Regulation No. 50 on the hunting and protection of reindeer

Allaf�ssornikkut najoqqutassiat Nr. 50 3. juuli 2025 Atuuttut Tuttut piniagaanerat illersugaanerallu pillugit Namminersorlutik Oqartussat nalunaarutaat Piniarneq aallaaniarnerlu pillugit Inatsisartut inatsisaanni nr. 34-mi, 13. juuni 2023-meersumi kingornalu allannguummi, § 2, imm. 3, § 4, imm. 2, § 13, imm. 6, § 15, imm. 1 aamma imm. 2, § 16, imm. 4, § 19, § 20, imm. 1, § 21, § 22, imm. 8, § 23, imm. 4, § 25, imm. 1, 2. pkt., imm. 5 aamma 7, § 26, imm. 1-4, § 28, § 29, imm. 1, aamma § 39 kiisalu qimmeqarneq qitsuuteqarnerlu pillugit Inatsisartut inatsisaanni nr. 18-imi, 30. oktober 1998-imeersumi § 3, imm. 2, naapertorlugit aalajangersarneqarpoq: Kapitali 1 Atuuf�k aamma nassuiaatit Atuuf�k § 1. Nalunaarut manna Kalaallit Nunaanni tuttut nujuartat (Rangifer tarandus) piniarneqarnissaannut illersorneqarnissaannullu atuuppoq. Nassuiaatit § 2. Nalunaarummi matumani uku imatut paasineqassapput: 1) ”Tuttut”: tuttut aqutsiveqar�nni pineqartuni aallaqqaataanit pisut, tuttut Peary-t kiisalu tuttut ukiumik 1-mik sinnilimmik utoqqaassusillit nalunaaqutserneqanngitsut nunaminertaniit nujuitsunut tuttuuteqar�nniit aninikut. 2) ”Aqutsiveqar�it”: Kalaallit Nunaanni nunap immikkoortuinut kommuneqar�nnullu aggorneqarnera pillugu Inatsisartut inatsisaanni § 2 naapertorlugu kommunit killeqar�i. 3) ”Assartuutit motoorillit”: assartuutit motoorillit suulluunniit nunakkut sikukkullu tuttunik piniarnermut atatillugu atorneqartartut imaluunniit piniar�mmut piniar�mmiilluunniit assartuutitut atorneqartartut. 4) ”Akiliuteqarluni piniarneq”: Akiliuteqarluni tuttunniarneq akiliuteqartitsinikkut aallaaniarnermik aaqqissuussisartumit akuerisaasumit aaqqissorneqartoq. Kapitali 2 Eqqissisimatitsineq § 3. Tuttut Kalaallit Nunaani tamani eqqissisimatitaapput, taamaattorli §§-ni 4-mi, 6-mi aamma 8-mi pineqartut pineqanngillat. Imm. 2. Tuttut piaqqior�up nalaani pif�ssami 1. maaji-miit 31. maaji ilanngullugu ujartornissaat akornusersornissaallu inerteqqutaavoq. Imm. 3. Uumassusilerinermik siunnersuineq aamma piniartut atuisullu ilisimasaat tunngavigalugu Naalakkersuisoq piniarnermut akisussaasuusoq nunaminertanik pif�ssanillu tuttunut mianerisassanik suliaqar�usunillu killilersimaar�gineqar�usussanik toqqaasinnaavoq. Kapitali 3 Pisassiissutinik, pif�ssaliussanik piniar�usussanik aamma piniar�ssanik aalajangersaaneq Pisassiissutinik aalajangersaaneq agguaassisarnerlu § 4. Uumassusilerinermik siunnersuisoqareernerup kingorna aamma piniartut atuisullu ilisimasaat tunngavigalugit Naalakkersuisoq piniarnermut akisussaasuusoq tuttoqatigiinnut ataasiakkaanut tuttunik piniarnissamut pisassiissutinik aalajangersaassaaq. Imm. 2. Pisassiissutit, imm. 1 takuuk, uumassusilerinermik tunngaveqartumik, piniarnikkut eqqarsaatigisassat pillugit imaluunniit tuttoqatigiit eqqarsaatigalugit, tassunga ilanngullugit silap pissusianut tunngassuteqartut kinguneri, tuttunut utoqqaassutsimikkut, suiaassutsimikkut aamma piniariaatsinut kulturimut tunngassuteqartunut aalajangersimasunut immikkoortinneqarlutik, soorlu assersuutigalugu qimussimik tuttunniarnermut, aalajangersarneqarsinnaapput. Imm. 3. Tuttoqatigiinnut uumassusilerinermik siunnersuisoqanngippat pisassiissutit Naalakkersuisoq piniarnermut akisussaasuusumit mianersornissaq tunngavigalugu aalajangersarneqassapput. Imm. 4. Naalakkersuisoq piniarnermut akisussaasuusoq pisassiissutinik imm. 1 