Regulation on detailed conditions for performing certain types of professional work, in terms of equipment, devices, instruments and appropriate business premises to be met by entities that perform professional works for monitoring the ambient air quality

Службен В. на Р.М. бр: 69/2011 од 23.05.2011 Влегува во сила на: 23.05.2011 Се применува од: 01.01.2013 Извор: МИНИСТЕРСТВО ЗА ЖИВОТНА СРЕДИНА И ПРОСТОРНО ПЛАНИРАЊЕ Правилник за поблиските услови за вршење на определени видови стручни работи, во поглед на опремата, уредите, инструментите и соодветните деловни простории кои треба да ги исполнуваат субјектите кои вршат определени стручни работи за мониторинг на квалитетот на амбиентниот воздух МИНИСТЕРСТВО ЗА ЖИВОТНА СРЕДИНА И ПРОСТОРНО ПЛАНИРАЊЕ Врз основа на член 42 став (3) од Законот за квалитет на амбиентниот воздух ("Службен весник на Република Македонија" бр. 67/04, 92/07, 35/10 и 47/11), министерот за животна средина и просторно планирање во согласност со министерот за здравство, донесе. П Р А В И Л Н И К ЗА ПОБЛИСКИТЕ УСЛОВИ ЗА ВРШЕЊЕ НА ОПРЕДЕЛЕНИ ВИДОВИ СТРУЧНИ РАБОТИ, ВО ПОГЛЕД НА ОПРЕМАТА, УРЕДИТЕ, ИНСТРУМЕНТИТЕ И СООДВЕТНИТЕ ДЕЛОВНИ ПРОСТОРИИ КОИ ТРЕБА ДА ГИ ИСПОЛНУВААТ СУБЈЕКТИТЕ КОИ ВРШАТ ОПРЕДЕЛЕНИ СТРУЧНИ РАБОТИ ЗА МОНИТОРИНГ НА КВАЛИТЕТОТ НА АМБИЕНТНИОТ ВОЗДУХ Член 1 Со овој правилник се пропишувaат поблиските услови за вршење на определени видови стручни работи, во поглед на опремата, уредите, инструментите и соодветните деловни простории кои треба да ги исполнуваат субјектите кои вршат определени стручни работи за мониторинг на квалитетот на амбиентиот воздух. Член 2 Под определени стручни работи за мониторинг на квалитет на амбиентниот воздух се подразбира мерење на квалитетот на амбиентниот воздух. За опремата, уредите и инструментите за мерење и земање примероци за мониторинг на квалитетот на амбиентиот воздух, се применуваат стандардите дадени во Прилогот кој е составен дел на овој правилник. Доколку субјектите поседуваат друг тип на уреди, опрема и инструменти за мерење и земање примероци кои не се наведени во прилогот, треба да поседуваат доказ за демонстрација на еквивалентност на добиените податоци со податоците добиени со употреба на уредите, опремата и инструментите за мерење и земање примероци кои се наведени во прилогот на овој правилник. За деловните простории за вршење на мониторинг на квалитетот на амбиентниот воздух, се применува стандардот МКС ЕN 17025 "Општи барања за компетентност на лабораториите за тестирање и калибрација (кој е идентичен со EN 17025). Член 3 Овој правилник влегува во сила со денот на објавувањето во "Службен весник на Република Македонија", а ќе се применува од 1 јануари 2013 година. Бр. 16-499/3 Бр. 07-147/7 10 мај 2011 година 18 април 2011 година Скопје Скопје Министер за животна средина Министер за здравство, и просторно планирање, д-р Бујар Османи, с.р. д- р Неџати Јакупи, с.р. http://www.slvesnik.com.mk/Issues/8D7B66DA5D313F45B3C259E8F4F9F723.pdf#page=11