Decree implementing measures of protection and rescue from technical-technological accidents

Службен весник на РМ, бр. 100 од 23.07.2010 година 1 од 5 20101001866 ВЛАДА НА РЕПУБЛИКА МАКЕДОНИЈА Врз основа на член 50 став 3 од Законот за заштита и спасување („Службен весник на Република Македонија“ бр. 36/04, 49/04 и 86/08), Владата на Република Македонија, на седницата одржана на 13.07.2010 година, донесе УРЕДБА ЗА СПРОВЕДУВАЊЕ НА МЕРКATA ЗАШТИТА И СПАСУВАЊЕ ОД ТЕХНИЧКО-ТЕХНОЛОШКИ НЕСРЕЌИ I. ОПШТИ ОДРЕДБИ Член 1 Со оваа уредба се пропишува спроведувањето на мерката заштита и спасување од техничко-технолошки несреќи која се остварува во системот за заштита и спасување. Планирањето и подготвувањето на активностите за спроведување на заштита и спасување од техничко-технолошки несреќи се врши од страна на органите на државната управа, органите на единиците на локалната самоуправа, јавните претпријатија, установи, служби и трговските друштва, (во натамошниот текст: задолжени субјекти). Член 2 Техничко-технолошките несреќи претставуваат настани кои се случуваат како резултат на превиди и грешки во извршувањето на секојдневните стопански и други активности, невнимание при ракување, складирање, чување, и транспорт на опасни материи, превиди, грешки и дефекти во технолошкиот процес, непочитување на прописи за употреба на постројки и инсталации кои предизвикуваат висок степен на загрозеност на луѓето и материјалните добра. Оваа мерка опфаќа заштита на луѓето кои се директно инволвирани во процесот (за настани од поголеми размери) и луѓето, материјалните добра и животната средина во околината на настанот. Настаните од став 2 на овој член се случуваат пред се во: Рафинерии за нафта, Термо-електрични централи, Инсталации за топење на железо, челик лиење, производство на сурови обоени метали од руда, концентрати и секундарни суровини со металуршки, хемиски или електролитски процес (валалници, ковачници, нанесување на заштитни слоеви, леарници, легирање, површинска обработка на метали), печење и синтерување на метални руди, Интегрирани хемиски инсталации, односно инсталации за производство, од индустриски обем на материи со користење на процесите на хемиската конверзија, во коишто неколку единици се поставени една до друга и се функционално поврзани една со друга, Инсталации за депонирање на отпад, горење, согорување и физички и хемиски третман, Системи за пренос на води и меѓуречните сливови, Пречистителни станици за отпадни води, Инсталации (цевководи) за пренос на гас, нафта или хемикалии, Инсталации за интензивно живинарство и свињарство, Индустриски постројки за производство на дрвена граѓа, хартија, картон, Каменоломи и површински ископи, Службен весник на РМ, бр. 100 од 23.07.2010 година 2 од 5 Поставување на далноводи и други електроенергетски објекти, Индустриски инсталации за производство на електрична енергија, пареа и топла вода, Инсталации за производство на цемент, Експлоатација на минерални суровини (јамски рудници, минерални суровини од коритата и бреговите на површинските водни тела, длабоки дупчења, површински индустриски инсталации за експлоатација на јаглен и руда како и битуменозни шкрилци, Индустрија на минерали (печки за кокс, производство на бетон и бетонски производи, инсталации за екстракција на азбест и за трансформација на азбест и производи што содржат азбест, производство на стакло и стаклени влакна, инсталации за топење на минерални материи, керамички производи, камена волна и порцелан), Хемиска индустрија (преработка на меѓупроизводи и производство на хемикалии, пестициди, фармацевтски производи, бои, премачкувачи, еластомери и пероксиди, мегавински објекти за нафта, нафтени деривати, петрохемиски и хемиски производи), Постројки за производство на барути, експлозивни материи и муниција, Прехранбена индустрија (производство, пакување, конзервирање, кланици, шеќерани и сл.) и Индустрија на гума (производство и обработка на производите на база на еластомер). II. ПЛАНИРАЊЕ И ПОДГОТВУВАЊЕ НА ЗАШТИТА И СПАСУВАЊЕ ОД