Regulation on the form and content of the land assessment record with an outline plan

Службен весник на РМ, бр. 55 од 24.03.2014 година 1 од 2 20140551720 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 18 став (6) од Законот за консолидација на земјоделско земјиште (“Службен весник на Република Македонија” бр.187/13), министерот за земјоделство, шумарство и водостопанство донесе ПРАВИЛНИК ЗА ФОРМАТА И СОДРЖИНАТА НА ЗАПИСНИКОТ ЗА ПРОЦЕНА НА ЗЕМЈИШТЕТО СО ПРЕГЛЕДЕН ПЛАН Член 1 Со овој правилник се пропишуваат формата и содржината на записникот за процена на земјиштето со прегледен план. Член 2 Записникот за процена на земјиштето со прегледен план се составува во три еднообразни примерока во писмена форма. Записникот за процена на земјиштето со прегледен план содржи: состав на Комисијата за процена на вредноста на земјиштето во консолидационото подрачје, табела за процена на вредноста на земјиштето во консолидационото подрачје, прегледен план, датум и потписи на претседателот и членовите на комисијата. Формата и содржината на записникот за процена на земјиштето со прегледен план се дадени во Прилог кој е составен дел на овој правилник. Член 3 Овој правилник влегува во сила наредниот ден од денот на објавувањето во “Службен весник на Република Македонија”. Бр.31-2939/1 Министер за земјоделство, 18 март 2014 година шумарство и водостопанство, Скопје Љупчо Димовски, с.р. Службен весник на РМ, бр. 55 од 24.03.2014 година 2 од 2