Regulation on additional conditions for the support of rural development measures, eligible costs and on level of support for eligible costs per beneficiary of individual measure

Службен весник на РМ, бр. 124 од 14.9.2011 година 1 од 9 20111242799 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 90 став (3) од Законот за земјоделство и рурален развој („Службен весник на Република Македонија“ бр. 49/10 и 53/11), министерот за земјоделство, шумарство и водостопанство донесе ПРАВИЛНИК ЗА ПОБЛИСКИТЕ ДОПОЛНИТЕЛНИ УСЛОВИ ЗА ПОДДРШКАТА ОД МЕРКИТЕ ЗА РУРАЛЕН РАЗВОЈ, ПРИФАТЛИВИТЕ ТРОШОЦИ И ВИСИНАТА НА ПОДДРШКАТА ЗА ПРИФАТЛИВИТЕ ТРОШОЦИ ПО КОРИСНИК ЗА ПОЕДИНЕЧНА МЕРКА I. ПРЕДМЕТ Член 1 Со овој правилник се пропишуваат поблиските дополнителни услови за поддршка од мерките за рурален развој, прифатливите трошоци и висината на поддршката за прифатливите трошоци по корисник за поединечна мерка. II. ДОПОЛНИТЕЛНИ УСЛОВИ Член 2 (1) Дополнителни услови за располагање со соодветни производни капацитети на корисниците на поддршка за инвестиции за модернизација на земјоделски стопанства, се следните: минимум 0,5 ха под лозов насад, или овоштарник (вклучително и трпезно грозје); минимум 0,8 ха градинарско производство на отворено; минимум 0,3 ха пластеничко или стакленичко производство на зеленчук; минимум 0,5 ха до максимум 2 ха за воспоставување на расадници за лозарство, овоштарство и градинарство; минимум 1,5 ха за житни и/или индустриски култури (маслодајни, фуражни култури) и/или минимум 0,5 ха за индустриски култури – тутун; минимум 0,5 ха за производство на компир; минимум 1.000 до максимум 25.000 несилки во сопственост на корисникот до крајот на инвестицијата; и минимум 30 пчелни семејства во сопственост на корисникот до крајот на инвестицијата. (2) Големината на производните капацитети од став (1) на овој член се утврдува согласно запишаните производни капацитети во Единствениот регистар на земјоделски стопанства при Министерството за земјоделство, шумарство и водостопанство. Член 3 Дополнителни услови за располагање со соодветни производни капацитети на корисниците на помош за зачувување на руралните предели и нивните традиционални карактеристики преку номадско одгледување на овци и традиционално овчарство е да има во сопственост минимум 150 овци од сите категории на овци. Службен весник на РМ, бр. 124 од 14.9.2011 година 2 од 9 III. ПРИФАТЛИВИ ТРОШОЦИ И ВИСИНАТА НА ПОДДРШКАТА ЗА ПРИФАТЛИВИТЕ ТРОШОЦИ Член 4 (1) Прифатливи трошоци за помош за обука и информирање на земјоделските производители, се следниве: трошоци за ангажирање до три стручни лица за најмногу 10 работни дена за изработка програми, образовни материјали, брошури за курсевите или информативните сесии со минимум завршено високо образование и докажано релевантно работно искуство од областа која е предмет на поддршка, од минимум три години; услуги од трети лица за подготовка за печатење и печатење на програми, образовни материјали и брошури за информативни сесии; трошоци за закуп на простории за спроведување на курсевите и информативните сесии; надоместок за предавачи во висина до 7.000 денари за работен ден односно осум работни часови по еден работен ден; надоместок на патни и дневни трошоци на учесниците на курсевите или информативните сесии во висина која не надминува 800 денари од ден по учесник; надомест на трошоци за ноќевање во висина не повеќе од 1.500 денари (со вклучен доручек) само за учесниците на курсевите чие место на живеење е одалечено повеќе од 70км од местото на одржување на курсот; и трошоци за закуп и/или набавка на презентациска опрема и кацелариски материјали за одржување на курсевите и информативните сесии освен компјутерска опрема, софтвер и мебел. (2) Висината на поддршката за прифатливите трошоци по корисник на мерката од став (1) на овој член изнесува до 800.000 денари за курс и до 250.000 денари по информативна сесија согласно темите утврдени во член 66 од Законот за земјоделство и рурален развој. (3) Висината на поддршката од став (2) на овој член може да се исплаќа авансно до 40% од висината на поддршката од став (2) на овој член пред реализација на прифатливите трошоци од став (1) на овој член. Член 5 (1) Прифатливи трошоци за инвестиции за модернизација на земјоделски стопанства, се следните: а) За лозарство, овоштарство (вклучително и трпезно грозје) и градинарство (пластеници, стакленици и на отворено со исклучок на тунелски фолии): трактори до 95КС; култиватори или мото-култиватори; опрема и приклучна механизација за припрема на почва, садење или за берење и транспорт; генератори и агрегати за обезбедување на електрична енергија на земјоделското земјиште; градежни материјали и елементи за конструкција на бунари и