føremålet med forkjøpet er å tilgodesjå naturvern- og friluftsføremål, 9) odelsfrigjering etter odelslova § 31, 10) å krevja vederlaget fastsett ved skjønn etter konsesjonslova § 14 andre ledd første punktum. 0 Endret ved forskrift 19 juni 1997 nr. 883. § 2-2. (om når fylkesmannen kan ta avgjerd) Fylkesmannen får fullmakt til å ta avgjerd i saker som gjeld: 1) vedtak om å krevja fjerna anlegg eller byggverk etter jordlova § 9 femte ledd, 2) pålegg om å søke konsesjon etter odelslova § 29 andre ledd og konsesjonslova § 20 andre og tredje ledd, 3) vedtak om å gjere unntak frå hogstforbudet m.v. etter konsesjonslova § 27 første ledd, 4) vedtak om å trekkje konsesjonen tilbake og setje frist for salg, jf konsesjonslova § 23 andre og tredje ledd, 5) begjære tvangssalg gjennom namsmyndighetene, 6) avgjere om de formelle vilkåra for odelsfrigjering etter odelslova § 31 ligg føre. 0 Endret ved forskrift 19 juni 1997 nr. 883. Kapittel 3. Klage § 3-1. (om klage til fylkesmannen) Kommunen sine avgjerder etter § 1-1 nr. 1, 2, 4 og 5 kan klagast inn for fylkesmannen. § 3-2. (om klage til fylkeslandbruksstyret) Kommunen sine avgjerder etter § 1-1 nr. 6 til 12 kan klagast inn for fylkeslandbruksstyret. § 3-3. (om klage til Statens Landbruksbank) 1995-06-06 nr 0546: Forskrift om delegering til kommunen, fylkeslandbruksstyret, fylkesmannen og Statens Landbruksbank og forskrift om saksbehandling i k... file:///D/HTML/nor14065.htm[16.01.2025 08:22:05] Fylkeslandbruksstyret sine avgjerder etter § 2-1 nr. 5 og 6 kan klagast inn for Statens Landbruksbank. I samband med avgjerd av delingssaka kan Statens Landbruksbank òg treffe avgjerd etter § 9 i jordlova dersom arealet ikkje overstig 5 dekar. 0 Endret ved forskrift 19 juni 1997 nr. 883. § 3-4. (om klage til departementet) Fylkesmannen sine avgjerder etter § 2-2 nr. 1 til 4 kan klagast inn for departementet. Fylkeslandbruksstyret sine avgjerder etter § 2-1 nr. 1 til 4 og 7 til 10 kan klagast inn for departementet så langt Statens Landbruksbank ikkje kan ta avgjerd. 0 Endret ved forskrift 19 juni 1997 nr. 883. Kapittel 4. Intern arbeidsdeling mellom fylkeslandbruksstyret og fylkesmannen § 4-1. (om arbeidsdeling mellom fylkeslandbruksstyret og fylkesmannen) Fylkeslandbruksstyret kan overlate til fylkesmannen å ta avgjerd og gi fråsegn på vegne av styret. Fylkeslandbruksstyret kan bestemme at klager over vedtak truffet av fylkesmannen etter delegert fullmakt ikke skal forelegges styret. Fylkesmannen kan og i andre saker der styret har uttalemyndigheit ekspedere saka vidare utan at ho er lagt fram for styret. Vilkåra for dette er at det ligg føre særlege omsyn som inneber at saka bør handsamast raskt og at fylkesmannen ikkje er i tvil om at han bør handsame saka. Slike saker skal refererast på første møte i fylkeslandbruksstyret. 0 Endret ved forskrift 19 juni 1997 nr. 883. Kapittel 5. Retningsliner § 5-1. (om retningsliner) Landbruksdepartementet kan fastsetje retningsliner for kommunen, fylkeslandbruksstyret, fylkesmannen og Statens Landbruksbank si utøving av myndigheit etter desse føresegnene. Kapittel 6. Ikraftsetjing. Oppheving av tidlegare føresegner § 6-1. (ikraftsetjing) Desse føresegnene vert sett i kraft 1. juli 1995. § 6-2. (oppheving) Forskrift 29. desember 1993 nr. 1353 om delegering til kommunen og fylkeslandbruksstyret og om saksbehandling i kommunen og om intern arbeidsdeling mellom fylkeslandbruksstyret og fylkesmannen i saker etter jordlova, konsesjonslova og odelslova vert oppheva.