Regulation on the manner of issuing a license for carrying out expert activities in the field of forestry, the form and content of the application form for obtaining a license, the form and the content of the license form, the form, the content and the manner of keeping a register of issued licenses and the amount of the fee for its issuance

Врз основа на член 97 ставови (6) и (12) од Законот за шумите („Службен весник на Република Македони ја“ бр. 64/09), министерот за земјоделство, шумарство и водостопанство донесе П Р А В И Л Н И К ЗА НАЧИНОТ НА ИЗДАВАЊЕ НА ЛИЦЕНЦА ЗА ИЗВЕДУВАЊЕ НА СТРУЧНИ РАБОТИ ОД ОБЛАСТА НА ШУМАРСТВОТО, ФОРМАТА И СОДРЖИНАТА НА ОБРАЗЕЦОТ НА БАРАЊЕТО ЗА ДОБИВАЊЕ НА ЛИЦЕНЦА, ФОРМАТА И СОДРЖИНАТА НА ОБРАЗЕЦОТ НА ЛИЦЕНЦАТА, ФОРМАТА, СОДРЖИНАТА И НАЧИНОТ НА ВОДЕЊЕ НА РЕГИСТАР ЗА ИЗДАДЕНИ ЛИЦЕНЦИ И ВИСИНАТА НА НАДОМЕСТОКОТ ЗА НЕЈЗИНО ИЗДАВАЊЕ (објавено во Службен весник на РМ бр.75/2010) Општи одредби Член 1 Со овој правилник се пропишува начинот на издавање на лиценца за изведување на стручни работи од областа на шумарството, формата и содржината на барањето за добивање на лиценца, формата и содржината на образецот на лиценцата, формата, содржината и начинот на водење на регистарот за издадените лиценци и висината на надоместокот за нејзино издавање. Член 2 Лиценца од член 1 на овој правилник се издава на писмено барање поднесено од физичко или правно лице до органот на државната управа надлежен за работите од областа на шумарството за вршење на ознака на сеча, издавање на испратница и водење на обрасци за сеча, дотур и превоз, согласно Законот за шумите. Член 3 По доставеното барање и приложените докази со барањето се проверува комплетноста на барањето и доставената документација и доколку истата е комплетна се издава лиценца. Член 4 Формата и содржината на барањето за правни лица од член 2 на овој правилник е дадено на образец кој е даден во Прилог 1 и е составен дел на овој правилник. Формата и содржината на барањето за физички лица од член 2 на овој правилник е дадено во образец кој е даден во Прилог 2 и е составен дел на на овој правилник. Член 5 Лиценца за изведување на стручни работи од областа на шумарството за правното лице се издава на образец со А 4 формат на хартија во жолта боја, даден во Прилог 3 кој е составен дел на овој правилник. Лиценца за изведување на стручни работи од областа на шумарството за физичкото лице се издава на образец кој е со А-4 формат на хартија во бела боја, даден во Прилог 4 кој е составен дел на овој правилник. Член 6 Регистерот за издадени лиценци се води во форма на книга со тврди корици во А4 формат која содржи евиденциски листови кои се меѓусебно поврзани и нумерирани. На предната страна на корицата од книгата од став 1 од овој член во горниот дел се наоѓа грбот на Република Македонија, а под него во средина со златни букви се испишани зборовите „Република Македонија„, „Министерство за земјоделство, шумарство и водостопанство“ и „Регистер за издадени лиценци“. Евиденцискиот лист содржи: реден број, вид на лиценцата, број под кој е издадена лиценцата, назив и седиште на правното лице или име и презиме на физичкото лице, датум на издавање, рок на важење и забелешка во која се внесуваат сите промени во врска со издадените лиценци. Образецот на Регистарот од став 1 на овој член е даден во Прилог 5 кој е составен дел на овој правилник. Член 7 Регистарот се води во пишана или електронска форма. Член 8 (1) Висината на надоместокот за добивање на лиценцата за изведување на стручни работи од областа на шумарството изнесува 6000 денари. Член 9 Овој правилник влегува во сила наредниот ден од денот на објавувањето во „Службен весник на Република Македонија“. Бр.09-5996/3 Министер 27 мај 2010 година Љупчо Димовски, с.р Скопје