други зафати на површинска вода за наводнување на земјоделски имот на корисникот; градежни материјали и елементи за конструкција на заштитни објекти за сместување на механизацијата и опремата; услуги од трети лица за изработка на студии, елаборати, планска и техничка документација; и услуги од трети лица за надзор и изведување на градежни работи, за конструкција на елементите и инсталирање на опремата вклучително и софтвер. Службен весник на РМ, бр. 124 од 14.9.2011 година 3 од 9 б) За воспоставување на расадници за лозарство, овоштарство и градинарство: трактори до 95КС; култиватори или мото-култиватори; опрема и приклучна механизација за припрема на почва, садење и транспорт на посадочен материјал; елементи за конструкција на високи пластеници или стакленици со опрема за микроклиматски услови; генератори и агрегати за обезбедување на електрична енергија на земјоделското земјиште; градежни материјали и елементи за конструкција на бунари и други зафати на површинска вода за наводнување на земјоделски имот на корисникот; градежни материјали и елементи за конструкција на заштитни објекти за сместување на механизацијата и опремата; услуги од трети лица за изработка на студии, елаборати, планска и техничка документација; и услуги од трети лица за надзор и изведување на градежни работи, за конструкција на елементите и инсталирање на опремата вклучително и софтвер. в) За житни култури, индустриски култури (маслодајни, фуражни, тутун) вклучително и компир: трактори до 95КС; опрема и приклучна механизација за припрема и обработка на почва, садење и транспорт; комбајн за површини над 5ха под пченица, јачмен и/или овес или над 1 ха површини под ориз или над 2 ха површини под пченка или над 2 ха површини под сончоглед; опрема и приклучна механизација за берба и собирање на плодовите; опрема за припрема на плодовите за чување, манипулација и складирање градежни материјали и елементи за конструкција на силоси, простор за припрема на плодовите за складирање, складови и опрема за припрема на плодовите за чување, манипулација и складирање; генератори и агрегати за обезбедување на електрична енергија на земјоделското земјиште; градежни материјали и елементи за конструкција на бунари и други зафати на површинска вода за наводнување на земјоделски имот на корисникот; градежни материјали и елементи за конструкција на заштитни објекти за сместување на механизацијата и опремата; услуги од трети лица за изработка на студии, елаборати, планска и техничка документација; и услуги од трети лица за надзор и изведување на градежни работи, за конструкција на елементите и инсталирање на опремата вклучително и софтвер. г) За одгледување на несилки: опрема за подготовка и складирање на храна; опрема за хранење вклучително и компатибилна опрема за функционирање на системот за хранење; опрема за системи за поење; опрема за одгледување и чување на несилките вклучително и обезбедување на микроклиматски услови; опрема за внатрешно транспортирање на јајцата, сортирање и пакување; опрема за обезбедување на систем за проверка, контрола и следење на квалитетот на јајцата; инкубатори за живина; Службен весник на РМ, бр. 124 од 14.9.2011 година 4 од 9 градежни материјали и елементи за конструкција и опрема за изѓубрување за достигнување на барањата од прописите за заштита на животната средина; и услуги од трети лица за надзор и изведување на градежни работи, за конструкција на елементите и инсталирање на опремата вклучително и софтвер. д) За пчеларство: набавка на рамки и сандаци за пчелни семејства; набавка на опрема за одгледување на пчели; и услуги од трети лица за изработка и за инсталирање на опремата. (2) Висината на поддршката за прифатливите трошоци по корисник на мерката од став (1) на овој член изнесува: до 2.500.000 денари за прифатливите трошоци за лозарство, овоштарство (вклучително и трпезно грозје) и градинарство (пластеници, стакленици и на отворено со исклучок на тунелски фолии); до 3.500.000 денари за воспоставување на расадници за лозарство, овоштарство и градинарство; до 4.500.000 денари за прифатливите трошоци за житни култури и индустриски култури (маслодајни, фуражни, тутун) вклучително и компир; до 6.000.000 денари за прифатливи трошоци за одгледување на несилки; и до 800.000 денари за прифатливи трошоци за пчеларство. Член 6 (1) Прифатливи трошоци за инвестиции за зголемување на економската вредност на шумите, се следните: а) За одржливо стопанисување со шумите: опрема за реализација на активностите предвидени во план и/или програма за стопанисување со шумите; трошоци предвидени за реализација на активностите предвидени во план и/или програма за стопанисување со шумите, освен трошоци предвидени за обновување на шумскиот фонд