Regulation on the form and content of the request for entry in the register of legal entities for placing fertilizers on the wholesale market

Службен В. на Р.М. бр: 182/2011 од 28.12.2011 Влегува во сила на: 29.12.2011 Извор: МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Правилник за формата и содржината на барањето за упис во регистарот на правни лица за пласирање на пазар за ѓубриња на големо МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 19 став (5) од Законот за ѓубриња ("Службен весник на Република Македонија" бр. 110/07, 20/09,17/11 и 148/11), министерот за земјоделство, шумарство и водостопанство, донесе. П Р А В И Л Н И К ЗА ФОРМАТА И СОДРЖИНАТА НА БАРАЊЕТО ЗА УПИС ВО РЕГИСТАРОТ НА ПРАВНИ ЛИЦА ЗА ПЛАСИРАЊЕ НА ПАЗАР ЗА ЃУБРИЊА НА ГОЛЕМО Член 1 Со овој правилник се пропишува формата и содржината на барањето за упис во регистарот на правни лица за пласирање на пазар за ѓубриња на големо. Член 2 (1) Барањето од член 1 на овој павилник се поднесува на образец: " Барањето за упис во регистарот на правни лица за пласирање на пазар за ѓубриња на големо", во формат А-4 во бела боја, кој е даден во Прилог и е составен дел на овој правилник. (2) Образецот на барањето од став 1 на овој член содржи: назив на органот до кој се поднесува барањето, во средишниот дел назив на барањето, назив на правното лице односно име и презиме на физичкото лице-подносител на барањето, седиште на правното лице односно име на физичкото лице-подносител на барањето, краток опис поради што се поднесува барањето и документацијата што се доставува, датум и место за потпис на подносителот на барањето. Член 3 Овој правилник влегува во сила наредниот ден од денот на објавувањето во "Службен весник на Република Македонија". Бр. 02-13058 16 декември 2011 година Министер, Скопје Љупчо Димовски, с.р. http://www.slvesnik.com.mk/Issues/D2F1FF71B5416B42BB7ACE171E84FDCA.pdf#page=59