Regulation on the list of products and animal by-products not subject to inspection at the time of import by an official veterinarian at the border crossing

Службен весник на РМ, бр. 59 од 20.4.2011 година 1 од 2 20110591580 АГЕНЦИЈА ЗА ХРАНА И ВЕТЕРИНАРСТВО Врз основа на член 85 став (4) од Законот за ветеринарно здравство („Службен весник на Република Македонија” бр. 113/07 и 24/11), директорот на Агенцијата за храна и ветеринарство, објавува ЛИСТА НА ПРОИЗВОДИ И НУСПРОИЗВОДИ ОД ЖИВОТИНСКО ПОТЕКЛО КОИ НЕ ПОДЛЕЖАТ НА ИНСПЕКЦИЈА ПРИ УВОЗ ОД СТРАНА НА ОФИЦИЈАЛЕН ВЕТЕРИНАР НА ГРАНИЧЕН ПРЕМИН (*) 1. Производи и нуспроизводи од животинско потекло кои не подлежат на инспекција при увоз од страна на официјален ветеринар на граничен премин се: мешовити производи кои не содржат било кој производ од месо и кои во својот состав содржат помалку од половина од било кој друг преработен производ од животинско потекло и се стабилни на собна температура или при процесот на нивното производство биле подложени на целосен процес на варење или третман со топлина така што сите својства на суров производ се изгубени и истите се јасно идентификувани како наменети за човечка исхрана, безбедно спакувани или запечатени во чисти контејнери и придружени со соодветен документ и означени на македонски јазик, така што документот и ознаката заедно даваат информација за природата, количеството и бројот на пакети на мешовитите производи, земјата на потекло, производителот и составот на производот; бисквити; леб; колачи; чоколада; кондиторски производи (вклучувајќи и слатки); празни желатински капсули; додатоци за храна спакувани за крајниот потрошувач кои содржат мали количества на производи од животинско потекло кои содржат: глукозамин, хондроитин и цитосан; месни екстракти и месни концентрати; полнети маслинки со риба; теста и резанци кои не се мешани или полнети со производи од месо; готови супи и зачини кои содржат месни екстракти, месни концентрати, животински маснотии или рибино масло, прашоци или екстракти спакувани за крајниот потрошувач; и млеко во прав за новороденчиња, храна за новороденчиња и посебна медицинска храна кои се внесуваат од страна на патниците како личен багаж или се испраќаат на физички лица и се наменети за нивна лична употреба во количина која може разумно да ја конзумира една индивидуа и за овие производи не е потребен температурен режим на одржување пред отварање и се правилно спакувани брендирани производи наменети за директна продажба на крајниот потрошувач и пакувањето не е оштетено освен ако е во тек на употреба. 2. Со влегување во сила на оваа листа, престанува да важи Листата на производи и нуспроизводи од животинско потекло кои не подлежат на инспекција при увоз од страна на (*) Со оваа Листа се врши усогласување со Одлука на Комисијата бр. 2007/275/ЕЗ од 17 април 2007 година за листата на животни и производи кои подлежат на ветеринарни прегледи на ветеринарни инспекциски места на граничен премин согласно Директивите на Советот 91/496/ЕЕЗ и 97/78/ЕЗ (32007D0275), Регулатива на Комисијата бр. 206/2009/ЕЗ од 5 март 2009 година за внес во Заедницата на пратки од животинско потекло во личниот багаж и дополна на Регулативата (ЕЗ) бр. 136/2004 (32009R0206). Службен весник на РМ, бр. 59 од 20.4.2011 година 2 од 2 официјален ветеринар на граничен премин („Службен весник на Република Македонија” бр. 30/08). 3. Oваа листа се објавува во „Службен весник на Република Македонија”. Бр. 02-1145/2 13 април 2011 година Директор, Скопје Дејан Рунтевски, с.р.