Regulation on the form, content and manner of submitting the request for annulment of the registration decision

Службен весник на РМ, бр. 128 од 17.10.2012 година 20121283138 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 153 став (3) од Законот за квалитетот на земјоделските производи („Службен весник на Република Македонија“ бр. 140/10, 53/11 и 55/12), министерот за земјоделство, шумарство и водостопанство донесе П Р А В И Л Н И К ЗА ФОРМАТА, СОДРЖИНАТА И НАЧИНОТ НА ПОДНЕСУВАЊЕ НА БАРАЊЕТО ЗА ПОНИШТУВАЊЕ НА РЕШЕНИЕТО ЗА РЕГИСТРАЦИЈА (∗ ) Член 1 Со овој правилник се пропишува формата, содржината и начинот на поднесување на барањето за поништување на решението за регистрација. Член 2 (1) Барањето за поништување на решението за регистрација се поднесува во писмена и електронска форма на образец со А4 формат во бела боја, кој е даден во Прилог и е составен дел на овој правилник. (2) Образецот на барањето од став (1) на овој член содржи: а) Назив на земјоделскиот или прехранбениот производ; б) Видот на ознаката; в) Датум и број на „Службен весник на Република Македонија“ во кој е објавено решението за регистрација на ознака; г) Податоци за поднесителот на барањето за поништување на решението за регистрација: назив; адреса; ЕМБГ или ЕМБС и број на телефон, факс и e-mail адреса. д) Причини за поништување на решението за регистрација; ѓ) Останати потребни документи што се поднесуваат во прилог на барањето: изјава во која се објаснува правниот интерес на поднесителот на барањето за поништување на решението за регистрација; изјава во која детално се објаснуваат причините за поништување на решението за регистрација и Датум и потпис на поднесителот на барањето. Член 3 Овој правилник престанува да важи по пристапувањето на Република Македонија во Европската унија. Член 4 Овој правилник влегува во сила наредниот ден од денот на објавувањето во „Службен весник на Република Македонија“. Бр.11-7580/3 Министер за земјоделство, 21 септември 2012 година шумарство и водостопанство, Скопје Љупчо Димовски, с.р. ∗ Со овој правилник се врши усогласување со Регулативата на Комисијата (ЕЗ) бр.1898/2006 од 14 декември 2006 год.со која се утврдуваат правилата за спроведување на Регулативата на Советот (ЕЗ) бр. 510/2006 за заштита на геогафски ознаки и ознаки на потекло на земјоделските и прехранбените производи, CELEX бр. 32007R1216 и CELEX бр. 32006R1898 1 од 2 Службен весник на РМ, бр. 128 од 17.10.2012 година 2 од 2