и сеча на дрвната маса; трошоци за обележување на границите на шума во приватна сопственост; и услуги од трети лица за стручни работи и за спроведување на активностите предвидени во план и/или програма за стопанисување со шумите. б) За примарната обработка на дрвната маса и обработка на био маса од шумите: градежни материјали и елементи за конструкција на објекти за примарна обработка на дрвна маса и/или обработка на био-маса од шумите и отпад од обработката на дрвна маса и придружни објекти за складирање; опрема за примарна обработка на дрвната маса, био маса од шумите и отпад од обработка на дрвна маса; опрема за складирање и манипулација со суровината и готовиот производ; компјутерска опрема и софтвер за управување, контрола и следење на суровината и готовиот производ; и услуги од трети лица за надзор и изведување на градежни работи, за конструкција на елементите и инсталирање на опремата вклучително и софтвер. (2) Висината на поддршката за прифатливите трошоци по корисник на мерката од став (1) на овој член изнесува до 3.000.000 денари. Член 7 (1) Прифатливи трошоци за инвестиции за преработка и маркетинг на земјоделски производи, се следните: Службен весник на РМ, бр. 124 од 14.9.2011 година 5 од 9 а) За преработувачките капацитети за примарна обработка и доработка на житни култури, маслодајни семиња и растенија: градежни материјали и елементи за конструкција/реконструкција на објекти за прием, обработка и доработка и складирање; опрема за мелење; опрема за прием на суровина и складирање; опрема за подготовка за преработка, примарна обработка и доработка; опрема за означување и пакување; опрема за утврдување и контрола на квалитет на производите; и услуги од трети лица за надзор и изведување на градежни работи, за конструкција на елементите и инсталирање на опремата вклучително и софтвер. б) За преработувачки капацитети за јајца: градежни материјали и елементи за конструкција/реконструкција на објекти за преработка на јајца, прием и чување на суровина, подготовка за преработка и преработка на јајцата и складирање на готовиот производ; набавка на опрема за прием и чување на суровина; опрема за подготовка за преработка и преработка на јајцата; опрема за означување и пакување; опрема за складирање на готовиот производ; опрема за утврдување и контрола на квалитет на производите; и услуги од трети лица за надзор и изведување на градежни работи, за конструкција на елементите и инсталирање на опремата вклучително и софтвер. в) За преработувачки капацитети за винско грозје: градежни материјали и елементи за конструкција/реконструкција на објекти за преработка и придружни објекти за прием, подготовка и складирање; набавка на опрема за прием на суровина; опрема за подготовка за преработка и преработка на грозјето; опрема за зреење на виното; опрема за складирање на готовиот производ; и услуги од трети лица за надзор и изведување на градежни работи, за конструкција на елементите и инсталирање на опремата вклучително и софтвер. г) За јавни инвестиции во пазарна инфраструктура за постбербени активности или активности за собирање и чување на примарни земјоделски производи за нивна натамошна намена: градежни материјали и елементи за конструкција/реконструкција на објекти за прием, подготовка и складирање; опрема за утврдување и контрола на квалитет на производите; опрема за означување и пакување; услуги од трети лица за изработка на студии, елаборати, планска, техничка и градежна документација; и услуги од трети лица за надзор и изведување на градежни и елекртификациски работи. (2) Висината на поддршката за прифатливите трошоци по корисник на мерката од став (1) на овој член изнесува: до 6.000.000 денари за преработувачките капацитети за примарна обработка и доработка на житни култури, маслодајни семиња и растенија, и преработувачки капацитети за винско грозје; до 10.000.000 денари за преработувачки капацитети за јајца; Службен весник на РМ, бр. 124 од 14.9.2011 година 6 од 9 Член 8 (1) Прифатливи трошоци за инвестиции во инфраструктура за развој на земјоделството, шумарството и водостопанството, се следните: а) За патна инфраструктура за пристап до земјоделското земјиште: градежни материјали и елементи за конструкција; услуги од трети лица за надзор и изведување на градежни работи; и услуги од трети лица за изработка на студии, елаборати, планска и техничка документација. б) За снабдување со електрична енергија на објекти на земјоделски стопанства: градежни материјали и елементи за конструкција; опрема за поврзување на објектите со електрична енергија; опрема за електрична инсталација, за снабдување со електрична енергија, вклучително и опрема за производство и користење на соларна енергија, био-гас, и/или на