Regulation on data type, form, contents and manner of keeping records on awarded state help in agriculture and rural development

1 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 109 став (2) од Законот за земјоделство и рурален развој („Службен весник на Република Македонија“ бр. 49/10 и 53/11) министерот за земјоделство, шумарство и водостопанство донесе ПРАВИЛНИК ЗА ВИДОТ НА ПОДАТОЦИТЕ, ФОРМАТА, СОДРЖИНАТА И НАЧИНОТ НА ВОДЕЊЕ НА ЕВИДЕНЦИЈАТА НА ДОДЕЛЕНАТА ДРЖАВНА ПОМОШ ВО ЗЕМЈОДЕЛСТВОТО И РУРАЛНИОТ РАЗВОЈ Член 1 Со овој правилник се пропишува видот на податоците, формата, содржината и начинот на водење на евиденцијата на доделената државна помош во земјоделството и руралниот развој. Член 2 Евиденцијата на доделената државна помош согласно членовите 94, 95, 96, 98, 99, 100, 101, 102, 103, 104, 105, 106 и 107 од Законот за земјоделство и рурален развој за секој субјект се води во Министерството за земјоделство, шумарство и водостопанство во книга за евиденција на доделена државна помош која се состои од евидентни листови во А4 формат. Формата и содржината на книгата за евиденција на доделена државна помош е дадена во прилог и е составен дел на овој правилник. Член 3 Во евидентниот лист од член 2 став 1 на овој правилник се внесуваат следните податоци: реден број на субјектот; име и презиме или назив; адреса или седиште; ИДБР-Идентификациски број на земјоделското стопанство или ЕМБГ-Единствен матичен број на граѓанинот или ЕДБ-Единствен даночен број или ЕМБ-Единствен матичен број од Централен Регистар на Република Македонија; година на евидентирање; вид на доделена државна помош во земјоделство и рурален развој; вкупен износ на доделена помош во земјоделство и рурален развој во денари; доделена неповратна финансиска помош од други државни органи и единици на локалната самоуправа со податоци за видот на помошта и износот и вкупен износ на доделена помош во денари. Член 4 Книгата за евиденција од член 2 на овој правилник се води во писмена форма и компјутерски. 2 Член 5 Овој правилник влегува во сила наредниот ден од денот на објавувањето во „Службен весник на Република Македонија“. Бр. 08-4184/3 13 мај 2011 година Министер, Скопје Љупчо Димовски , с.р.