Regulation No. 33 on the protection and capture of wolves

Allaf�ssornikkut najoqqutassiat Nr. 33 11. septembari 2020 Atuuttut Amaqqut illersugaanerat piniagaanerallu pillugit Namminersorlutik Oqartussat nalu-naarutaat Piniarneq aallaaniarnerlu pillugit Inatsisartut inatsisaanni nr. 12, 29. oktober 1999-imeersumi § 2, imm. 4, § 8, § 9, § 11, § 12, § 13, imm. 2 aamma 3, § 17, imm. 2, § 18 kiisalu § 21 kingullermik Inatsisartut inatsisaat nr. 1, 16. maj 2008-meersukkut allanngortinneqartoq aamma pinngortitamik illersuineq pillugu Inatsisartut inatsisaanni nr. 29, 18. december 2003-meersumi § 5, § 6, § 35, § 36 kiisalu § 60, imm. 2 naapertorlugit aamma Piniarneq pillugu Siunnersuisoqatigiit tusarniarneqareernerata kingorna aalajangersarneqarput: Atuuf�k aamma nassuiaatit § 1. Nalunaarut manna Kalaallit Nunaanni issittumi amaqqut (Canis Lupus Arctos) illersugaanerannut piniagaanerannullu atuuppoq. Imm. 2. Nalunaarummi matumani issittumi amaqqut matuma kingorna amaqqunik taagorneqassapput. Imm. 3. Aqutsiveqar�it siornatigut kommuniusimasutut paasineqassapput, Ilanngussaq 1 aamma 2 takukkit. Imm. 4. Pisassiissutit amerlanerpaaf�ssaat amaqqut pisarineqaqqusaasut amerlanerpaa�ssaattut paasineqassaaq. Eqqissisimatitsineq, piniarneq, pisineq aamma tunisineq § 2. Amaqqut Kalaallit Nunaanni eqqissisimatitaapput, taamaattoq imm. 2 takujuk. Imm. 2. Amaqqut aqutsiveqar�nni Qaanaami aamma Ittoqqortoormiini atuuttumik inuussutissarsiutigalugu piniarnermut allagartalinnit ukioq naallugu piniarneqaqqusaapput, taamaattoq § 4 takujuk. § 3. Amaqqup unioqqutitsinikkut pisarineqarsimasup neqaanik aamma kigutaanik ilaanilluunniit allat tuniniarnissaat, pisiarinissaat imaluunniit tigunissaat inerteqqutaavoq. Amarorniarnissamut pisassiissutit amerlanerpaaf�ssaannik aalajangiineq § 4. Naalakkersuisut amarorniarnissamut pisassiissutit amerlanerpaaf�ssaannik ukiumi ataatsimi imaluunniit ukiuni arlalinni atuuttunik aalajangiisinnaapput. Imm. 2. Pisassiissutit amerlanerpaaf�ssaannik aalajangiinermi makku eqqarsaatigineqassapput: 1) Piniakkat neqimik pilersuinissamut pingaaruteqartut illersorneqarnissaat amaqqunillu akornusersorneqarnerisa minnerpaaf�nngortinnissaat. 2) Piniartut atuisullu ilisimasaat. 3) Pinngortitalerif�mmiit uumassusililerinermik siunnersuineq. 4) Nunat assigiinngitsut akornanni amaqqut piujuaannarnissaat piaqqioqqinnissaallu pillugit isumaqatigiissutit. 5) Inuit aamma pigisat illersorneqarnissaat. Imm. 3. Pisassiissutit amerlanerpaaf�ssaannik aalajangiineq pillugu Piniarneq pillugu Siunnersuisoqatigiit, kommunit sunnerneqartut aamma kattuf�it attuumassuteqartut tusarniarneqassapput, imm. 1 aamma 2 takukkit. Imm. 4. Pisassiissutit amerlanerpaaf�ssaat aalajangerneqartut tusagassior�nnut nalunaaruteqarnikkut aamma Namminersorlutik Oqartussat nittartagaani nalunaarutigineqartassapput. Piniariaatsit § 5. Amaqqunik piniarnermi taamaallaat qoorortuut