Regulation on the form, content and method for record keeping in agricultural companies

Службен весник на РМ, бр. 91 од 28.6.2013 година 1 од 2 20130912180 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 11 став (2) од Законот за земјоделски задруги („Службен весник на Република Македонија” бр. 23/13), министерот за земјоделство, шумарство и водостопанство, донесе ПРАВИЛНИК ЗА ФОРМАТА, СОДРЖИНАТА И НАЧИНОТ НА ВОДЕЊЕ НА ЕВИДЕНЦИЈАТА ВО ЗЕМЈОДЕЛСКИ ЗАДРУГИ Член 1 Со овој правилник се пропишува формата, содржината и начинот на водење на евиденција на членовите и на производствените капацитети на членовите и на задругата. Член 2 Евиденцијата од член 1 на овој правилник се води во пишана и електронска форма во рамките на земјоделската задруга. Член 3 Евиденцијата од член 1 на овој правилник е во формат А4 на бела хартија и содржи податоци за : земјоделските стопанства - членови на земјоделската задруга; носителите на земјоделските стопанства – членови на земјоделската задруга; производствени капацитети на земјоделски стопанства - членови на земјоделската задруга или производствени капацитети на земјоделската задруга; катастарските парцели на кои се одвива земјоделското производство на земјоделската задруга и катастарските култури; катастарските парцели на кои се одвива земјоделското производство на членовите на земјоделската задруга и катастарските култури и земјоделска механизација и опрема со која располагаат земјоделските стопанства членови на земјоделската задруга или земјоделската задруга. Формата и содржината на евиденцијата од став 1 на овој член се дадени во Прилог кој е составен дел на овој правилник. Член 4 Овој правилник влегува во сила наредниот ден од денот на објавувањето во „Службен весник Република Македонија”. Бр. 16-15231/1 Министер за земјоделство, 14 јуни 2013 година шумарство и водостопанство, Скопје Љупчо Димовски, с.р. Службен весник на РМ, бр. 91 од 28.6.2013 година 2 од 2