malillugu aalajangersarneqartunik aqutsiveqar�nnut agguaassissaaq. Imm. 5. Piniarneq pillugu Siunnersuisoqatigiinni ilaasortat aamma inuussutissarsiutigalugu piniartut kattuf�i/peqatigiif�i suliamut attuumassuteqartut pisassiissutinik aalajangersaasoqannginnerani tusarniarneqassapput, soorluttaaq tamanut ammasumik tusarniaasoqassasoq. Imm. 6. Tuttunik nunap immikkoortuata ataatsip killeqar�ata iluani pisassiissutit atunngitsuukkat pisassiissutinut tamarmiusunut nunap immikkoortuani pineqartumi ukiup pisassiif�usup tullianut nuunneqarsinnaapput. Aqutsiveqar�kkaartumik aamma nuussisoqarsinnaavoq. Pisassiissutinik tamakkerneqanngitsoortunik periuseq tassaavoq ukiumiit ukiumut amerliartuutaanngitsumik nuussineq. Kommunalbestyrelsip pisassiissutinik agguaanera § 5. Kommunalbestyrelsip § 4, imm. 4, malillugu pisassiissutit agguaanneqartut aqutsiveqar�nni ataasiakkaani illoqar�nnut aamma inoqar�nnut agguarsinnaavai, taamaattoq imm. 2 takuuk. Imm. 2. Pisassiissutinik agguaassineq sioqqullugu aqutsiveqar�nni inuussutissarsiutigalugu piniartut kattuf�isa / peqatigiif�isa tusarniarneri kommunalbestyrelsip ingerlattassavai, soorluttaaq aqutsiveqar�nnut tamanut ammasumik tusarniaaneq ingerlattassallugu. Imm. 3. Kommunalbestyreslip imm. 1 malillugu pisassiissutinik agguaassinermi angusat inerneri pillugit Piniarnermut Naalakkersuisoqar�mmut pisassiissutinik agguaassinerup kingorna kingusinnerpaamik sapaatip akunnera 1-mik qaangiunnerani allakkatigut nalunaaruteqassaaq. Pif�ssaliussanik piniar�usussanik aalajangersaaneq § 6. Uumassusilerinermik siunnersuuteqareernerup kingorna kiisalu piniartut atuisullu ilisimasaat tunngavigalugit Naalakkersuisoq piniarnermut akisussaasuusoq killilersukkamik tuttunniarnissamut aamma akiliuteqarluni tuttunniarnissamut pif�ssaliussanik aalajangersaassaaq. Imm. 2. Imm. 1-imi tuttunniarnissamut pif�ssaliussat 1. aggusti-miit 30. apriili-mut pif�ssap iluani taamaallaat aalajangersaaf�gineqarsinnaapput. Imm. 3. Piniarneq pillugu Siunnersuisoqatigiinni ilaasortat aamma inuussutissarsiutigalugu kattuf�it/peqatigiif�it pif�ssaliussanik piniar�usussanik aalajangersaasoqannginnerani tusarniarneqassapput. Kommunalbestyrelsip piniarnissamut pif�ssaliussanik aalajangersaanera § 7. Kommunalbestyrelsi § 6, imm. 1, malillugu tuttunniarnissamut pif�ssaliussat aalajangersarneqartunut sinaakkutit iluanni tuttoqatigiit ataasiakkaanut aqutsiveqar�it ataasiakkaat iluani tuttunniarnissamut pif�ssaliussanik aalajangersaasinnaavoq, taamaattoq imm. 2 takuuk. Imm. 2. Kommunalbestyrelsip imm. 1 malillugu tuttoqatigiinnut ataasiakkaanut tuttunniarnissamut pif�ssaliussanik aalajangersaasoqannginnerani aqutsiveqar�mmi inuussutissarsiutigalugu piniartut kattuf�i/peqatigiif�i tusarniartassavai, soorluttaaq tamanut ammasumik tusarniaaneq ingerlattassallugu. Imm. 3. Kommunalbestyrelsi tuttunniarnissamut pif�ssaliussat aalajangersarneqartut pillugit Piniarnermut Naalakkersuisoqar�mmut aalajangersaanerup kingorna kingusinnerpaamik sapaatip akunnerata 1-p qaangiunnerani allakkatigut nalunaaruteqassaaq. Piniar�ssanik aalajangersaaneq § 8. Uumassusilerinermik siunnersuuteqareernerup kingorna kiisalu piniartut atuisullu ilisimasaat tunngavigalugit Naalakkersuisoq piniarnermut akisussaasuusoq killilersukkamik tuttunniarnissamut piniar�ssanik aalajangersaassaaq. Imm. 2. Piniarneq pillugu Siunnersuisoqatigiinni ilaasortat aamma inuussutissarsiutigalugu piniartut kattuf�i/peqatigiif�i