Regulation on the ban of import of live animals, products and animal by-products for protection against introduction of the plague virus in small ruminants in the Republic of Macedonia originating in the Republic of Bulgaria

Службен весник на РМ, бр. 124 од 5.7.2018 година 1 од 1 20181242423 АГЕНЦИЈА ЗА ХРАНА И ВЕТЕРИНАРСТВО Врз основа на член 10 точка 4), а во врска со член 81 став (2) од Законот за ветеринарно здравство („Службен весник на Република Македонија” бр. 113/07, 24/11, 136/11, 123/12, 154/15 и 53/16), директорот на Агенцијата за храна и ветеринарство, донесе РЕШЕНИЕ ЗА ЗАБРАНА НА УВОЗ И ТРАНЗИТ НА ЖИВИ ЖИВОТНИ, ПРОИЗВОДИ И НУСПРОИЗВОДИ ОД ЖИВОТИНСКО ПОТЕКЛО ЗАРАДИ ЗАШТИТА ОД ВНЕСУВАЊЕ НА ВИРУСОТ НА ЧУМА КАЈ МАЛИ ПРЕЖИВАРИ ВО РЕПУБЛИКА МАКЕДОНИЈА ПО ПОТЕКЛО ОД РЕПУБЛИКА БУГАРИЈА Член 1 Со ова решение заради заштита од внесување на вирусот на чума кај мали преживари (Peste des Pestitis Ruminants) се забранува увоз и транзит во Република Македонија на: живи домашни и диви овци и кози, семе, јајце клетки и ембриони од домашни и диви овци и кози кои потекнуваат од Република Бугарија и месо од домашни и диви овци и кози, производи од месо од домашни и диви овци и кози, преработки од месо од домашни и диви овци и кози, млеко од домашни и диви овци и кози, производи од млеко од домашни и диви овци и кози, како и нуспроизводи од домашни и диви овци и кози, кои потекнуваат од регионот Јамбол/Yambol во Република Бугарија. Член 2 По исклучок од член 1 алинеја 2 од ова решение, може да се увезуваат производи од месо од домашни и диви овци и кози доколку месото било подложено на еден од следните специфични третмани, и тоа: обработка во херметички затворен контејнер до Fo вредност од три или повеќе; термички третман што обезбедува постигнување на температура од најмалку 70°C што треба да помине низ производот од месо во текот на преработката на месото; термички третман што обезбедува постигнување на температура од најмалку 80°C што треба да помине низ производот од месо во текот на преработката на месото; термичко третирање на производите од месо, во херметички затворени контејнери на температура од најмалку 60°C за период од најмалку 4 часа, што обезбедува постигнување на температура од најмалку 70°C во внатрешноста на производот за периодот од 30 минути и термички третман што обезбедува постигнување на температура од најмалку 65°C во внатрешноста на производот за периодот што е неопходен за постигнување вредност на пастеризација (pv) еднаква или поголема од 40. Член 3 Ова решение влегува во сила наредниот ден од денот на објавувањето во „Службен весник на Република Македонија”. Бр. 02 – 2356/3 Агенција за храна 2 јули 2018 година и ветеринарство Скопје Директор, Зоран Атанасов, с.р.