Decree on the manner of work of commissions for assessment and determination of the amount of damage caused by natural disasters, epidemics, epizootics and other accidents

Врз основа на член 143 став 2 од Законот за заштита и спасување ("Службен весник на Република Македонија бр. 36/2004 и 49/2004), Владата на Република Македонија, на седницата одржана на 9.11.2005 година, донесе УРЕДБА ЗА НАЧИНОТ НА РАБОТА НА КОМИСИИТЕ ЗА ПРОЦЕНА И УТВРДУВАЊЕ НА ВИСИНАТА НА ШТЕТА НАСТАНАТА ОД ПРИРОДНИ НЕПОГОДИ, ЕПИДЕМИИ, ЕПИЗООТИИ, ЕПИФИТОТИИ И ДРУГИ НЕСРЕЌИ Член 1 Со оваа уредба се уредува начинот на работа на комисиите за процена и утврдување на висината на штета настаната од природни непогоди, епидемии, епизоотии, епифитотии и други несреќи (во натамошниот текст: Комисии). Член 2 При процена и утврдување на висината на штетата врз средствата и другите материјални добра, комисиите ја применуваат Единствената Методологија за процена на штетите од елементарни и други непогоди ( во натамошниот текст: Единствената Методологија). Член 3 Комисиите, во својата работа соработуваат со надлежните државни органи, научно- стручни институции и по потреба ангажираат и стручни лица – експерти од соодветната област каде што се врши процената на штетата. Член 4 Комисиите, процената на штетата ја организираат на целото подрачје што претрпело штета и обезбедуваат целосност на опфатот со користење на статистичките кругови од Државниот завод за статистика. Член 5 Комисиите, штетата ја проценуваат со директен увид во секое средство и материјално добро во сопственост на правните лица, самостојните вршители на дејности и граѓаните што претрпеле каква и да е штета и за секое прегледано средство треба да утврдат дали е оштетено или уништено. За потешко оштетените средства треба да утврдат дали нивното оштетување е во толкава мера, што не може да се изврши поправка, или трошоците за поправка се толку високи, што таа не е исплатлива, во кој случај треба да се третираат како уништени средства. Член 6 Комисиите, за секое оштетено средство и материјално добро изработуваат пресметка на трошоците потребни за доведување на средствата во првобитна состојба, односно во состојба во кое биле пред настанување на оштетувањето. Пресметаните износи на штетите се намалуваат за вредноста на спасениот материјал, чија вредност се пресметува согласно Единствената Методологија.

Член 7 Комисиите за процена на штети спроведуваат и глобална процена на штети согласно Единствената Методологија. 1 Член 8 Проценетите штети, Комисиите ги евидентираат на пропишаните обрасци и табели согласно Единствената Методологија. Член 9 Комисиите изработуваат Извештај за процената на штетите во вид на елаборат согласно Единствената Методологија. Член 10 Оваа уредба влегува во сила наредниот ден од денот на објавувањето во "Службен весник на Република Македонија". Бр. 19-4079/1 Заменик на претседателот 9 ноември 2005 година на Владата на Република Скопје Македонија, Јован Манасијевски, с.р. 2