ТЕХНИЧКО-ТЕХНОЛОШКИ НЕСРЕЌИ Член 3 Заштитата и спасувањето од техничко-технолошки несреќи во индустриски објекти кои во производниот процес употребуваат материи и постројки што предизвикуваат висок степен на загрозеност на луѓето, материјалните добра и животната средина опфаќа планирање и подготвување на активности за спроведување на заштитата и спасувањето на населението, материјалните добра и животна средина од техничко-технолошки несреќи. a) Планирање на заштитата и спасувањето од техничко-технолошки несреќи Член 4 Планирањето на заштитата и спасувањето од техничко-технолошки несреќи опфаќа процена на можните загрозувања на населението, материјалните добра и животната средина од техничко-технолошки несреќи предизвикани од различни причини и во различни услови во индустриски објекти кои во производниот процес употребуваат материи и постројки што предизвикуваат висок степен на загрозеност, утврдување на потребна организација за спроведување на заштита и спасување од техничко технолошките несреќи и пропишување на стандардна оперативна процедура за спроведување на истата. Член 5 Потребната организација за спроведување на заштита и спасување од техничко технолошки несреќи, се утврдува во плановите за заштита и спасување. При утврдување на потребната организација за спроведување на заштитата и спасувањето од техничко-технолошките несреќи детално се разработуваат задачите, улогите, функциите, овластувањата и надлежностите на сите задолжени субјекти вклучени во заштита и спасување од техничко-технолошките несреќи како и задачите, јачината и видот на силите за заштита и спасување кои ќе учествуваат во спроведување на заштита и спасување од техничко-технолошките несреќи. Службен весник на РМ, бр. 100 од 23.07.2010 година 3 од 5 Член 6 Активностите и постапките учесниците во организираното спроведување на заштитата и спасувањето од техничко-технолошки несреќи ги преземаат согласно стандардните оперативни процедури донесени од страна на директорот на Дирекцијата за заштита и спасување. б) Подготвување на активности за спроведување на заштитата и спасувањето од техничко технолошките несреќи Член 7 Подготвувањето на активности за спроведување на заштита и спасување од техничко технолошките несреќи опфаќа организациски и оперативни мерки и постапки со кои се обезбедуваат потребни предуслови за спроведување на планираните активности за заштита и спасување од техничко-технолошките несреќи. За реализација на активностите од став 1 на овој член задолжените субјекти во рамките на развојното и оперативно планирање предвидуваат: персонално пополнување на силите за заштита и спасување кои ќе учествуваат во спроведување на мерката; обезбедување на материјални ресурси за потребите на заштитата и спасувањето од техничко-технолошки несреќи, проверка, тековно одржување и сервисирање на обезбедените материјални ресурси, едукација, обука, тренинг и вежби и склучување на потребни договори за извршување на одредени задачи и активности. Член 8 Во подготвување на активностите за спроведување на заштитата и спасувањето од техничко-технолошки несреќи, задолжените субјекти од член 1 став 2 од оваа уредба ги спроведуваат планираните активности од член 5 став 2 од оваа уредба согласно планските документи и стандардната оперативна процедура. III. СПРОВЕДУВАЊЕ НА ЗАШТИТА И СПАСУВАЊЕ ОД ТЕХНИЧКО ТЕХНОЛОШКИ НЕСРЕЌИ Член 9 Во спроведувањето на заштита и спасување од техничко-технолошки несреќи задолжените субјекти и силите за заштита и спасување ги исполнуваат задачите и должностите кои им се утврдени во плановите за заштита и спасување, а според пропишаната стандардна оперативна процедура. Член 10 Спроведувањето на заштитата и спасувањето од техничко-технолошки несреќи опфаќа активности во функција на превенција и оперативни функции. a) Активности во функција на превенција Член 11 Во функција на превенција задолжените субјекти за спроведување на заштитата и спасувањето од техничко-технолошки несреќи, ја воспоставуваат потребната организација од член 5 од оваа