Decree on strategies, plans and programmes, including changes to those strategies, plans and programmes, for which a procedure for assessment of their impact on the environment and on human life and health is mandatory

„Службен весник на РМ“ бр. 153 од 20.12.2007 година 1 од 5 Врз основа на член 65, став (1) од Законот за животна средина („Службен весник на Република Македонија“ бр. 53/05, 81/05, 24/07), Владата на Република Македонија, на седницата одржана на 20.11.2007 година донесе УРЕДБА ЗА СТРАТЕГИИТЕ, ПЛАНОВИТЕ И ПРОГРАМИТЕ, ВКЛУЧУВАЈЌИ ГИ И ПРОМЕНИТЕ НА ТИЕ СТРАТЕГИИ, ПЛАНОВИ И ПРОГРАМИ, ЗА КОИ ЗАДОЛЖИТЕЛНО СЕ СПРОВЕДУВА ПОСТАПКА ЗА ОЦЕНА НА НИВНОТО ВЛИЈАНИЕ ВРЗ ЖИВОТНАТА СРЕДИНА И ВРЗ ЖИВОТОТ И ЗДРАВЈЕТО НА ЛУЃЕТО Член 1 Со оваа уредба се пропишуваат стратегиите, плановите и програмите, вклучувајќи ги и промените на тие стратегии, планови и програми (во натамошниот текст: плански документи), за кои задолжително се спроведува постапка за оцена на нивното влијание врз животната средина и врз животот и здравјето на луѓето (во натамошниот текст: стратегиска оцена). Член 2 Одделни изрази употребени во оваа уредба го имаат следново значење: „краткорочни плански документи“ се документите кои се донесуваат за период од една година вклучувајќи ги и промените на тие плански документи; „среднорочни плански документи“ се документите кои се донесуваат за период од пет години вклучувајќи ги и промените на тие плански документи; „долгорочни плански документи“ се документите кои се донесуваат за период над пет години вклучувајќи ги и промените на тие плански документи. Член 3 Стратегиска оцена се спроведува на плански документи, и промените на тие плански документи, од следниве области: 1. Земјоделство – краткорочни, среднорочни и долгорочни плански документи кои содржат мерки и активности и се однесуваат на: развој на земјоделско-прехранбениот сектор, користење на земјоделското земјиште, заштитата на растенијата, семе и семенски материјали, агрометеоролошките активности, дефинирање на политиката на безбедноста на храна, планирањето на развојот на земјоделството и развојот на руралните подрачја, мерките на земјоделската политика, креирање на политиките за воведување и развој на органското земјоделско производство, регистрација на субјектите, следење и евидентирање на состојбите во производството, преработката и прометот со органски производи; - одгледувањето и прометот на говеда, овци, кози, свињи, коњи, живина, куникули и други животни од стопанско значење, добивањето на добиточни производи, одгледување на растенија за производство на биодизел, дефинирање на политиката на производството на вино, описот, ознаката, обележувањето, презентацијата и заштитата на виното, дефинирање на политиката на производство на суров тутун, откупот, сместувањето, обработката на откупениот суров тутун во лист, прометот на ферментираниот тутун, „Службен весник на РМ“ бр. 153 од 20.12.2007 година 2 од 5 дефинирање на политиката на производство и промет на големо со тутунски производи, следењето на употребата на додатоци во тутунските производи. 2. Шумарство – краткорочни, среднорочни и долгорочни плански документи кои се однесуваат на дефинирање на политиките на: стопанисување со шумите, заштитата на шумите, пошумување на голини и ерозивни земјишта, нега на шумски култури, мелиорација на деградирани шуми, санирање на опожарени шумски површини и нивна вештачка обнова и спречување на ширењето на масовното сушење на шумите и шумските култури. 3. Рибарство – краткорочни, среднорочни и долгорочни плански документи, а кои се однесуваат на дефинирање на: унапредување, заштита и користење на рибниот фонд, користењето, управувањето и заштитата на рибниот фонд од риболовните води, утврдување на риболовни подрачја, зони и ревири и рекреативни зони, стопански риболов, рекреативен и спортски риболов, опрема, алат и други средства во рибарството. 