Regulation on basic parameters that are subject to physico-chemical analysis of wine, closer conditions regarding the premises and equipment that must be met by authorized laboratories for performing physico-chemical analysis for the purpose of placing of wine on the market and on procedure for issuing the authorization for performing wine physico-chemical analysis

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 33 став 3 од Законот за виното (,,Службен весник на Република Македонија" 50/2010), министерот за земјоделство, шумарство и водостопанство донесе ПРАВИЛНИК ЗА ОСНОВНИТЕ ПАРАМЕТРИ КОИ СЕ ПРЕДМЕТ НА ФИЗИЧКО - ХЕМИСКА АНАЛИЗА НА ВИНОТО, ПОБЛИСКИТЕ УСЛОВИ ВО ОДНОС НА ПРОСТОРИИТЕ И ОПРЕМАТА КОИ ТРЕБА ДА ГИ ИСПОЛНУВААТ ОВЛАСТЕНИТЕ ЛАБОРАТОРИИ ЗА ВРШЕЊЕ НА ФИЗИЧКО-ХЕМИСКА АНАЛИЗА ЗАРАДИ СТАВАЊЕ НА ВИНОТО ВО ПРОМЕТ И ПОСТАПКАТА ЗА ИЗДАВАЊЕ НА ОВЛАСТУВАЊЕТО ЗА ВРШЕЊЕ НА ФИЗИЧКО - ХЕМИСКА АНАЛИЗА НА ВИНОТО Член 1 Со овој правилник се пропишуваат основните параметри кои се предмет на физичко- хемиска анализа на виното, поблиските услови во однос на просториите и опремата кои треба да ги исполнуваат овластените лаборатории за вршење на физичко-хемиска анализа заради ставање на виното во промет и постапката за издавање на овластувањето за вршење на физичко­ хемиска анализа на виното. Член 2 Основните параметри кои се предмет на физичко-хемиска анализа на виното заради добивање на решение за ставање во промет се: 1. Специфична тежина 20 /20'/ пикнометриски, 2. Алкохол/ дестилација и пикнометриски, 3. Вкупен екстракт/ пикнометриски, 4. Вкупни киселини/ волуметриска метода, 5. Испарливи киселини/ метода по Ripper, 6. Вкупен 502 метода по Ripper, 7. Слободен 502 / метода по Ripper, 8. Инвертен шеќер/ метода по 5horl, 9. Лимонска киселина/течна хроматографија (Н PLC-DAD). Член 3 (1) Овластените лаборатории за вршење на физичко-хемиска анализа на виното (во натамошниот текст: овластени лаборатории), треба да располагаат со посебни простории за вршење на физичко-хемиска анализа на виното, складирање и чување на мостри и за чување на хемикалии, реагенси и стандарди. (2) Овластените лаборатории треба да поседуваат одобрение за употреба на објектот и известување за започнување за вршење на дејност. (3) Просториите од став 1 на овој член треба да да имаат стабилна и контролирана температура и влажност на воздухот, да бидат оптимално осветлени, да бидат поврзани на постојана и стабилна електрична мрежа. Член4 Овластени лаборатории за вршење на физичко-хемиска анализа на виното треба да располагаат со соодветна опрема која овозможува утврдување на следниве параметри на виното: 1. специфична густина на 200с, пикнометриски, 2. алкохолна јачина, дестилација и пикнометриски, 3. вкупен сув екстрат, пикнометриски, 4. редуктивни шеќери, метод на Shorl, 5. присуство и содржина на сахароза, HPLC (течен хроматограф), 6. присуство и содржина на глукоза и фруктоза, HPLC, 7. содржина на пепел, волуметриски метод, 8. ал кал ност на пепелот, волуметриски метод, 9. присуство на хлориди, волуметриски метод, 10. присуство на сулфати, волуметриски метод, 11. вкупна киселост, волуметриски метод, 12. испарлива киселост, метод по Ripper, 13. присуство и содржина на винска киселина, HPLC, 14. присуство и содржина на лимонска киселина, HPLC, 15. присуство и содржина на јаболкова киселина, HPLC, 16. присуство и содржина на сорбинска киселина, HPLC, 17. присуство и содржина на аскорбинска киселина, HPLC, 18. рН, ph метар, 19. присуство и содржина на сулфур диоксид, метод по Ripper, 20. присуство и содржина на натриум, АА {атомски адсорбер), 21. присуство и содржина на калиум, АА (атомски адсорбер), 22. присуство и содржина на магнезиум, АА (атомски адсорбер), 23. присуство и содржина на калциум, АА (атомски адсорбер), 24. присуство и содржина на железо, АА (атомски адсорбер), 25. присуство и содржина на бакар, АА (атомски адсорбер), 26. присуство и содржина на кадмиум, АА (атомски адсорбер), 27. присуство и содржина на сребро, АА (атомски адсорбер), 28. присуство и содржина на цинк, АА (атомски адсорбер), 29. присуство и содржина на олово, АА (атомски адсорбер), 30. присуство и содржина на флуориди,волуметриски метод, 31. присуство и содржина на јаглерод диоксид,титриметриска метода, 32. присуство и содржина на деривати од цијанид, спектрофотометриска, 33. присуство и содржина на алил изотиоцијанат, спектрофотометриска, 34. Вкупни полифеноли, индекс по Фолин (Folin - Ciocalteu), спектрофотометриска (спектрофотометар), 35. Етил карбамат, гасна хроматографија со масна спектрометрија GCMS. (2) Овластените лаборатории од член 3 на овој правилник, покрај опремата од ставот 1 од овој член треба да располааат и со опрема за мерење на шеќерните единици на грозјето на места кадешто се врши откуп на винско грозје. Член 5 (1) Овластените лаборатории кои ги исполнуваат условите од членовите 3 и 4 на овој правилник доставуваат барање за овластување за вршење на физичко-хемиска анализа на виното до Министерство за земјоделство, шумарство и водостопанство. (2) По приемот на барањето, државен земјоделски инспектор на лице место го констатира исполнувањето на условите од членовите 3 и 4 на овој правилник и составува записник. (3) Врз основа на записникот на државниот земјоделски инспектор и писмените докази за исполнување на условите од член 33 став 2 од Законот за вино, Министерот за земјоделство, шумарство и водостопанство ја овластува лабораторијата заради вршење на физичко-хемиска анализа, заради добивање на решение за ставање на виното во промет. Член 6 Овој правилник влегува во сила наредниот ден од денот на објавувањето во „Службен весник на Република Македонија". Бр. 08-7602/3 16 август 2010 година Скопје Министер, Љупчо Димовски, с.р.