Guide for achievement of the principles of good agriculture and hygiene practice of agricultural holdings

1 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 78 став 3 од Законот за земјоделството и руралниот развој („Службен весник на Република Македонија" бр. 49/10), министерот за земјоделство, шумарство и водостопанство објавува ВОДИЧ ЗА ДОСТИГНУВАЊЕ НА ПРИНЦИПИТЕ НА ДОБРА ЗЕМЈОДЕЛСКА И ХИГИЕНСКА ПРАКСА НА ЗЕМЈОДЕЛСКИТЕ СТОПАНСТВА Член 1 (1) Со овој водич се подобрува примената на кодексот за добра земјоделска и хигенска пракса, односно се овозможува достигнување на принципите утврдени во Кодексот за добра земјоделска и хигиенска пракса. Член 2 (1) Во Водичот се содржани одредби кои се во согласност со националното примарното и секундарно законодавство и се дефинирани не задолжителни стандарди на ниво на препораки за добри практики во земјоделството по претстојните стандарди на ЕУ кои се уште не се транспонирани во македонското законодавство. (2) Структурата на документот ги зема во предвид ЕУ Регулативите на вкрстена усогласеност и добри земјоделски и еколошки услови, како и националните законски прописи, согласно принципите за добра земјоделска и хигиенска пракса Член 3 (1) Заштита на почвите и исхрана на растенијата, заштита на водите, заштита на биолошката разновидност, сточарство и благосостојба на животните и управување со земјоделски отпад се дефинирани добри земјоделски практики во Република Македонија. (2) Принципите на кодексот на добра земјоделска и хигиенска пракса се примена на најдобрите земјоделски практики при производство на храна за луѓето и животните, засновано на барањата за одржливо земјоделство, земјоделското производство да се остварува со комбинирање на најдобри земјоделски практики, заштита на животната средина и оптимално користење на природните ресурси и примена на земјоделски технологии кои вообичаено се применуваат во Република Македонија и кои водат сметка за заштита на земјиштето, благосостојбата и здравјето на животните, хигиената, здравјето на растенијата, безбедноста на храната и грижата за општото здравје. Член 4 Овој документ влегува во сила осмиот ден од денот на објавувањето во „Службен весник на Република Македонија". Бр. 02-8567/2 13 октомври 2010 година Министер, Скопје Љупчо Димовски, с.р Прилог