piniar�ssanik aalajangersaasoqannginnerani tamanut ammasumik tusarniarneqassapput. Kommunalbestyrelsip piniar�ssanik aalajangersaanera § 9. Kommunalbestyrelsip piniar�it § 8, imm. 1, malillugu aalajangersarneqartut killilersinnaavai, taamaattoq imm. 2 takuuk. Imm. 2. Kommunalbestyrelsip imm. 1 naapertorlugu piniar�ssanik aalajangersaannginnerani aqutsiveqar�mmi pineqartumi inuussutissarsiutigalugu piniartut kattuf�i/peqatigiif�i tusarniartassavai, soorluttaaq tamanut ammasumik tusarniaaneq ingerlattassallugu. Imm. 3. Kommunalbestyrelsi piniar�ssat imm. 1 malillugu aalajangersarneqartut pillugit Piniarnermut Naalakkersuisoqar�mmut aalajangersaanerup kingorna kingusinnerpaamik sapaatip akunnera 1-p qaangiunnerani allakkatigut nalunaaruteqassaaq. Kapitali 4 Killilikkanut tuttunniarnissamut akuersissutinik agguaassineq Killilikkanut tuttunniarnissamut akuersissutinik tunniussineq § 10. Killilikkanut piniarnissamut akuersissutinik tunniussineq inuussutissarsiutigalugu piniartunut ataasiakkaanut taamatullu sunngif�mmi piniartunut ataasiakkaanut qinnuteqartitsinikkut pissaaq. Imm. 2. Piniarnermut Naalakkersuisoqar�up inunnut aqutsiveqar�nni allani najugaqartunut akuersissutit amerlassusaat killilersinnaavaa. § 11. Kommunalbestyrelsi, §§ 4, 6 aamma 8 malillugit pisassiissutit, piniar�it aamma piniarnissamut pif�ssaliussat iluanni, qinnuteqartunut atuuttumik piniarsinnaanermut allagartalinnut aamma aqutsiveqar�mmi inuit allattorsimaf�anni najugalittut nalunaarsorsimasunut akuersissutinik agguaassisinnaavoq tunniussisinnaallunilu. Imm. 2. Akuersissut qinnuteqartunut ukiup siuliani § 29, imm. 1, malillugu pisanik nalunaaruteqarsimasunut tunniunneqarsinnaavoq aamma qinnuteqartunut nutaanut imm. 1-mi aamma imm. 4-mi piumasaqaatinik naammassinnittunut tunniunneqarsinnaalluni. Imm. 3. Naak imm. 1-imi aalajangersagaqaraluartoq, Piniarnermut Naalakkersuisoqar�up inunnut aqutsiveqar�nni allani najugaqartunut aqutsiveqar�mmi piniarsinnaanissaat akuersissutigisinnaavaa, tamannalu aqutsiveqar�mmi pineqartumi killilerneqanngitsumik tuttunniarnissamut pisassiisoqartillugu aatsaat pisinnaalluni. Imm. 4. Qinnuteqartut pif�ssami qinnuteqar�usumi 15-inik ukioqalereersimassapput piniarnermullu allagartartik § 14, imm. 4-mi, pif�ssarititaasup iluani akilereersimassallugu. Makitsinikkut akuersissutinik agguaassineq § 12. Aqutsiveqar�mmi imaluunniit kommunimi qinnuteqartut akuersissutinit tunniunneqarsinnaasunit amerlaneruppata, agguaassineq makitsinikkut pissaaq. Imm. 2. Akuersissutit sinneruttut aammattaaq makitsinikkut agguaanneqassapput. Imm. 3. Makitsinermut atatillugu kommuni qinnuteqartut akuersissutinik tunineqanngitsunut utaqqisut allattorsimaf�annik pilersitsissaaq. Utaqqisut allattorsimaf�at akuersissutinik kingusinnerusukkut agguaassisoqaqqissappat atorneqassaaq, § 13, imm. 2, takuuk. Imm. 4. Makitsineq tamanut ammasumik ingerlanneqassaaq. Kommunalbestyrelsi makitsinissaq kingusinnerpaamik ullorsiutit malillugit ullunik ar�neq-marlunnik sioqqutsilluni, makitsinermut pif�ssaq sumiinnissaalu tamanut nalunaarutigissavaa. Imm. 5. Aqutsiveqar�nni isorartuuni, piniar�ssamut 100 kilometerit sinnerlugit immakkut nunakkulluunniit ingerlaar�usariaqartut, piniartunut ataasiakkaanut tuttunniarneq imminut akilersinnaasunngortinniarlugu akuersissutinik arlalinnik tunniussisoqarsinnaavoq. § 13. Kommuni pineqartoq akuersissutit tunniunneqartut qaqugu aaneqareersimanissaannik