Regulation on the form and content of the application for registration of designation of origin or geographical indication

Службен весник на РМ, бр. 77 од 20.6.2012 година 20120772097 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 147 став (9) од Законот за квалитетот на земјоделските производи („Службен весник на Република Македонија“ бр. 140/10, 53/11 и 55/12), министерот за земјоделство, шумарство и водостопанство донесе ПРАВИЛНИК ЗА ФОРМАТА И СОДРЖИНАТА НА БАРАЊЕТО ЗА РЕГИСТРАЦИЈА НА ОЗНАКА ЗА ПОТЕКЛО ИЛИ ГЕОГРАФСКА ОЗНАКА (*) Член 1 Со овој правилник се пропишува формата и содржината на барањето за регистрација на ознака за потекло или географска ознака. Член 2 (1) Барањето за регистрација на ознака за потекло или географска ознака се поднесува во писмена и електронска форма на образец со А4 формат во бела боја, кој е даден во Прилог и е составен дел на овој правилник. (2) Барањето од став (1) на овој член содржи: а) Назив на земјоделскиот или прехранбениот производ; б) Видот на ознаката за која се бара регистрација; в) Податоци за групата која го поднесува барањето: назив; адреса; број на телефон, факс и e-mail адреса; правен статус; број на членови; број на решението за регистрација, како и датумот и местото на издавање на решението; единствен матичен број (ЕМБГ или ЕМБС); име и презиме, адреса и број на одговорното лице на групата кое го поднесува барањето и име и презиме, адреса и број на лицето кое е ополномоштено да ја застапува групата. г) Податоци за членовите кои ја сочинуваат групата: реден број; назив на правното или физичкото лице; адреса или седиште; дејност и единствен матичен број (ЕМБГ или ЕМБС). д) Податоци за верификационото тело: назив и адреса, број на телефон и e-mail. ѓ) Останати потребни документи што се поднесуваат во прилог на барањето: заверена фотокопија од решението за регистрација на групата; статут на групата; сертификат за соодветност на елаборатот со производот, што го издава верификационото тело; полномоштво за лицето кое ја застапува групата која го поднесува барањето; елаборат; податоци за моменталното, како и планираното производство на групата и единствен документ. Датум и потпис на поднесителот на барањето. Член 3 Овој правилник влегува во сила наредниот ден од денот на објавувањето во „Службен весник на Република Македонија“. Бр. 11-5418/4 Министер за земјоделство, 6 јуни 2012 година шумарство и водостопанство, Скопје Љупчо Димовски, с.р. * Со овој правилник се врши усогласување со Регулативата на Комисијата (ЕЗ) бр.1898/2006 од 14 декември 2006 год. со која се утврдуваат правилата за спроведување на Регулативата на Советот (ЕЗ) бр. 510/2006 за заштита на географски ознаки и ознаки за потекло на земјоделски и прехранбени производи, CELEX бр. 32006R1898 1 од 3 Службен весник на РМ, бр. 77 од 20.6.2012 година 2 од 3 Службен весник на РМ, бр. 77 од 20.6.2012 година 3 од 3