atorneqaqqusaapput, sulloqqortussutsillu akuerisat minnerpaaf�at .222-iuvoq. Imm. 2. Qoorortuut eqiinnartakkat eqittaannartakkallu atornissaat inerteqqutaavoq. Imm. 3. Qoorortooq sunaluunniit imm. 1 malillugu amaqqunik piniarnermut atoqqusaasoq nakersarneqarsimassaaq paarilluagaassallunilu. § 6. Toqunartut, nammineq seqqortussiat, kiisartut, nigarsiniutit amaqqunilluunniit uninngatitsinissamut atortut tekniskiusut allat atornissaat inerteqqutaavoq. Assartuutinik motoorilinnik atuineq § 7. Timmisartut, qulimiguullit imaluunniit qamutit motoorillit, soorlu qamuteralaat aamma ATV-t, amaqqunik piniarnermut malersuinermullu atornissaat inerteqqutaavoq. Amaqqumik pissatamik toqutsineq § 8. Amaroq pissanneqarpat piniartup pisussaaf�gaa piaarnerpaamik taassuminnga toqutsinissani. Imm. 2. Amaroq pissanneqartoq toqunneqanngippat piniartup piniarnerup naammassineqarnerata kinguninnguatigut Aalisarnermut, Piniarnermut Nunalerinermullu Naalakkersuisoqar�mmut imaluunniit KANUAANA-mi sumiif�mmi piniarnermut nakkutilliisumut tamanna nalunaarutigissavaa. Imm. 3. Amaqqumik pissanneqartumik takunnittoqarpat sapinngisamik toqunneqassaaq kingornalu Aalisarnermut, Piniarnermut Nunalerinermullu Naalakkersuisoqar�mmut imaluunniit KANUAANA-mi sumiif�mmi piniarnermik nakkutilliisumut nalunaarutigineqassaaq. Amaqqumik toqungasumik takunninneq § 9. Amaqqumik toqungasumik takunnittoqarpat nikisinnagu qimanneqassaaq kingornalu Aalisarnermut, Piniarnermut Nunalerinermullu Naalakkersuisoqar�mmut imaluunniit KANUAANAMI-mi sumiif�mmi piniarnermik nakkutilliisumut nalunaarutigineqassaaq. Kommunimi ileqqoreqqusat § 10. Kommunalbestyrelsi kommunimi ileqqoreqqusaliornikkut malittarisassanik aalajangiisinnaavoq kiisalu kommunip iluani nunaminertani aalajangersimasuni amarorniarnermut najoqqutassaliorsinnaalluni, § 2, imm. 2, takuuk. Imm. 2. Kommunimi ileqqoreqqusaq, imm. 1 takuuk, Aalisarnermut, Piniarnermut Nunalerinermullu Naalakkersuisumit atuutilersinneqassaaq. Pisanik nalunaaruteqartarneq § 11. Amaqqut pisarineqartut pissatarineqartullu tamarmik pisaqarnermik nalunaarut immersugassaq atorlugu nalunaarutigineqassapput, ilanngussaq 3 takujuk, taannalu pisaqarnerup kingusinnerpaamik ullut 14-it qaangiunneranni kommuni aqqutigalugu Aalisarnermut, Piniarnermut Nunalerinermullu Naalakkersuisoqar�mmut nassiunneqassallutik. Imm. 2. Amaqqut pisarineqartut pissatarineqartullu tamarmik aammattaaq PINIARNEQ-mi ukiumoortumik immersugassaq atorlugu imaluunniit www.sullissivik.gl -mi ukiumoortumik nalunaarutigineqassapput. Imm. 3. Pisaq normutalimmik nalunaaqutsiussaqarsimappat imaluunniit radiukkut aallakaatitsissuteqarsimappat kommuni aqqutigalugu pisaqarnermik immersukkamut ilanngullugu Aalisarnermut, Piniarnermut Nunalerinermullu Naalakkersuisoqar�mmut nassiunneqassaaq. Allatut ajornartumik iliortariaqarneq imaluunniit imminut illersortariaqarneq § 12. Kalaallit