pif�ssarititaasumik aalajangiissaaq. Inuit akuersissummik tunineqarsimasut akuersissummilli atuisinnaanngitsut imaluunniit atuinianngitsut piaarnerpaamik akuersissut atorneqanngitsoq kommunimut utertissavaat. Imm. 2. Akuersissutit aaneqanngitsut utertinneqarsimasullu kommunalbestyrelsemit ulloq aalajangersarneqartoq kingorna agguaateqqinneqassapput. Agguaasseqqinneq akuersissutinik utaqqisut allattorsimaf�at tamanut ammasoq naapertorlugu pissaaq, § 12, imm. 3 takuuk, akuersissutinillu utertitsisoqareernerup kingorna piaarnerpaamik pissalluni. Kapitali 5 Killilikkamik piniarnissamut, tunisinissamut tuniniaanissamullu piumasaqaatit Killilikkamik tuttunniarnissamut piumasaqaatit § 14. Inuit § 10 malillugu akuersissummik aamma piniarnermut atuuttumik allagartaqartut kisimik tuttunniaqqusaapput. Imm. 2. Akuersissut inummut atiatigut taasamut taamaallaat atuuppoq allanullu tunniunneqaraniluunniit tunineqaqqusaanani. Imm. 3. Akuersissummi qassinik, piniarnissamut pif�ssaliussami sorlermi, piniar�mmi sorlermi kiisalu tuttut sorlernik piniartoqaqqusaanersoq allassimavoq. Imm. 4. Piniarnermut allagartaq ukiumi pineqartumi iluani 1. maaji sioqqullugu akilerneqareersimassaaq, taamaattoq § 34 takuuk. Tunitsivimmut tunisineq nalinginnaasumillu tunisineq § 15. Inuussutissarsiutigalugu tuttunniarsinnaanermut akuersissummi piumasarineqarsinnaavoq tuttumik ilivitsumik ilaanilluunniit neqaarniar�mmut imaluunniit tunitsivimmut tunisinermi neqaarniar�mmut imaluunniit tunitsivimmut uumasut nakorsaqar�aniit akuerineqarsimasumut tunisisoqassasoq imaluunniit inuussutissarsiutigalugu piniartoq tunisinissamut akuersissummik attuuttumik peqassasoq. Imm. 2. ”Kalaalimineerniar�nni” tuttunik tunisineq aamma tuniniaaneq taamaallaat pif�ssaliussani piniar�usuni aamma pif�ssaliussap piniar�usup qaangiunneranit ullorsiutit malillugit sivisunerpaamik ulluni pingasuni akuerisaavoq. Kapitali 6 Piniariaatsit aamma piniarnermi ileqqorissaarneq Inuussutissarsiutigalugu aamma sunngif�mmi qoorortuumik piniarneq § 16. Inuussutissarsiutigalugu aamma sunngif�mmi tuttunniarnermi taamaallaat qoorortooq ataatsimik sullulik patruuninillu ataasiakkaanik immertartoq atoqqusaavoq, imm. 2-3 takukkit, taamaattoq § 17 takuuk. Imm. 2. Qoorortuumik tuttunniarnermi sulloqqortussutsit akuerisaasut minnerpaaf�at .222 Rem-iuvoq. Qoorortuup imassaa qanoq ittuussanersoq nammineq toqqarneqarsinnaavoq. Imm. 3. Qoorortooq sunaluunniit tuttunniarnermut atorneqartoq nakersarneqarsimassaaq paarilluagaallunilu. Inuussutissarsiutigalugu aamma sunngif�mmi pisissimik piniarneq § 17. Inuussutissarsiutigalugu aamma sunngif�mmi tuttunniarnermi pisisseq inunnit Piniarnermut Naalakkersuisoqar�mmit akuerisaasunit atoqqusaavoq. Pisissimik piniarnermut Danmarkimi imaluunniit nunami allami assingusumi misilitsinnermi angusaqarnermit takussutissartaqartillugu Piniarnermut Naalakkersuisoqar�k akuersissummik tunniussisinnaavoq. Imm. 2. Pisisseq atorlugu inuussutissarsiutigalugu aamma sunngif�mmi tuttunniarnermi piumasaqaatit tullinnguuttut naammassineqareersimassapput: 1) Pisisseq Compound-iussaaq (katitigaq / nutaaliaasoq) aaqqinneqarsinnaasumik umer�lik / nalunaaqutalik. Qarsut naqqui aalajangersimasut atorneqartillugit nusutsisinnaassusaa minnerpaamik 45 pund-iussaaq (21 kg.), qarsullu naqqui mekanisk-iusut atorneqartillugit nusutsisinnaassusaa minnerpaamik 55 pund-iussalluni (25 kg.). 2) Qarsut aalajangersimasumik naqqullit minnerpaamik 385 grains-inik (25 gr.