уредба. Службен весник на РМ, бр. 100 од 23.07.2010 година 4 од 5 Во рамките на активностите од став 1 на овој член, задолжените субјекти ги обезбедуваат потребните персонални и материјални ресурси за функционирање на воспоставената организација, спроведуваат едукација, обука и вежби со персоналот на задолжените субјекти и силите за заштита и спасување, почитуваат и ги спроведуваат техничките прописи, норми и процедурите за користење на постројките, инсталациите и опремата, ги одржуваат и сервисираат материјалните средства наменети за заштитата и спасувањето од техничко-технолошки несреќи и ги склучуваат потребните договори утврдени со закон. б) Оперативни функции Член 12 Од страна на задолжените субјекти за спроведување на заштитата и спасувањето од техничко-технолошки несреќи во рамките на оперативните функции се спроведуваат активности и мерки во случај на непосредна опасност, за време на траење на опасноста и во отстранување на последиците. б-1) Активности и мерки во случај на непосредна опасност Член 13 Кога надлежен орган ќе утврди и извести за постоење на можност за настанување на потенцијална опасност од техничко-технолошки несреќи, надлежните и одговорните лица во задолжените субјекти ја зголемуваат готовноста за спроведување на заштитата и спасувањето овие несреќи. Во рамките на активностите од став 1 на овој член се активираат надлежните и одговорни лица за спроведување на заштитата и спасувањето од техничко-технолошки несреќи и се задолжуваат да преземат организациски, стручни, безбедносни и други мерки заради зголемување на подготвеноста за споредувањето на истата. б-2) Активности и мерки за време на траење на опасноста Член 14 За време на траење на опасноста, задолжените субјекти за спроведување на заштитата и спасувањето од техничко-технолошки несреќи ги спроведуваат следните активности и мерки: ги насочуваат и координираат самозаштитните активности; учествуваат во спроведувањето на заштитата и спасувањето од техничко-технолошки несреќи со силите за заштита и спасување и раководат и ги координираат активностите во спроведување на заштитата и спасувањето од техничко-технолошки несреќи. Член 15 Во спроведувањето на заштитата и спасувањето од техничко-технолошки несреќи, силите за заштита и спасување првенствено се употребуваат за преземање на мерки, активности и постапки заради отстранување на причинителите на техничко-технолошки несреќи и намалување на последиците предизвикани од истите кај населението, материјалните добра и животната средина. Службен весник на РМ, бр. 100 од 23.07.2010 година 5 од 5 б-3) Активности и мерки во отстранување на последиците Член 16 Во отстранувањето на последиците, задолжените субјекти и силите за заштита и спасување кои учествуваат во спроведување на заштитата и спасувањето од техничко технолошки несреќи превземаат мерки и активности за санирање на состојбата и намалување на настанатите загуби и штети кај населението, материјалните добра и животната средина. Член 17 Раководниот персонал во задолжените субјекти и командниот персонал на силите за заштита и спасување, на основа на водената евиденција за активностите во спроведување на активностите во заштитата и спасувањето од техничко-технолошки несреќи најдоцна четири часа по завршувањето на активностите, го анализираат своето учество во спроведувањето на заштита и спасување од техничко-технолошки несреќи. Извештајот за извршената анализа и евиденцијата за употребата на службите и силите за заштита и спасување во случај на непосредна опасност, за време на траење на опасноста и во отстранување на последиците од страна на раководниот персонал во задолжените субјекти се доставува до Дирекцијата за заштита и спасување најдоцна два дена по завршувањето на активностите. IV. ПРЕОДНА И ЗАВРШНА ОДРЕДБА Член 19 Оваа уредба влегува во сила наредниот ден од денот на објавувањето во ,,Службен весник на Република Македонија“. Бр.51-3019/1 Заменик на претседателот 13 јули 2010 година на Владата на Република Скопје Македонија, м-р Владимир Пешевски, с.р.