4. Енергетика – краткорочни, среднорочни и долгорочни плански документи, а кои се однесуваат на дефинирање на: долгорочните цели за развој на обновливи извори на енергија (хидроенергија, ветерна енергија, соларна енергија, геотермална енергија, биомаса, земен гас, биогас, биогорива и сл.) како и поедини енергетски дејности за да се обезбеди сигурност во снабдувањето со различни видови на енергија, приоритети на развој, извори и начин за обезбедување на потребни количества енергија и енергенти, утврдување и користење на енергетските ресурси и капацитети од стратешка важност за државата, преобразба на енергетскиот сектор, поттикнувачки мерки за инвестирање во енергетски објекти во кои се користат обновливи извори на енергија, поттикнувачки мерки за зголемување на енергетската ефикасност, услов и начин за обезбедување на заштита на животната средина и мерки за реализација на заштитата и други елементи од значење за енергетскиот развој. 5. Индустрија – краткорочни, среднорочни и долгорочни плански документи, а кои се однесуваат на дефинирање на: развој на индустриската политика, следење на индустриското производство и технолошкиот развој, реструктуирање и преобразба на одделни индустрии (текстилна, челична, металуршка итн.), дозаокружување на процесот на приватизацијата; продолжување и интензивирање на структурните реформи, а преку тоа и создавањето на нова структура на индустриското производство, подобрување на деловното окружување, зголемување на инвестициите (домашни и странски), а особено инвестициите во информатика, технологија и знаење, подигнување на квалитетот на работна сила, и промоција на малите и средните претпријатија и на претприемништвото. 6. Рударство – краткорочни, среднорочни и долгорочни плански документи, а кои се однесуваат на дефинирање на: геолошки истражувања и експлоатација на минерални суровини. „Службен весник на РМ“ бр. 153 од 20.12.2007 година 3 од 5 7. Транспорт – краткорочни, среднорочни и долгорочни плански документи кои се однесуваат на дефинирање на: развојот и унапредувањето на патниот, железничкиот, водениот и авио транспортот, условите и начинот на изградбата, реконструкцијата, одржувањето, заштитата, користењето, управувањето, финансирањето на јавните патишта, среднорочни и годишни програми за изградба, реконструкција и одржување на патиштата, издавање под концесија на патна инфраструктура, одржување на патиштата на раскрсниците и вкрстувањата; регулирање на приклучоците на патиштата; обезбедување на минимална безбедност на тунелите, организацијата на железничкиот систем; вршење на железничкиот превоз, управување, изградба, реконструкција, ремонт, одржување и заштита на железничката инфраструктура, давање под концесија за изградба на нова или управување со цела или со дел од железничката инфраструктура, финансирањето на железничката инфраструктура, условите и начинот на користењето, одржувањето, обележувањето и заштитата на пловните патишта, пристаништа, зимовници, сидришта и капалишта, безбедноста на внатрешната пловидба, спасувањето и вадењето потонати предмети, воздухопловна политика, концесии во областа на воздухопловството, испитување на воздухопловни несреќи и сериозни инциденти сигурноста, безбедноста, управувањето со воздушниот сообраќај, социјалната сфера и заштитата на животната средина во управувањето со воздушниот сообраќај. 8. Регионалниот развој – краткорочни, среднорочни и долгорочни плански документи кои се однесуваат на дефинирање на: рамномерен регионален развој, поттикнување на развојот на стопански недоволно развиените подрачја, критериумите врз кои ќе се утврдат населените места принципи на политиката на регионален развој, анализа на економската и социјалната состојба на ниво на статистички региони, концепт за развој, приоритети и стратешки цели на регионалниот развој, институции и механизми за имплементација, мониторинг и евалуација планирањето на регионалниот развој и планските документи, поттикнувачки инструменти за регионален развој. 9. Телекомуникации – краткорочни, среднорочни и долгорочни плански документи, а кои се однесуваат на дефинирање на: развој на електронските комуникации и информатичките технологии, создавање услови за потполна либерализација во електронските комуникации, а посебно во делот за изградба на инфраструктурата, пристап и интерконекција со јавни комуникациски мрежи на други оператори и даватели на јавни комуникациски услуги, идентификување на потребите на населението со утврдување на приоритетите за обезбедување на универзална услуга, развојот на конкуренцијата во областа на електронските комуникации и информатичкото општество и зголемувањето на