Regulation on detailed conditions, manner and procedure for determining, calculating and paying the fee for production of energy from fossil fuels

„Службен весник на РМ“ бр. 77 од 20.06.2007 година Врз основа на член 185-а, став 7 од Законот за животна средина („Службен весник на РМ“ бр. 53/2005, 81/2005 и 24/2007), министерот за финансии донесе ПРАВИЛНИК ЗА ПОБЛИСКИТЕ УСЛОВИ ЗА НАЧИНОТ И ПОСТАПКАТА ЗА УТВРДУВАЊЕ, ПРЕСМЕТУВАЊЕ И УПЛАТУВАЊЕ НА НАДОМЕСТОКОТ ЗА ПРОИЗВОДСТВО НА ЕНЕРГИЈА ОД ФОСИЛНИ ГОРИВА Член 1 Со овој правилник се пропишуваат поблиските услови за начинот и постапката за утврдување, пресметување и уплатување на надоместокот за производство на енергија од фосилни горива. Член 2 Правните и физичките лица кои управуваат со инсталации кои што произведуваат енергија произведена со согорување на фосилни горива (во натамошниот текст: обврзник) ја пријавуваат количината на произведена енергија со согорување на фосилни горива во киловатчасови и вкупно пресметаниот надоместок на произведена енергија со согорување на фосилни горива на Пријава за надоместок за производство на енергија од фосилни горива (Образец ПНПЕФГ) која е составен дел на овој правилник. Пријавата од став 1 на овој член обврзникот ја поднесува на секој 15-ти во тековниот месец за сите пресметани надоместоци од претходниот месец на произведена енергија. Обврзникот го уплатува надоместокот на уплатната сметка пропишана во Упатството за начинот на евидентирање, распоредување и поврат на јавните приходи. Член 3 Обврзникот води, одржува и чува уредна и точна евиденција за производство на енергија во киловатчасови произведена со согорување на фосилни горива, количината за која е пресметан надоместок и уплатениот надоместок. Обврзникот треба да ги чува сите документи, информации и податоци согласно прописите за даночна постапка. Член 4 Евиденција на обврзниците се води во Управата за јавни приходи согласно Законот за Управата за јавни приходи. Член 5 Овој правилник влегува во сила наредниот ден од денот на објавувањето во „Службен весник на Република Македонија“. Бр. 10-22658/1 15 јуни 2007 година Министер, Скопје д-р Трајко Славески, с.р. 1 од 3

„Службен весник на РМ“ бр. 77 од 20.06.2007 година 2 од 3 „Службен весник на РМ“ бр. 77 од 20.06.2007 година 3 од 3