Regulation on the list of raw materials and other products whose marketing and use are prohibited

Службен весник на РМ, бр. 149 од 27.11.2012 година 1 од 1 20121493623 АГЕНЦИЈА ЗА ХРАНА И ВЕТЕРИНАРСТВО Врз основа на член 36 став (2) од Законот за безбедност на храната за животни („Службен весник на Република Македонија“ бр. 145/10, 53/11 и 1/12), директорот на Агенција за храна и ветеринарство донесе ЛИСТА НА СУРОВИНИ, МАТЕРИЈАЛИ И ДРУГИ ПРОИЗВОДИ ЧИЕ СТАВАЊЕ ВО ПРОМЕТ И УПОТРЕБА СЕ ЗАБРАНЕТИ ∗ 1. Со оваа листа се пропишуваат суровини, материјали и други производи чие ставање во промет и употреба се забранети. 2. Суровини, материјали и други производи чие ставање во промет и употреба се забранети се следните: 2.1 Фецес, урина како и содржина на дигестивниот тракт добиена од празнењето или отстранувањето на истиот, без оглед на третманот или добиената мешавина; 2.2 Кожа третирана со материјали за штавење, вклучувајќи ги и нејзините отпадоци; 2.3 Семиња и саден материјал кои, по жетвата, се подложени на посебен третман со производи за заштита на растенијата во зависност од нивната дестинација, и било какви нивни нус производи; 2.4 Дрво, вклучувајќи ја и пилевината или другите материјали добиени од дрвото, третирани со конзерванси за дрво или биоциди производи; 2.5 Сите отпадни материи добиени во текот на различните фази од процесот на третман на урбаните, домашните и индустриските отпадни води, наведени во законодавството на Република Македонија за третман на урбани води, без оглед на било каков третман на овие отпадни материи и без оглед на изворите на отпадните води; 2.6 Цврст урбан отпад како што е отпад од домаќинствата или комунален отпад; 2.7 Пакувања и делови на пакувањата кои произлегуваат од употребата на производи на земјоделско-прехранбената индустрија; и 2.8 Протеински производи добиени од квасци од соратата Candida култивирани на n-алкани. 3. Оваа листа влегува во сила наредниот ден од денот на објавувањето во „Службен весник на Република Македонија“. Бр. 21-3544/3 5 септемвир 2012 година Директор, Скопје Дејан Рунтевски, с.р. (∗))Со оваа листа се врши усогласување со Регулативата (ЕК) Бр. 767/2009 на Европскиот Парламент и на Советот од 13 јули 2009 година за ставање во промет и употреба на храна за животни, со која се изменува Регулативата на Европскиот парламент и Советот (ЕК) Бр. 1831/2003 и со која се отповикува Директивата на Советот 79/373/ЕЕЗ, Директива на Комисијата 80/511/ЕЕЗ, Директивите на Советот 82/471/ЕЕЗ, 83/228/ЕЕЗ, 93/74/ЕЕЗ, 93/113/ЕК и 96/25/EC и Одлука на Комисијата 2004/217/EК