Nunaanni pinerluttulerinermi inatsimmi maleruagassat malillugit amaroq allatut ajornartumik iliortariaqarnermi imaluunniit imminut illersortariaqarnermi toqunneqarpat amarortaq tamarmi Namminersorlutik Oqartussanut pigisassanngortinneqassaaq. Imm. 2. Amaqqumik toqutsisup toqutsinerup kingusinnerpaamik ullut marluk qaangiunneranni Aalisarnermut, Piniarnermut Nunalerinermullu Naalakkersuisoqar�mmut tamanna nalunaarutigissavaa. Naalakkersuisoqar�k pisoq pillugu allaganngorlugu nassuiaasiussaaq pisaqar�k, pif�ssaq aamma toqutsinermi pissutsit sukumiinerusut ilanngullugit. Imm. 3. Aalisarnermut, Piniarnermut Nunalerinermullu Naalakkersuisoqar�k amaqqut inoqar�nnut qaninngoortut imaluunniit inoqar�nnukartut pillugit allaganngorlugit maleruagassanik atuutilersitsissaaq. Nalunaaqutsiineq, eqqussineq, annissineq aamma uumasuuteqarneq § 13. Amaqqunik nikinnaveersitsineq nalunaaqqutsiinerlu Aalisarnermut, Piniarnermut Nunalerinermullu Naalakkersuisoqar�up akuersissuteqarneratigut aatsaat pisinnaavoq. Imm. 2. Amaqqut, tassunga ilanngullugit amaqqut piarai, uumasuutigineqaqqusaanngillat. § 14. Amaqqut uumasut imaluunniit toqungasut taakkualuunniit ilaat eqquteqqusaanngillat anniseqqusaanatillu, CITES Allattuif�k I takujuk – Convention on International Trade in Endangered Species. Immikkut akuersissuteqarneq aamma uumassusililerinikkut misissuinerit § 15. Aalisarnermut, Piniarnermut Nunalerinermullu Naalakkersuisoqar�up ilisimatusarnermut imaluunniit Kalaallit Nunaata piniagassatigut pisuussutaasa nalunaarsorneqarnerannut atatillugu nalunaarummi malittarisassaniit immikkut akuersissuteqarsinnaavoq. § 16. Aalisarnermut, Piniarnermut Nunalerinermullu Naalakkersuisoqar�k amarorniarsinnaanermut atatillugu uumassusililerinikkut misissuinernut atugassanik amaqqup ilaanik tunniussisarnissamut piumasaqaatinik aalajangersaasinnaavoq. Pineqaatissiissutit § 17. Nalunaarummi matumani § 2-mik, imm. 1, § 3-mik, § 4-mik, imm. 1, § 5-imik, § 6-imik, § 7-imik, § 8- mik, § 10-mik, imm. 1, 2 aamma 3, § 12-imik, imm. 1 aamma 2, § 13-imik kiisalu § 14-imik unioqqutitsinerit Kalaallit Nunaanni pinerluttulerinermi inatsimmi maleruagassat malillugit akiliisitsisummik kiisalu piniutinik inatsisinik unioqqutitsisumik atorneqarsimasunik pisanillu arsaarinninnermik kinguneqarsinnaapput. Imm. 2. Imm. 1 malillugu suliat Nunatsinni Eqqartuussivimmi suliassanngortinneqassapput. Imm. 3. Akiliisitsinerit imm. 1 malillugu aalajangersarneqartut Nunatta Karsianut nakkartinneqassapput. Atuutilersitsineq § 18. Nalunaarut manna 12. september 2020-mi atuutilerpoq. Imm. 2. Peqatigalugu Amaqqut Kalaallit Nunaanni eqqissisimatinneqarnissaat pillugu Namminersornerullutik Oqartussat nalunaarutaat nr. 9, 5. maj 1988-imeersoq atorunnaarsinneqarpoq. Namminersorlutik Oqartussat, ulloq 11. september 2020 Jens Immanuelsen / Jørgen Isak Olsen Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut