Regulation on the ban of import and transit of bees, bumble bees, apiculture products and equipment for apiculture in order to protect from the entry of specific parasites (small moth-Aethina tumida) from the Republic of Italy

Службен весник на РМ, бр. 17 од 05.02.2015 година 1 од 1 20150170352 АГЕНЦИЈА ЗА ХРАНА И ВЕТЕРИНАРСТВО Врз основа на член 10 точка 4), а во врска со член 81 став (2) од Законот за ветеринарно здравство („Службен весник на Република Македонија” бр. 113/07, 24/11, 136/11 и 123/12), директорот на Агенцијата за храна и ветеринарство, донесе РЕШЕНИЕ ЗА ЗАБРАНА НА УВОЗ И ТРАНЗИТ НА ПЧЕЛИ, БУМБАРИ, ПРОИЗВОДИ ОД АПИКУЛТУРА И ОПРЕМА ЗА АПИКУЛТУРА ЗАРАДИ ЗАШТИТА ОД ВНЕСУВАЊЕ НА ПАРАЗИТОТ МАЛ МОЛЕЦ (AETHINA TUMIDA) ВО РЕПУБЛИКА МАКЕДОНИЈА ОД ИТАЛИЈА Член 1 Со ова решение заради заштита од внесување на паразитот мал молец (Aethina tumida) се забранува увоз и транзит во Република Македонија на следните пратки кои потекнуваат од Италија, и тоа: пчели, бумбари, непреработени нуспроизводи од апикултура (производи од апикултура пропишани во член 4 точка 13 од Законот за нуспроизводи кои не биле подложени на преработка дадена во ред 10 од табела 1 од Оддел 1 на Глава II од Правилникот за начинот и постапката за увоз и транзит, начинот и постапката на вршење на проверка и преглед при увоз и транзит на пратка со нуспроизводи од животинско потекло, формата и содржината на ветеринарно-здравствениот сертификат или други документи што ја придружуваат пратката со нуспроизводи од животинско потекло, како и листата на трети земји од кои е одобрен увоз и транзит), опрема за апикултура (употребени пчелни семејства, делови од пчелни семејства и опрема употребена при чување и одгледување на пчели), и мед во саќе наменет за исхрана на луѓе. Забраната од став (1) на овој член се однесува на пратки кои потекнуваат од следните области: Регион на Калабрија, и Регион на Сицилија. Член 2 Ова решение влегува во сила наредниот ден од денот на објавувањето во „Службен весник на Република Македонија”. Бр. 02-219/3 Агенција за храна и ветеринарство 28 јануари 2015 година Директор, Скопје м-р Зоран Поповски, с.р.