Regulation on the manner for work of the expert commission for implementation of procedures for registering protected marks of agricultural and food products

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 148 став (5) од Законот за квалитетот на земјоделските производи („Службен весник на Република Македонија“ бр.140/10, 55/11 и 55/12), министерот за земјоделство, шумарство и водостопанство донесе ПРАВИЛНИК ЗА НАЧИНОТ НА РАБОТА НА СТРУЧНАТА КОМИСИЈА ЗА СПРОВЕДУВАЊЕ НА ПОСТАПКА ЗА РЕГИСТРИРАЊЕ НА ЗАШТИТЕНИ ОЗНАКИ НА ЗЕМЈОДЕЛСКИ И ПРЕХРАНБЕНИ ПРОИЗВОДИ Член 1 Со овој правилник се пропишува начинот на работа на Стручната комисија за спроведување на постапка за регистрирање на заштитени ознаки на земјоделски и прехранбени производи. (во понатамошниот текст: Комисија). Член 2 () Со работата на Комисијата раководи претседател кој го именува министерот за земјоделство, шумарство и водостопанство од редовите на постојаните членови. (2) Кога претседателот е спречен да присуствува на седницата на Комисијата, со неа раководи еден од постојаните членови што тој ќе го овласти. Член 5 () Комисијата работи на седници кои ги свикува претседателот на Комисијата со писмена или електронска покана до членовите на Комисијата, во која е содржан дневниот ред кој се предлага. (2) По исклучок, претседателот на Комисијата може да закаже седница и со усна покана до членовите на Комисијата кога тоа го бара итноста за одлучување по некое прашање. Член 4 Членовите на Комисијата расправаат и одлучуваат по однос на прашања кои се ставени на дневниот ред, даваат предлози за дополнување на дневниот ред и предлагаат одлуки односно заклучоци кои сметаат дека треба да се донесат. Член 5 (1) За работата на седницата се води записник. Записникот го води записничар под раководство на претседателот на Комисијата. (2) Записникот особено содржи: број на присутни и отсутни членови на Комисијата; датум на одржување, време на започнување и време на завршување на седницата; главната содржина на дискусиите; предлог одлуки, одлуки и усвоени стручни мислења; други одлуки и заклучоци усвоени на седницата кои произлегуваат од дневниот реди начин на кој се донесени одлуките. (5) Записникот го потпишува записничарот и претседателот на Комисијата. Член 6 () Комисијата во својата работа треба да се придржува кон законите и другите прописи од областа на земјоделството. (2) Претседателот на Комисијата кога ќе утврди дека Комисијата при својата работа донела одлука што е во спротивност со закон и друг пропис, ќе го запре извршувањето на одлуката на Комисијата за што во рок од три дена го известува министерот за земјоделство, шумарство и водостопанство. Член 7 Комисијата полноважно расправа и одлучува на седници во присуство на најмалку четири члена со мнозинство на гласови од вкупниот број на членови. Член 8 Овој правилник влегува во сила наредниот ден од денот на објавувањето во „Службен весник на Република Македонија". Бр.1-11050/5 Министер за земјоделство, 28 ноември 2012 година шумарство и водостопанство, Скопје ЈБупчо Димовски, с.