достапноста и користењето на електронските комуникации и информатичките технологии, заштита на нарушување или ограничување на конкуренцијата во областа на електронските комуникации, стимулирање на ефикасно инвестирање во изградбата на инфраструктурата и поддршка на иновации, „Службен весник на РМ“ бр. 153 од 20.12.2007 година 4 од 5 ефикасно користење на радиофреквенциите и нумеричкиот простор како ограничен природен ресурс, и овозможување во слични околности да нема дискриминација во третманот на операторите на електронски комуникациски мрежи и давателите на електронски комуникациски услуги, стратешките насоки, активности и цели за создавање на амбиент за поддршка на дигиталната конвергенција помеѓу инфо-комуникациските технологии и електронските медиуми, како услов за развој на информатичкото општество. 10. Управувањето со отпадот – краткорочни, среднорочни и долгорочни плански документи кои се однесуваат на дефинирање на: управувањето со отпадот на ниво на Република Македонија, општините, на град Скопје и општините во град Скопје, спречување/намалување на создавањето на отпад, минимизирање на користењето на ресурсите и намалување на количините и/или опасните карактеристики на создаден отпад, повторно користење – повторно користење на производи или добра за истата или различни намени/цели, рециклирање – повторна обработка на отпадните материјали кои ќе се користат како влезна суровина во производството на истиот или различен производ, понатамошно враќање на отпадот во производните циклуси – добивање на вредност од отпадот преку компостирање, повторно искористување за енергија и други технологии, депонирање – доколку не постои друго соодветно решение, одлагање со депонирање или согорување (инсинерација) без или со повторно искористување на енергијата. 11. Управувањето со водите – краткорочни, среднорочни и долгорочни плански документи кои се однесуваат на дефинирање на: управувањето, третманот, заштитата на водите и речните сливови, планови за заштита од поплави, начинот на употреба и користење на водите, заштитата од штетни дејства на водите, заштита на водите од исцрпување и загадување, изворите, условите и начинот на финансирање на водостопанските дејности, услови и начини на вршење на водостопанските дејности, давање на водата на користење со одобрение (концесија), меѓудржавните води и други прашања од значење за обезбедувањето на единствен режим на водите, интегриран пристап при регулирањето на управувањето со водите, рационално и ефикасно користење на водите, одржливиот развој на водните ресурси, заштита на водите и заштита од штетно дејство на водите. 12. Туризам – краткорочни, среднорочни и долгорочни плански документи кои се однесуваат на развојот на туризмот генерално како и на развојот на еко-туризмот и на други видови на туризам. 13. Планирање на просторот и користење на земјиштето – плански документи кои се однесуваат на просторно и урбанистичко планирање на територијата на Р Македонија, општините, градот Скопје и општините во градот Скопје. 14. Националниот акционен план за животната средина и на локалните акциони планови за животната средина. 15. Сите плански документи со кои се планира изведување на проекти за кои се врши оцена на влијанието од проектот врз животната средина. 16. Плански документи за спасување и заштита од несреќи. 17. Плански документи за управување со генетски модифицирани организми. 18. Плански документи за управување со заштитените подрачја. „Службен весник на РМ“ бр. 153 од 20.12.2007 година 5 од 5 19. Плански документи што не се директно поврзани или неопходни за управување со еколошки значајни подрачја, но за кој постои веројатност дека ќе имаат значителен ефект врз истото, индивидуално или во комбинација со другите планови или проекти, ќе биде предмет на соодветно оценување на неговите импликации за подрачјето во однос на постигнување на целите за зачувувањето на подрачјето. 20. Други плански документи чие донесување е предвидено согласно закон, а се однесуваат на горенаведените области. Член 4 Оваа уредба влегува во сила осмиот ден од денот на објавувањето во „Службен весник на Република Македонија“. Бр. 19-7132/1 Заменик на претседателот 20 ноември 2007 година на Владата на Република Скопје Македонија, м-р Зоран Ставрески, с.р.