гео-термална енергија; набавка на агрегати или генератори и придружна инсталациона опрема; услуги од трети лица за надзор и изведување на градежни и електрификациски работи и инсталирање на опремата вклучително и софтвер; и услуги од трети лица за изработка на студии, елаборати, планска и техничка документација. в) За инфраструктура во водостопанство: градежни материјали и елементи за конструкција на системот за наводнување/одводнување и придружни објекти за сместување и чување на опремата; опрема за функционалност на системот за наводнување/одводнување (пумпи, филтри, цевки); опрема за електрична инсталација, за снабдување со електрична енергија, вклучително и опрема за енергетска ефикасност и опрема за производство на одржливи енергии за потребите на функционирање на системот за надводнување/одводнување; агрегати и/или генератори и придружна инсталациона опрема; компјутерска опрема за функционирање, управување и контрола на системот за наводнување и софтвер; услуги од трети лица за надзор и изведување на градежни и електрификациски работи вклучително и инсталирање на опремата и софтвер; и услуги од трети лица за изработка на студии, елаборати, планска и техничка документација. г) За консолидација на земјоделското земјиште: услуги од трети лица за правни и стручни работи за консолидација на земјоделското земјиште, категоризација на бонитетна класа и утврдување на пазарна вредност на земјиштето; услуги од трети лица за правни и стручни работи за пренамена на земјиште од катастарска култура пасиште, ливада, нива, или шума, како и неплодно земјиште (голини) во земјоделско земјиште; трошоци за анализа на физичките и хемиските својства на почвата на земјиштето кое е предмет на консолидација и/или пренамена; трошоци за организирање и спроведување на мелиоративни мерки за унапредување на квалитетот на земјиштето кое е предмет на консолидација и/или пренамена, трошоци за градежни материјали и елементи за конструкција на патна инфраструктура за пристап до земјоделското земјиште кое е предмет на консолидација и/или пренамена; услуги од трети лица за изработка на мелиоративен план и нутриционистички план за земјиштето кое е предмет на консолидација и/или пренамена; Службен весник на РМ, бр. 124 од 14.9.2011 година 7 од 9 услуги од трети лица за надзор и изведување на градежни работи; и услуги од трети лица за изработка на студии, елаборати, планска и техничка документација. (2) Висината на поддршката за прифатливите трошоци по корисник на мерката од став (1) на овој член изнесува: до 1.000.000 денари за патна инфраструктура за пристап до земјоделското земјиште и за консолидација или пренамена на земјоделското земјиште; до 3.000.000 денари за снабдување со електрична енергија на објекти на земјоделски стопанства; и до 35.000.000 денари за инфраструктура во водостопанството. Член 9 (1) Прифатливи трошоци за економско здружување на земјоделски стопанства за заедничко вршење на земјоделска дејност, се следните: а) За воспоставување на задруга во тековната година и одржување на работата на веќе воспоставени задруги: трошоци за воспоставување на земјоделската задруга, освен за веќе воспоставени задруги; трошоци за закуп на простории и објекти за работа на задругата, освен за веќе воспоставени задруги; трошоци за набавка на компјутерска опрема, канцелариски мебел и компјутерски софтвер за планирање, управување, следење и контрола, освен за веќе воспоставени задруги; бруто-плата на стручни лица за управување со земјоделската задруга, административни и технички работници; услуги од трети лица за водење на сметководство и ревизија на работењето на земјоделската задруга; услуги од трети лица за едукација на вработените стручни лица во земјоделската задруга ; трошоци за информирање на членовите на земјоделската задругата; услуги од трети лица за организирање и спроведување на програми за обука на членовите на земјоделската задруга вклучително и патни и дневни трошоци на членовите на земјоделската задруга во висина која не надминува 800 денари од ден по учесник; и трошоци за организирање на промотивни настани за привлекување и ширење на членството на задругата. б) За инвестиции за унапредување на физичкиот потенцијал на земјоделската задруга и тоа за: трактори до 95КС; култиватори или мото-култиватори; опрема и приклучна механизација за припрема на почвата, садење или за берење/собирање/жнеење и транспорт; генератори и агрегати за обезбедување на електрична енергија на земјоделското земјиште; градежни материјали и елементи за конструкција на бунари и други зафати на површинска вода за наводнување на земјоделски имот на корисникот; градежни материјали и елементи за конструкција на заштитни објекти за сместување на механизацијата и