Regulation on conditions regarding the necessary equipment that should be possessed by authorized scientific professional organizations and institutions as well as other legal and natural persons, for performing certain noise monitoring professional activities

Службен весник на РМ, бр. 152 од 05.12.2008 година 1 од 1 20081523149 МИНИСТЕРСТВО ЗА ЖИВОТНА СРЕДИНА И ПРОСТОРНО ПЛАНИРАЊЕ Врз основа на член 31 став 3 од Законот за заштита од бучава во животната средина (,,Службен весник на Република Македонија” бр. 79//2007), министерот за животна средина и просторно планирање, донесе ПРАВИЛНИК ЗА ПОБЛИСКИТЕ УСЛОВИ ВО ПОГЛЕД НА ПОТРЕБНАТА ОПРЕМА КОЈА ТРЕБА ДА ЈА ПОСЕДУВААТ ОВЛАСТЕНИ НАУЧНИ СТРУЧНИ ОРГАНИЗАЦИИ И ИНСТИТУЦИИ КАКО И ДРУГИ ПРАВНИ И ФИЗИЧКИ ЛИЦА, ЗА ВРШЕЊЕ НА ОПРЕДЕЛЕНИ СТРУЧНИ РАБОТИ ЗА МОНИТОРИНГ НА БУЧАВА Член 1 Со овој правилник се пропишуваат поблиските услови во поглед на потребната опрема која треба да ја поседуваат овластени научни стручни организации и институции како и други правни и физички лица, за вршење на определени стручни работи за мониторинг на бучава. Член 2 Овластените научни, стручни организации и институции како и други правни и физички лица треба да поседуваат опрема за вршење на мониторинг на бучава која овозможува спроведување на сите мерења на бучава, и тоа лабораториско, и мерење во теренски услови. Член 3 Опремата за вршење на мониторинг на бучава се состои од уреди за мерење на бучава кои можат адекватно да ги обработат резултатите од мерењата на бучавата и со автоматски приказ на резултатите можат да бидат испечатени веднаш по мерењето. Опремата за мерење на бучавата треба да биде конструирана за одредување на јачина на звук со А-тежинска крива (LA) и директно или индиректно одредување на енергетско еквивалентно ниво на бучава (LAeq). Член 4 Опремата за мониторинг на бучава треба да биде согласно националните и стандардите на Европската Унија, како и да има доказ за редовна калибрација. Член 5 Опремата што ја поседуваат овластените научни, стручни организации и институции како и други правни и физички лица кои вршат мерење на бучава, треба да биде во согласност со последните современи научни и технички достигнувања. Член 6 Овој правилник влегува во сила осмиот ден од денот на објавувањето во „Службен весник на Република Македонија“. Бр. 07-7972/1 1 декември 2008 година Министер, Скопје д-р Неџати Јакупи, с.р.