-inik) oqimaassuseqassapput, qarsullu mekanisk-iusumik naqqullit minnerpaamik 425 grains-inik (28 gr.-inik) oqimaassuseqassallutik. 3) Qarsut aalajangersimasumik imaluunniit mekanisk-iusumik naqqoqassapput. Piniarnermi ileqqorissaarneq § 18. Piniarnermi tuttup pisarineqartup nerineqarsinnaasortai tamarmik nassarneqassapput. Imm. 2. Piniarnermit pisap nerineqarsinnaanngitsortai pisaqar�up qimalernerani nassarneqassapput imaluunniit tupeqar�it, illuaraqar�it imaluunniit piniarnermik ingerlatat allat ingerlanneqarnissaat akornusernagit inissinneqassallutik. Tuttumik pissatamik toqutsineq § 19. Tuttumik piniartup pisussaaf�gaa tuttup eqqorneqarnermi kinguninnguagut toqusimanera nalornisiginagu qulakkiissallugu. Imm. 2. Tuttunniarnerup nalaani tuttumik pissaasup uumasoq piaarnerpaamik toqussavaa. Imm. 3. Tuttu pissanneqartoq nanineqarnanilu toqunneqanngippat, piniartoq piniarnerup naammassineqarnerata kinguninnguatigut Piniarnermut Naalakkersuisoqar�mmut imaluunniit piniarnermut nakkutilliisumut qaninnerpaamut pissutsit piviusut pillugit ilisimatitsissaaq. § 20. Inuk tuttunniarnermut pif�ssap ingerlanerani tuttumik pissanneqarsimasumik takunnittup, piaarnerpaamik naalliutsitsinnginnerpaamillu tuttu toqussavaa. Tuttu nerineqarsinnaasutut nalilerneqarpat, tuttu tuttumik toqutsisup pissavaa. Imm. 2. Pif�ssap piniar�usup avataani toqutsineq pisimappat tuttu toqutaq nikisinnagu qimanneqassaaq. Imm. 3. Tuttu toqungasoq siumorneqartoq nikisinnagu qimanneqassaaq. Imm. 4. Takunnittup pisussaaf�gaa qanoq pisoqarnera, imm. 1-3 takukkit, piniariareernerup kingorna ullorsiutit malillugit kingusinnerpaamik ullut pingasut qaangiutsinnagit Piniarnermut Naalakkersuisoqar�mmut imaluunniit piniarnermut nakkutilliisumut nalunaarutigissallugu. Kapitali 7 Akiliuteqarluni aallaaniarnermut immikkut piumasaqaatit pisanillu nalunaaruteqartarneq Akiliuteqarluni piniarnermut immikkut piumasaqaatit § 21. Naalakkersuisoq piniarnermut akisussaasuusoq inuussutissarsiutigalugu aamma sunngif�mmi piniarnerup kiisalu akiliuteqarluni aallaaniarnerup akornanni pisassiissutinik agguaassinermik aalajangersaassaaq. Imm. 2. Akiliuteqarluni aallaaniarnermut pisassiissutit tuttunniarnissamut pisassiissutinit tamarmiusumit ilanngaatigineqassapput, § 4, imm. 1, takuuk. Naalakkersuisoq piniarnermut akisussaasuusup pisassiissutit tamarmiusut, imm. 1 takuuk, uumassusilerinermik siunnersuineq pif�ssaq pisassiiviusup tamakkiisup ingerlanerani allanngussagaluarpat, nalimmassarsinnaavaa. Imm. 3. Piniarnermut Naalakkersuisoq § 6, imm. 2, naapertorlugu tuttunik akiliuteqarluni aallaaniarnissamut pif�ssaliussanik 1-mik imaluunnit arlalinnik aalajangersaasinnaavoq. Imm. 4. Kulavannik norrarnillu akiliuteqarluni piniarneq pif�ssami 1. januaarimiit 31. juuli ilanngullugu inerteqqutaavoq. Akiliuteqarluni qoorortuumik aallaaniarneq § 22. Akiliuteqarluni aallaaniarnermi taamaallaat qoorortooq ataatsimik sullulik patruuninillu ataasiakkaanik immertartoq atoqqusaavoq, imm. 2-3 takukkit, taamaattoq § 23 takuuk. Imm. 2. Qoorortuumik akiliuteqarluni tuttunniarnermi sulloqqortussutsit akuerisaasut minnerpaaf�at .243 Win-iuvoq. Qoorortuup imassaa qanoq ittuussanersoq nammineq toqqarneqarsinnaavoq. Imm. 3. Qoorortooq sunaluunniit akiliuteqarluni tuttunniarnermut atorneqartoq nakersarneqarsimassaaq paarilluagaallunilu. Akiliuteqarluni pisissimik qarsumillu aallaaniarneq § 23. Piniarnermut Naalakkersuisoqar�mmiit