Regulation on the content of the annual report on the performed inspection as well as the manner and deadline for its submission

Службен В. на Р.М. бр: 71/2006 од 08.06.2006 Влегува во сила на: 09.06.2006 Се применува од: 01.01.2007 Извор: МИНИСТЕРСТВО ЗА ЖИВОТНА СРЕДИНА И ПРОСТОРНО ПЛАНИРАЊЕ Правилник за содржината на Годишниот извештај за извршениот инспекциски надзор како и начинот и рокот за негово доставување Врз основа на член 209 став (4) од Законот за животна средина ("Службен весник на РМ" бр. 53/05, 81/05), министерот за животна средина и просторно планирање донесе. П Р А В И Л Н И К ЗА СОДРЖИНАТА НА ГОДИШНИОТ ИЗВЕШТАЈ ЗА ИЗВРШЕНИОТ ИНСПЕКЦИСКИ НАДЗОР КАКО И НАЧИНОТ И РОКОТ ЗА НЕГОВО ДОСТАВУВАЊЕ Член 1 Предмет Со овој правилник се пропишува содржината на годишниот извештај за извршениот инспекциски надзор, како и начинот и роковите за доставување на извештајот. Член 2 Содржина на годишниот извештај за извршен инспекциски надзор (1) Годишниот извештај на државниот инспектор за животна средина и овластениот инспектор за животна средина содржи: податоци за инспекторот; податоци за извршен редовен инспекциски надзор по сектори и инсталации, и приказ на времето потрошено за инспекциски надзор; податоци за извршен инспекциски надзор во случај на пријава/сознание, вклучувајки ги хавариите, инцидентите, несреќите и друго непочитување на прописите од областа на животната средина; податоци за соработка со други надлежни органи при извршениот инспекциски надзор; податоци за степенот на усогласеност на инсталациите и индустриските сектори со прописите од областа на животната средина врз основа на извршениот редовен инспекциски надзор; податоци за планиран, но неизвршен инспекциски надзор со образложение за причините заради неизвршување на надзорот; оценка на успешноста во исполнување на програмата за вршење на инспекциски надзор; препораки за следната програма за вршење на инспекциски надзор; учество на работилници, семинари, тренинзи и друго; податоци за донесени акти и изречени санкции и мерки. (2) Извештајот од став (1) на овој член се изготвува на oбразец даден во Прилог бр.1 кој е составен дел од овој правилник. (3) Годишниот извештај на инспекторот за заштита на природата содржи: податоци за инспекторот; податоци за извршениот редовен инспекциски надзор на заштитените подрачја и друго, вклучувајќи го инспекцискиот увид, како и приказ на времето потрошено за инспекциски надзор; податоци за извршен инспекциски надзор во случај на пријава/сознание/инцидент; податоци за соработка со други надлежни органи при извршениот инспекциски надзор; податоци за степенот на усогласеност со прописите од областа на природата врз основа на извршениот редовен инспекциски надзор; податоци за планиран, но неспроведен инспекциски надзор со образложение за причините заради неизвршување на надзорот; оценка на успешноста во исполнување на програма за вршење на инспекциски надзор; http://www.slvesnik.com.mk/Issues/3549F74997B0084E9C47AC8F8A7423BC.pdf#page=57 препораки за следната програма за вршење на инспекциски надзор; учество на работилници, семинари, обуки и друго; податоци за донесени акти и изречени санкции и мерки. (4) Извештајот од став (3) на овој член се изготвува на oбразец даден во Прилог бр.2 кој е составен дел од овој правилник. Члeн 3 Начин и рок за доставување на годишниот извештај за извршениот инспекциски надзор Годишниот извештај за извршениот инспекциски надзор од член 2 став (1) и (3) од овој правилник, инспекторот, најдоцна до крајот на месец јануари во тековната година, го доставува, во печатена и електронска форма, до органот на државната управа надлежен за работите од областа на животната средина. Член 4 Влегување во сила Овој правилник влегува во сила наредниот ден од денот на објавувањето во "Службен весник на Република Македонија", а ќе се применува од 01.01.2007 година. Бр. 07-2746/1 26 мај 2006 година Скопје , Министер за животна средина и просторно планирање, д-р Зоран Шапуриќ, с.р.