Regulation on the procedure of obtaining the approval of transporters and the transport of food and other products of animal origin

Службен весник на РМ, бр. 73 од 11.6.2012 година 1 од 3 20120731998 АГЕНЦИЈА ЗА ХРАНА И ВЕТЕРИНАРСТВО Врз основа на член 74 став (5) од Законот за ветеринарно здравство („Службен весник на Република Македонија” бр. 113/07, 24/11 и 136/11) директорот на Агенцијата за храна и ветеринарство, донесе П Р А В И Л Н И К ЗА НАЧИНОТ И ПОСТАПКАТА НА ДОБИВАЊЕ НА ОДОБРЕНИЕ НА ПРЕВОЗНИЦИТЕ И ПРЕВОЗНИТЕ СРЕДСТВА ЗА ХРАНА И ДРУГИ ПРОИЗВОДИ ОД ЖИВОТИНСКО ПОТЕКЛО Член 1 Со овој правилник се пропишуваат начинот и постапката на добивање на одобрение на превозниците и превозните средства за храна и други производи од животинско потекло. Член 2 Превозните средства, контејнерите со сите составни делови, како и придружната опрема треба да се во согласност со член 14 од Правилникот за општите барања за примарно производство и придружни операции како и општите барања за храна. Член 3 (1) Одобрение за превозници и превозни средства за храна и други производи од животинско потекло издава официјален ветеринар или лице овластено од директорот на Агенцијата за храна и ветеринарство. (2) Одобрението за превозни средства на операторите со храна и други производи од животинско потекло, кои се одобрени или регистрани, се издава во текот на постапката на одобрување или регистрација согласно прописите за безбедност на храна. (3) За да се издаде одобрението од став (1) на овој член превозниците треба до Агенцијата за храна и ветеринарство (во понатамошниот текст: Агенцијата), односно до подрачната единица на Агенцијата, да достават барање кое ги содржи следните податоци: 1) назив на подносител на барањето; 2) адреса на седиштето на подносителот на барањето, телефон, факс, електронска пошта; 3) единствен матичен број на субјектот и единствен даночен број на правното лице; 4) име и презиме, ЕМБГ, адреса, телефон, електронска пошта на овластено лице за застапување на субјектот и 5) име и презиме, ЕМБГ, адреса, телефон, електронска пошта на одговорното лице. (4) Кон барањето од ставот (3) на овој член превозниците треба да ја достават и следната документација: 1) тековна состојба од Централен регистар на Република Македонија не постар од шест месеци; 2) приказ на организацијата на работата и биланс на работната сила (број на вработени со систематизацијата-опис на работни места, односно доказ за квалификуваност на персоналот; 3) пишани стандардни оперативни процедури во поглед на превозот и безбедноста на храната; 4) доказ за сопственост на превозните средства; Службен весник на РМ, бр. 73 од 11.6.2012 година 2 од 3 5) список на превозните средства и опремата со главни технолошко-технички карактеристики; 6) доказ дека се регистрирани правни лица и 7) доказ дека поседуваат соодветни објекти за чистење и дезинфекција или да обезбедат документирана евиденција дека овие операции се изведени од трето лице. (5) Формата и содржината на барањето од став (3) на овој член се дадени во Прилог кој е составен дел на овој правилник. Член 4 (1) Носителот на одобрението за превоз на храна и други производи од животинско потекло треба веднаш да ја извести Агенцијата за секоја настаната промена, која не е опфатена со одобрувањето, или за престанок на работа. (2) Во случај на промена на превозното средство, одобрениот превозник со барање упатено до Агенцијата може да побара дополнување на одобрението за превозни средства. Член 5 Овој правилник влегува во сила осмиот ден од денот на објавувањето во „Службен весник на Република Македонија“. Бр. 11-589/3 8 мај 2012 година Директор Скопје Дејан Рунтевски, с.р. Службен весник на РМ, бр. 73 од 11.6.2012 година 3 од 3