akuersisoqareerneratigut pisisseq akiliuteqarluni aallaaniarnermi pisissimik piniarnermut misilitsinnermi takussutissartalimmik angusaqarsimasunit inunnit Danmarkimi imaluunniit nunami allami misilitsinnermi assingusuni angusaqarsimasunit atoqqusaavoq. Imm. 2. Pisisseq qarsorlu atorlugit akiliuteqarluni tuttunniarnermi piumasaqaatit tullinnguuttut naammassineqarsimassapput: 1) Pisisseq Compound-iussaaq (katitigaq / nutaaliaasoq) aaqqinneqarsinnaasumik umer�lik / nalunaaqutalik. Qarsut naqqui aalajangersimasut atorneqartillugit nusutsisinnaassusaa minnerpaamik 45 pund-iussaaq (21 kg.), qarsullu naqqui mekanisk-iusut atorneqartillugit nusutsisinnaassusaa minnerpaamik 55 pund-iussalluni (25 kg.). 2) Qarsut aalajangersimasumik naqqullit minnerpaamik 385 grains-inik (25 gr.-inik) oqimaassuseqassapput, qarsullu mekanisk-iusumik naqqullit minnerpaamik 425 grains-inik (28 gr.-inik) oqimaassuseqassallutik. 3) Qarsut aalajangersimasumik imaluunniit mekanisk-iusumik naqqoqassapput. Akiliuteqarluni aallaaniarnermi pisanik nalunaaruteqartarneq § 24. Akiliuteqarluni tuttunniarnermi pisat § 29-mi aalajangersagaqaraluartorluunniit quppersagaq PINIARNEQ imaluunniit www.sullissivik.gl aqqutigalugu nalunaarutigineqassapput. Imm. 2. Akiliuteqarluni piniartitsinermik aaqqissuisut akuersissutini pisanik immersuif�ssat atorlugit Piniarnermut Naalakkersuisoqar�mmut nalunaaruteqassapput. Tamatuma kingorna paasissutissat ataatsimoortillugit quppersagaq PINIARNEQ imaluunniit www.sullissivik.gl imaluunniit tutum@nanoq.gl aqqutigalugu nassiunneqassapput. Kapitali 8 Tuttunniarnermi assartuutinik atuineq Assartuutit motoorillit § 25. Assartuutit motoorillit tuttunik malersuinermi ungoorinermiluunniit atorneqaqqusaanngillat. Imm. 2. Assartuutinik motoorilinnik nunaannarmi ingerlaarnermi tuttut minnerpaamik 500 meter-inik ungasissuseqarluni qanillineqaqqusaapput. Qimmit qimussillu § 26. Tuttunniarnermi qimmit nassaqqusaanngillat, taamaattorli imm. 2 takuuk. Imm. 2. Qimminik qimuttoqar�usuni allorniusami kangimukaartup 44°W-p kangiatungaani avannamukaartullu 66°N-p avannaatungaani inissisimasuni qimussit assartuutitut atorneqaqqusaapput. Imm. 3. Piniar�mmi qimminik qimuttunik qimatsisoqaqqusaanngilaq. Imm. 4. Qimmit pituussaarlutik qimaasut tigoqqinnerlu sapernartut aallaaneqassapput. Imm. 5. Qimmit toqungasut timaat piniar�mmi qimanneqaqqusaanngillat. Imm. 6. Kingusinnerpaamik piniariarnerup naammassinerata kingornatigut qimminik qimuttunik piginnittup qimmit qimaasut pillugit piniarnermik aalisarnermillu nakkutilliisoq qaninnerpaaq nalunaar�gissavaa. Kapitali 9 Tuttunik tigusinerit nuussinerillu § 27. Naalakkersuisoq piniarnermut akisussaasuusoq qinnuteqartoqareerneratigut piniarnermik imaluunniit inuussutissarsiuteqarnermik siunertalinnut tuttoqatigiinnik pilersitsinissamut tuttunik tigusinissamut nuussinermullu akuersissummik tunniussisinnaavoq. Kapitali 10 Kommunit ileqqoreqqusat § 28. Naalakkersuisup akuersereerneratigut kommunalbestyrelsi kommunimi ileqqoreqqusaliornikkut nalunaarummi matumani § 3-mi, § 4-mi, § 6-mi, § 8-mi aamma § 18-imi aalajangersakkanit akimmisaarnarnerusunik piumasaqaateqarsinnaavoq. Kapitali 11 Digitaalikkut imaluunniit pisanik immersuif�ssaq aqqutigalugu pisanik nalunaaruteqartarneq § 29. Tuttut pisat aamma pissatat tamarmik akuersissummik pigisaqartumit piniarnermut pif�ssaliussap naammassineqarnerata kingornatigut kingusinnerpaamik sapaatip