Regulation on the form of notification for all non-combustible tobacco products that are placed on the market, the manner of their delivery and monitoring as well as the type of certificates

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 53 став 7 од Законот за тутун, производи од тутун и сродни производи (*) („Службен весник на Република Северна Македонија“ бр.98/2019 и 27/2020), министерот за земјоделство, шумарство и водостопанство донесе ПРАВИЛНИК ЗА ФОРМАТА НА ИЗВЕСТУВАЊЕТО ЗА СИТЕ НЕСОГОРЛИВИ ПРОИЗВОДИ ОД ТУТУН КОИ СЕ СТАВААТ ВО ПРОМЕТ, НАЧИНОТ НА НИВНОТО ДОСТАВУВАЊЕ И СЛЕДЕЊЕ КАКО И ВИДОТ НА СЕРТИФИКАТИ Член 1 Со овој правилник се пропишува формата на известувањето за сите несогорливи производи од тутун кои се ставаат во промет, начинот на нивното доставување и следење како и видот на сертификати. Член 2 Формата на известувањето е дадена во Прилог кој е составен дел на овој правилник. Член 3 Секоја промена на состојките во несогорливиот производ од тутун се следи врз основа на известување за дополнителни податоци. Известувањето од ставот 1 на овој член се доставува во писмена форма пред планираното пуштање во промет. Член 4 Безбедноста на електронскиот уред, напојувањето, батериите и полначите на батериите се потврдуваат со следните сертификати: а) Електронскиот уред: IEC-Интернационална Електротехничка Комисија 60335-1, кој се однесува на безбедност на електронските уреди за домаќинство и слични електронски уреди. Безбедност – Дел 1: Општи барања; EN 55014-2 Електромагнетна компатибилност - Барања за апарати за домаќинство, електрични алати и слични апарати - Дел 2: Имунитет - Стандарден семеен производ; EN 55014-1 Електромагнетна компатибилност - Барања за апарати за домаќинство, електрични алати и слични апарати - Дел 1: Емисија. EN 61000-3-2 и EN 61000-3-3 Електромагнетна компатибилност. б) Напојување: EN 60950-1, Опрема за информатичка технологија - Безбедност - Дел 1: Општи барања или EN 62368-1 кој се однесува на безбедноста на опремата за информатичка технологија и аудио/видео опрема и EN 61558-1, кој се однесува на безбедноста на енергетските трансформатори и реактори, единици за напојување и нивни комбинации – Дел 1: Општи барања и тестирање; со применливиот дел 2. в) Батериите и полначите за батериите: IEC-Интернационална Електротехничка Комисија 62133-2 Секундарни ќелии и батерии што содржат алкални или други не-кисели електролити. Безбедносни барања за преносни запечатени секундарни литиумски ќелии и за батерии направени од нив, за употреба во преносни апликации, - Дел 2: Литиумски системи. 2 од 3 Безбедноста на пакувањата за исполнување на стандардите за сигурност на деца, се потврдува со следните сертификати: EN 862, кој се однесува на пакувања за еднократна употреба кои неможат да бидат затворени по нивното отворање, кои содржат една или повеќе единици, и ISO 8317 стандард за пакувања, безбедни за деца кои можат да бидат затворени по нивното отворање и кој се применува на фармацевтски и хемиски производи. Член 5 Овој правилник влегува во сила наредниот ден од денот на објавувањето во „Службен весник на Република Северна Македонија”. Бр. 29-3840/1 Министер за земјоделство, 22 јуни 2020 година шумарство и водостопанство, Скопје Трајан Димковски, с.р. 3 од 3