опремата; градежни материјали и елементи за конструкција на расадници со опрема за микроклиматски услови; услуги од трети лица за надзор и изведување на градежни работи; Службен весник на РМ, бр. 124 од 14.9.2011 година 8 од 9 услуги од трети лица за инсталирање на опремата вклучително и софтвер; и услуги од трети лица за изработка на студии, елаборати, планска и техничка документација. в) За помош за организирање на информативни и промотивни активности за земјоделски производи произведени и пласирани од земјоделска задруга и тоа: трошоци за организирање и спроведување промотивни настани за промоција на земјоделската задруга и нејзините производи; учество на саемски манифестации; услуги од трети лица за изработка на план за комуникација и промоција на земјоделската задруга; услуги од трети лица за изработка, печатење и дистрибуција на каталози и пропаганден материјал; услуги од трети лица за изготвување и печатење на информативни материјали за земјоделската задруга и дизајн на идентификациски знаци на задругата; и услуги од трети лица за воспоставување и одржување на веб-страна на земјоделската задруга. (2) Висината на поддршката за прифатливите трошоци по корисник на мерката од став (1) на овој член изнесува: до 3.000.000 денари за воспоставување на задруга и одржување на работата на веќе воспоставени задруги; до 4.500.000 денари за инвестиции за унапредување на физичкиот потенцијал на земјоделската задруга; до 1.700.000 денари за помош за организирање на информативни и промотивни активности за земјоделски производи произведени и пласирани од земјоделска задруга. Член 10 (1) Прифатливи трошоци за помош за зачувување на руралните предели и нивните традиционални карактеристики се трошоци во висина на бруто плата на вработени лица за номадско одгледување на овци и традиционално овчарство. (2) Висината на поддршката за прифатливите трошоци по корисник на мерката од став (1) на овој член изнесува не повеќе од 300.000 денари по вработено лице за номадско одгледување на овци и традиционално овчарство. Член 11 (1) Прифатливи трошоци за подобрување на квалитетот на живот во рурални средини, се следните: градежни материјали и елементи за конструкција; урбана опрема и украсна опрема и елементи освен за набавка на растителен и посадочен материјал за хортикултурно уредување; опрема за одбележување, знаци, мапи, патокази, граничници, мостови, премини; санитарна и водоснабдителна опрема, вклучително и опрема за системи наводнување на зелени површини и опрема за обезбедување на вода за фонтани; опрема за поврзување со електрична енергија, вклучително и опрема за осветлување; агрегати или генератори и придружна опрема и инсталација; трошоци за изработка на проекти, студии, елаборати, планска и техничка документација; услуги од трети лица за надзор и изведување на градежни и електрификациски работи; услуги од трети лица за инсталирање на опремата вклучително и софтвер; услуги од трети лица за хортикултурно уредување на зелени површини; и Службен весник на РМ, бр. 124 од 14.9.2011 година 9 од 9 услуги од трети лица за изработка на студии, елаборати, планска и техничка документација. (2) Висината на поддршката за прифатливите трошоци по корисник на мерката од став (1) на овој член изнесува: до 10.000.000 денари за изградба и/или реконструкција патна инфраструктура за поврзување на селата со културни знаменитости и локалитети од значење за селската популација или изградба и/или реконструкција на селски улици; до 3.000.000 денари за изградба и/или реконструкција на плоштади, зелени површини и/или шеталишта во рурални средини или одбележување и унапредување на шумски и велосипедски патеки или уредување на излетнички места во рурални средини или одбележување на културни и природни знаменитости во рурални средини; до 17.000.000 денари за прифатливи трошоци кои се однесуваат на комбинирани проекти кои вклучуваат и изградба и/или реконструкција патна инфраструктура за поврзување на селата со културни знаменитости и локалитети од значење за селската популација, изградба и/или реконструкција на селски улици и изградба и/или реконструкција на плоштади, зелени површини и/или шеталишта во рурални средини. IV. ЗАВРШНИ ОДРЕДБИ Член 12 Со денот на влегувањето во сила на овој правилник, престанува да важи Правилникот за поблиските дополнителни услови за подршката од мерките за рурален развој, прифатливите трошоци и висината на подршката за прифатливите трошоци по корисник по поединечна мерка („Службен весник на Република Македонија“ бр. 69/11). Член 13 Овој правилник влегува во сила наредниот ден од денот на објавувањето во „Службен весник на Република Македонија“. Бр. 02-8409/1 Министер, 12 септември 2011 година Љупчо Димовски, с.р. Скопје