akunnerisa marluk qaangiunneranni ima nalunaarutigineqassapput: 1) pisanik digitaalikkut nalunaaruteqarnissamut aaqqissuussaq aqqutigalugu, imaluunniit 2) pisanik nalunaaruteqarnissamut immersuif�ssamik kommunimut utertitsinikkut. Imm. 2. Imm. 1, nr. 2, malillugu nalunaarutigineqartut ataatsimoortillugit piniarnermut pif�ssaliussap naammassineqarnerata kingornatigut kingusinnerpaamik sapaatip akunnerisa sisamat qaangiunneranni kommunimit tutum@nanoq.gl aqqutigalugu Piniarnermut Naalakkersuisoqar�mmut nassiunneqassapput. Imm. 3. Akuersissutip tunuaniittoq pisanik nalunaaruteqarnissamut immersuif�ssaq imaluunniit pisanik digitaalikkut sapinngisamik kingusinnerpaamik uumasup angallammut pisap assartorneqarnissaanut atugassamut ikinerani immersorneqareersimassaaq. Kapitali 12 Sullissivik.gl imaluunniit PINIARNEQ aqqutigalugu pisanik nalunaarutiginnittarneq § 30. Tuttut pisat pissatallu tamarmik naak § 29-mi aalajangersagaqaraluartoq www.sullissivik.gl aqqutigalugu imaluunniit PINIARNEQ-mi ukiumoortumik immersuif�ssaq atorlugu akuersissummik pigisaqartumit Piniarnermut Naalakkersuisoqar�mmut tutum@nanoq.gl aqqutigalugu nalunaarutigineqassapput. Imm. 2. Nalunaarutiginninneq ukiumi pineqartumi kingusinnerpaamik 15. oktobarimi pissaaq. Kapitali 13 Nakkutilliineq § 31. Kinaluunniit piniarnermik nakkutilliisunit tuttunniarsinnaatitaanini uppernarsaqqullugu qinnuigineqartup akuersissut atuuttoq kiisalu piniarsinnaanermut allagartaq atuuttoq takutissavai. Kapitali 14 Immikkut akuersissuteqartarneq § 32. Piniarnermut Naalakkersuisoqar�k nalunaarummi matumani aalajangersakkanit ilisimatusarnikkut aamma ilinniartitsinermut atatillugu immikkut akuersissummik tunniussisinnaavoq, tassunga ilanngullugu ilisimatusarnermik siunertalinnut tuttunik toqutsisinnaanermut allakkatigut akuersissummik tunniussisinnaalluni. Imm. 2. Imm. 1 malillugu immikkut akuersissuteqartarnermi piumasarineqarpoq ilisimatusarnermik aamma ilinniartitsinermut atatillugu siunertat uumasunik illersuineq pillugu kiisalu uumasut peqqinnerat pillugu maleruagassat atuuttut malillugit ingerlanneqassasut. Imm. 3. Imm. 1 malillugu immikkut akuersissuteqarnerit Naalakkersuisut quppersagaanni tamanut saqqummiunneqassapput. § 33. Tuttut navianartorsiortitsisut imaluunniit angallannermut atatillugu annertuumik akornusersuisut allakkatigut Piniarnermut Naalakkersuisoqar�mmut qinnuteqarnikkut qimaatinneqarsinnaasimanngippata toqunneqarsinnaapput. Sakkut imassallu § 16-imi piumasaqaatinut naapertuuttussaapput. Imm. 2. Tuttut imm. 1 naapertorlugu toqutat Kalaallit Nunaanni Namminersorlutik Oqartussanut pigisussanngortinneqassapput. Imm. 3. Tuttumik toqutsinermi akisussaasup ullorsiutit malillugit kingusinnerpaamik ullut pingasut qaangiutsinnagit toqutsinerup qanoq ingerlasimanera Piniarnermut Naalakkersuisoqar�mmut nalunaarutigissavaa. Imm. 4. Tuttup imm. 1 malillugu toqunneqartup qanoq pineqarnissaa Naalakkersuisoqar�up aalajangissavaa. § 34. Naak § 14-imi imm. 4-mi aalajangersagaqaraluartoq aqutsinermi pissutsit aallaavigalugit piniarnermut allagartap 1. maaji sioqqullugu akilerneqarsimanissaa pillugu piumasaqaatip tamanut atuuttumik atuutinneqannginnissaa Naalakkersuisup piniarnermut akisussaasup immikkut ittumik akuersissutigisinnaavaa. Kapitali 15 Pineqaatissiissuteqartarneq § 35. Kalaallit Nunaanni pinerluttulerinermut inatsimmi malittarisassat malillugit makku akiliisitsinermik kinguneqarsinnaapput: 1) pissutsinik