Regulation on detailed conditions to be met by legal entities authorized for examination of fertilizers

Службен В. на Р.М. бр: 129/2010 од 28.09.2010 Влегува во сила на: 29.09.2010 Извор: МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Правилник за поблиските услови кои треба да ги исполнуваат правните лица овластени за испитување на ѓубрињата МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 34 став 5 од Законот за ѓубриња ("Службен весник на Република Македонија" бр. 110/07 и 20/09), министерот за земјоделство, шумарство и водостопанство, донесе. ПРАВИЛНИК ЗА ПОБЛИСКИТЕ УСЛОВИ КОИ ТРЕБА ДА ГИ ИСПОЛНУВААТ ПРАВНИТЕ ЛИЦА ОВЛАСТЕНИ ЗА ИСПИТУВАЊЕ НА ЃУБРИЊАТА Член 1 Со овој правилник се пропишуваат поблиските услови кои треба да ги исполнуваат правните лица овластени за испитување на ѓубрињата ( во понатамошниот текст: лаборатории ), методите на испитување на ѓубрињата, како и податоците што треба да ги содржи извештајот од извршените испитувања. Член 2 (1) За да може лабораторијата да биде овластена да врши испитувања на ѓубрињата во однос на физичко - хемиските, како и микробиолошките анализи на параметрите, треба да донесе план за испитување според начелата на добрата лабораториска пракса. (2) Основните начела на добрата лабораториска пракса се дадени во Прилог 1 кој е составен дел на овој правилник. (3) Анализите од став (1) на овој член лабораторијата треба да ги врши согласно методите кои се пропишани во Прилог 2 кој е составен дел на овој правилник. (4) Лабораторијата по спроведувањето на планските активности доставува мислење за усогласеноста на ѓубрињата со пропишаните барања. (5) По спроведените анализи лабораторијата изготвува извештај во кој особено се наведуваат ознаката и називот на методата, описот и состојбата на мострата која се испитува и нејзината еднозначна ознака, дата и прием на мострата и дата на завршување на испитувањето, резултатите од испитувањето со мерни единици, како и лицето кое го одобрило извештајот. Член 3 (1) Лабораторијата треба да има работни простории за: 1.Превземање и правилно чување на мостри; 2.Сместување на уредите и инструментите за испитување и извршување на дијагностички и аналитички методи; 3.Сместување на хемикалиите, вклучувајќи и сместување на опасните хемикалии по здравјето на човекот, лабораториската опрема и садови; 5. Миење и сушење на лабораториските садови и опрема и 6. Обработка на резултати и подготовка на извештај. . Член 4 (1) Лабораторијата треба да располага со мерни уреди и инструменти, како и друга опрема потребна за испитување, во согласност со современите научно - технолошки достигнувања. (2) Лабораторијата испитувањата треба да ги врши со атестирани мерни уреди кои имаат следливост. Член 5 http://www.slvesnik.com.mk/Issues/8E512751C6D6B245B4F30D299C862E22.pdf#page=33 (1) Лабораторијата треба да има пишани упатства за спроведување на испитувањата, за употреба и работа на сите мерни уреди и инструменти кои се користат,како и за подготвување на мостри. (2) При употреба на други дополнителни методи или постапки на испитување, треба да се дадат детални образложенија за нивната примена. Член 6 Лабораторијата треба да има вработено стручно оспособен кадар и тоа: најмалку еден вработен со завршено високо образование (хемиски, технолошки или земјоделски факултет) со најмалку две години работно искуство во лабораториска работа; и најмалку еден вработен со завршено средно образование од областа на хемиската, хемиско - технолошката или земјоделската струка. Член 7 Овој правилник влегува во сила наредниот ден од денот на објавувањето во "Службен весник на Република Македонија". Бр. 17-243/5 септември 2010 година Министер, Скопје Љупчо Димовски, с.р.