nalunaarutip imarisaanut attuumassuteqartunik pisortanut oqartussaasunut eqqunngitsunik paatsuungatitsisinnaasunilluunniit paasissutissiineq, 2) § 3 naapertorlugu eqqissisimatitsineq pillugu aalajangersakkanik imaluunniit § 4, imm. 1-4-mi, § 6, imm. 1-mi aamma 2-mi, imaluunniit § 9, imm. 1-mi, immikkut ilanngunneqanngitsunik unioqqutitsineq, 3) akuersissummi § 14 naapertorlugu tunniunneqartumi piumasaqaatinik unioqqutitsineq, 4) § 15 naapertorlugu tunisineq pillugu piumasaqaatinik unioqqutitsineq, 5) sakkunik imassanillu atuinissaq pillugu malittarisassanik unioqqutitsineq, §§ 16 aamma 22 takukkit, 6) piniutit piniariaatsillu akuerisaasut pillugit malittarisassanik unioqqutitsineq, §§ 17 aamma 23 takukkit, 7) tuttup pisarineqartup ilaanik § 18-imut akerliusumik qimatsineq, 8) tuttumik pissanneqarsimasumik eqqortumik piaarnerpaamillu toqutsinissaq pillugu pisussaaf�nnik naammassinninnginneq, imaluunniit tuttu pissanneqartoq nanineqanngippat oqartussaasunut attuumassutilinnut piniarnerup naammassineqarnerata kinguninnguatigut pissutsit piviusut pillugit ilisimatitsinnginneq, § 19, imm. 1-3, takuuk, 9) tuttumik pissanneqarsimasumik eqqortumik toqutsinissaq pillugu pisussaaf�nnik naammassinninnginneq, pif�ssap piniar�usup avataani tuttumik toqunneqarsimasumik angerlaassineq imaluunniit pisimasut pillugit oqartussaasunut attuumassutilinnut pif�ssaq eqqorlugu ilisimatitsinnginneq, § 20, imm. 1, 3 aamma 4, takukkit, 10) piniarnissamut pif�ssaliussap avataatigut tuttunik toqunneqarsimasunik inatsisinik unioqqutitsisumik angerlaassineq, § 20, imm. 2 takuuk, 11) tuttunik akiliuteqarluni aallaaniarnermi pisarineqartunik pisanik nalunaaruteqarnissamut periutsit aalajangerneqartut aqqutigalugit pisanik nalunaaruteqannginneq, § 24 takuuk, 12) assartuutinik motoorilinnik tuttunik piniarnissamut imaluunniit ungoorinissamut atuineq imaluunniit tuttunut uumasunut minnerpaamik 500 meter-inik ungasissuseqannginneq, § 25 takuuk, 13) § 27-mut akerliusumik tuttumik passussineq, 14) pisanik imaluunniit pissatanik paasissutissanik piumasarineqartunik pif�ssaliussap iluani nalunaaruteqannginneq imaluunniit malittarisassat atuuttut malillugit pisanik nalunaaruteqarnissamut immersuif�ssamik immersuinnginneq, § 29, imm. 1 aamma 3, takuuk, 15) pif�ssaliussap iluani nalunaaruteqarnissamullu periutsit aalajangerneqartut atorlugit Piniarnermut Naalakkersuisoqar�mmut paasissutissanik piumasarineqartunik nalunaaruteqannginneq, § 30 takuuk, 16) § 31 malillugu peqqussummik nalunaarutigineqarsimasumik malinninnginneq, imaluunniit 17) nalunaarummi § 32 aamma § 33 naapertorlugu immikkut akuersissuteqarnermut imaluunniit akuersissummut piumasaqaatinik qangiinnaaneq. § 36. Nalunaarummi matumani aalajangersakkanik unioqqutitsineq piniarneq aallaaniarnerlu pillugit inatsimmi §§ 41-46 naapertorlugit arsaarinninnermik kinguneqarsinnaavoq. Kapitali 16 Atulersitsinermut atorunnaarsitsinermullu aalajangersakkat § 37. Nalunaarut manna atuutilerpoq ulloq 27. juuli 2025-mi. Imm. 2. Peqatigitillugu tuttut nujuartat illersugaanerat piniagaanerallu pillugit Namminersorlutik Oqartussat nalunaarutaat nr. 7, 27. juuni 2013-imeersoq, atorunnaarsinneqarpoq. Kalaallit Nunaanni Namminersorlutik Oqartussat, ulloq 27. juuni 2025 Peter Borg (atsior.) Aalisarnermut, Piniarnermut, Nunalerinermut Imminullu Pilersornermut Naalakkersuisoq /Emanuel Rosing (atsior.) Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut