Regulation No. 11 on fisheries under the System of Individual Transferable Quotas (the ITQ Regulation)

Allaf�ssornikkut najoqqutassiat Nr. 11 4. februaari 2025 Atuuttut Aalisarnerit aalisarnermi pisassiissutit niuerutigineqarsinnaasut pillugit aaqqissuussamiittut pillugit Namminersorlutik Oqartussat nalunaarutaat (PNNP pillugu nalunaarut) Aalisarneq pillugu Inatsisartut inatsisaanni nr. 29, 23. maj 2024-meersumi § 15, nr. 1–5, § 17, imm. 1, § 18, imm. 1 aamma 2, § 25, imm. 3, 2. imm., § 27, imm. 1, § 28, stk. 2, § 29, imm. 4, § 30, imm. 3, § 40, imm. 4, § 41, imm. 3, aamma § 68, imm. 2, naapertorlugit uku aalajangersarneqarput: Kapitali 1 Atuuf�ssaa nassuiaatillu Atuuf�a § 1. Nalunaarut Kalaallit Nunaata aalisarnermut oqartussaaf�ani pisassanik aalisartartunut aamma pisassiissutinik niuerutigineqarsinnaasunik aaqqissuussami ilaasunut atuuppoq. Nassuiaatit § 2. Nalunaarummi matumani uku ima paasineqassapput: 1) "Aalisarneq pillugu inatsit": Aalisarneq pillugu Inatsisartut inatsisaat. 2) ”PNNP naapertorlugu -aalisarneq”: Aalisarnermut inatsimmi kapitali 7-imi aalisarneq pineqartoq. 3) ”PNNP-mik aaqqissuussaq”: aqutsif�usoq aalisarnermut inatsimmi kapitali 7-imi pineqartoq. 4) ”Aqutsiveqar�k 47”: Imartaq Kalaallit Nunaata Kitaani tunngaviusumik killeqar�up tungaanut 3 sømilit iluanniittoq, kujammut avannarpasissuseq 68º30’N-imi avannamullu avannarpasissuseq 75º00’N-imi taakkualu kangerluttaanni killeqartinneqartoq. 5) ”Ukioq pisassiif�usoq”: Pif�ssaq ukiumut pisassiissutinik aalisarnissamut akuersissummut tunngasoq. 6) ”Aalisarnermi paggatassiineq”: Paggatassiilluni aalisarnissamut akuersissummi tunniunneqartumi aalisarneq. 7) ”Pisassat paggatassiissutit”: Pisassiissutit ilaat, sinerissap qanittuani qaleralinniarnermut ukiumut immikkoortinneqartut PNNP-millu aaqqissuussinermut ilaanngitsut. 8) ”A.t.t.”: Angallatip tamakkiisumik takissusaa, angallatip siuata noorpianit aqorpiaanut qeqqa atuarlugu, tukimut, uuttortarneqartoq (angallatip tamakkiisumik takissusaa). 9) ”Pif�ssaq pisassiissutinik piginnif�usoq”: Pif�ssaq pisassiissutinik pigisanik piginnittup pigisaminik qularnaveeqqusersimaf�a. Imm. 2. Aalisarnermut inatsimmi taaguutinut nassuiaatit nalunaarummi matumani aamma atuupput. Kapitali 2 Aalisarnerit PNNP-mik aaqqissuussamut ilaasut § 3. PNNP naapertorlugu aalisagaqatigiinnik ukuninnga aalisarnerit: 1) Kalaallit Nunaata kitaani raajarniarneq: 2) Tunumi raajarniarneq: 3) Kitaata avataani qaleralinniarneq: 4) Tunup avataani qaleralinniarneq 5) Immikkoortoq 47-mi sinerissap qanittuani qaleralinniarneq, taamaattoq imm. 2. takuuk 6) Kalaallit Nunaata kitaani saattuarniarneq Imm. 2. Imm. 1, nr. 5 aalisarneq pillugu inatsimmi § 28 imm. 3-mi malittarisassat naapertorlugit aalisarnissaminnut Naalakkersuisunit nalunaar�gineqarsimasuinnarnut atuuppoq. Kapitali 3 Pisassiissutinit pigisanik tunniussisarneq aamma naatsorsuisarneq Raajat § 4. Naalakkersuisut 2025-mi raajarniarluni aalisarnermi pisassiissutinik pigisanik aalisartunut, 2024-mi PNNP naapertorlugu raajarniarluni aalisarnermut akuersissutilinnut peqataasunullu tunniussuissapput. Imm. 2. Pisassiissutinit pigisat qinnuteqaqqaarani imm. 1 naapertorlugu tunniunneqassapput. § 5. Kitaani raajarniarluni aalisarnermi § 4 imm. 1 naapertorlugu pisassiissutinit pigisanik naatsorsuineq ima pissaaq, aalisartumut 2024-mi ukiumut pisassiissutit 2024-mi kitaani raajarniarluni aalisarnermut pisarineqarsinnaasunit tamarmiusunit pigisatut naatsorsorneqassallutik. Pisassiissutit taakku tamatuma kingorna aalisartup pigilissavai. Imm. 2. Kitaani raajartassatut pisassiissutinit tamarmiusunit naatsorsuinermi sinerissap qanittuani pisassiissutitut immikkoortitat ilaatinneqassapput, soorlu avataani pisassiissutitut immikkoortitat ilanngunneqassasut, imm. 1 takuuk. § 6. Tunumi raajarniarluni aalisarnermi § 4 naapertorlugu pisassiissutinit pigisanik naatsorsuineq ima pissaaq, aalisartumut 2024-mi ukiumut pisassiissutit Tunumi raajarniarluni 2024-mi aalisarnermi pisarineqarsinnaasunit tamarmiusunit pisassiissutinit pigisatut naatsorsorneqassapput. Pisassiissutinit pigisat aalisartup taakku tamatuma kingorna pigilissavai. Avataani qalerallit § 7. Naalakkersuisut kitaani avataasiorluni 2025-mi aalisarnermi pisassiissutinit pigisat aalisartunut, kitaani 2024- mi avataasiorluni qaleralinniarluni aalisarnissamut akuersissuteqartunut peqataasunullu tunniussissapput. Imm. 2. Pisassiissutinit pigisat qinnuteqaqqaarani imm. 1 naapertorlugu tunniunneqassapput. § 8. Kitaani avataasiorluni qaleralinniarluni aalisarnermi aalisartut pisassiissutinit pigisaat § 7 imm. 1, naapertorlugu ima naatsorsorneqassapput: 1) aalisartup ukiuni 2019-miit 2023-mut qaleralittarisimasaanik naatsorsuisoqassaaq, 2) Kitaani aalisartup ukiut tallimat ingerlanerini pisaasa ukiuni pingasuni pisaqar�ginerpaasai katinneqassapput aamma 3) aalisartut ataasiakkaat pisarisimasaat, nr. 2 naapertorlugu naatsorsorneqartut katinneri, 2024-mi pisarineqarsinnaasunit tamarmiusunit 2/3-tut piginneqataassutitut naatsorsorneqassasut. Imm. 2. Pisassiissutinit pigisat imm. 1 nr. 3 naapertorlugu naatsorsorneqassapput. Imm. 3. § 7 imm. 2-mi aalajangersagaq apeqqutaatinnagu Naalakkersuisunut qinnuteqarnikkut 2024-mi TAC-p pingajorarterutaa aalisartumut aalisartunulluunniit arlalinnut nutaanut pisassiissutigineqassapput. Aalisarnermut inatsimmi § 1-imi piumasaqaatit aalajangersarneqartut naapertorlugit tunniussisoqassaaq. Imm. 4. Aalisartut nutaat ukiumi pisassiissuteqar�usumi pisassiissutinit pigisat aalisarnissaannut periar�ssaqanngippata taakku aalisariumannittussarsiuussinerup kingorna aalisartooreersunut tunniunneqarallarsinnaapput. § 9. Naalakkersuisut aalisartunut Tunumi aalisarnissaminnut 2024-mi akuersissuteqartunut aamma Tunumi avataasiorluni qaleralinniarluni aalisarnermi peqataasimasunut Tunumi avataasiorluni qaleralittassanik pisassiissutinit pigisassaannik 2025-mi tunniussissapput. Imm. 2. Pisassiissutinit pigisat qinnuteqaqqaarani imm. 1 naapertorlugu tunniunneqassapput. § 10. Tunumi avataasiorluni qaleralinniarluni aalisarnermi aalisartut pisassiissutinit pigisaat § 9 imm. 1, naapertorlugu ima naatsorsorneqassapput: 1) aalisartup ukiuni 2019-miit 2023-mut qaleralittarisimasaanik naatsorsuisoqassaaq, 2) Tunumi aalisartup ukiut tallimat ingerlanerini qaleralittaasa ukiuni pingasuni pisaqar�ginerpaasai katinneqassapput aamma 3) aalisartut ataasiakkaat pisarisimasaat 2) naapertorlugu naatsorsorneqartut katinneri, 2024-mut pisarineqarsinnaasunit tamarmiusunit piginneqataassutitut naatsorsorneqassasut. Imm. 2. Pisassiissutinit pigisat imm. 1 naapertorlugu naatsorsorneqartut katinneqassapput. 2024-mi pisassiissutit tamarmiusut aamma naatsorsukkat katinnerisa nikingassutigeratarsinnaasaat naatsorsorneqassapput Naalakkersuisunullu qinnuteqarnikkut aalisartumut ataatsimut arlalinnulluunniit tunniunneqarsinnaallutik. Aqutsiveqar�mmi 47-mi qalerallit § 11. Aalisartunut, Aqutsiveqar�mmi 47-mi sinerissap qanittuani qaleralinniartunut, 2025-mi kingusinnerusukkulluunniit PNNP tunngavigalugu aalisalissallutik kissaateqartut, Naalakkersuisut qinnuteqartut pisassiissutinit pigisanik pisassissinnaavaat. Imm. 2. Aalisartoq imm. 1 naapertorlugu PNNP naapertorlugu aalisarnissaminut pisussaatitaaffeqanngilaq, kisianni paggatassiissutinik suli aalisarsinnaavoq. Aalisartoq pisassiissutinit pigisaqartoq pigisaqarsimasorluunniit imaluunniit inuk aalisartup pigisaanik pigisalik pigisaqarsimasorluunniit, Aqutsiveqar�mmi 47-mi paggatassiinerup nalaani aalisartup aalisarnissaminut akuersissutaanik akuersissutigisimasaanilluunniit, akuersissummik tunineqarsinnaanngilaq piginneqataasinnaananiluunniit. Imm 3. Imm. 1 naapertorlugu pisassiissutinit pigisanik tunineqarnissamut uku piumasaqaataapput: 1) aalisartoq aqutsiveqar�mmi 47-mi ukioq pisassiiviusoq pineqartoq sioqqullugu qaleralinniarluni aalisarnissaminut akuersissuteqarsimassasoq, 2) aalisartup nr. 1 naapertorlugu akuersissutini qaleralinniarluni aalisarnermut aamma qaleralinnik tunisinermut atorsimassagaa, 3) aalisartup angallat 6 meterinik naannerusoq (a.t.t.) atussagaa, aalisariutit aalisarneq pillugu inatsisip atuutilernerani sinerissap qanittuani qaleralinniarluni aalisarnissamut akuersissuteqarsimammata, taamaattorli angallat 15 meterit sinnerlugit takissuseqarsimanersoq apeqqutaatinnagu aalisariut taanna suli atorsinnaassavaa aamma 4) pisassiissutinit pigisat tamarmiusut paggatassiissutinik aalisarnermut sinneruttut, pisassiissutinit pigisanik ukiumut aggersumut tunniussinerup kingorna 5 procentiussasut sinnerlugilluunniit. Imm. 4. Pisassiissutinit pigisat takuuk imm. 1, nalunaarutigineqartut aqutsiveqar�mmut 47-mut tamarmut atuupput. Imm. 5. Pisassiissutinit pigisanik tunineqarnissamut qinnuteqaatit Aalisarnermut Piniarnermullu Naalakkersuisoqar�mmit ukioq pisassiissutinit pigisanik tunineqar�ssaq sioqqullugu kingusinnerpaamik oktobarip 15-ianni tiguneqareersimassapput. Imm. 6. Pisassiissutinit pigisat tunniunneqartut ukiumi pisassiiviusumi pineqartumi januaarip aallaqqaataanit atuutissapput. § 12. Aalisartup 6 meterinik taassuminngaluunniit naannerusumik aalisariutaatillip PNNP naapertorlugu aqutsiveqar�mmi 47-mi januaarip aallaqqaataani 2025-miit aalisartussap, pisassiissutinit pigisai ima naatsorsorneqassapput: 1) aalisartup Aqutsiveqar�mmi 47-mi qalerallit pif�ssami 2019-imiit 2023-mut pisarisimasai naatsorsorneqassapput, 2) aalisartup Aqutsiveqar�mmi 47-mi ukiunit tallimanit ukiut pingasut qaleralinnik pisaqar�ginerpaasai katinneqassapput, 3) aqutsiveqar�mmi 47-mi paggatassiilluni qaleralittassanik aalisartut pif�ssami 2019-miit 2023-mut pisarisaat ukiuni pingasuni pisaqar�ginerpaat katinneqassapput, kingornalu pisassiissutinit pigisanik, aqutsiveqar�mmi 47-mi pisassiissutinit tamarmiusunit paggatassatut immikkoortinneqartunik gangerneqarlutik, kisitseriaaseq, aamma 4) aalisartut ataasiakkaat pisaasa nr. 2 naapertorlugu naatsorsorneqartut katinneri, nr. 3 naapertorlugu pisat katinnerisut naatsorsorneqartut naatsorsorneqassapput. Imm. 2. Imm. 1 naapertorlugu naatsorsuineq aqutsiveqar�mmi 47-mi tamarmi pisanit aallaaveqassaaq. § 13. Aalisartup 6 meterinik taassuminngaluunniit naannerusumik aalisariutaatillip PNNP naapertorlugu aqutsiveqar�mmi 47-mi 2025-p kingorna aalisartussap, pisassiissutinit pigisai ima naatsorsorneqassapput: 1) aalisartup aqutsiveqar�mmi qaleralinnik pisai ukiut tallimat pisassiiviusut pineqartut tamakkerlugit nalunaarsorneqartut sioqqullugit naatsorsorneqassapput, 2) aalisartup Aqutsiveqar�mmi 47-mi ukiunit tallimanit ukiut pingasut qaleralinnik pisaqar�ginerpaasai katinneqassapput, 3) aqutsiveqar�mmi 47-mi paggatassiilluni qaleralittassanik aalisartut pif�ssami 2019-miit 2023-mut pisarisaat ukiuni pingasuni pisaqar�ginerpaat katinneqassapput, kingornalu pisassiissutinit pigisanik, aqutsiveqar�mmi 47-mi pisassiissutinit tamarmiusunit paggatassatut immikkoortinneqartunik gangerneqarlutik, kisitseriaaseq, aamma 4) aalisartut ataasiakkaat pisaasa nr. 2 naapertorlugu naatsorsorneqartut katinneri, nr. 3 naapertorlugu pisat katinnerisut naatsorsorneqartut naatsorsorneqassapput. Imm. 2. Imm. 1 naapertorlugu naatsorsuineq aqutsiveqar�mmi 47-mi tamarmi pisanit aallaaveqassaaq. § 14. Aalisartut 6 meterinik anginerusunik angallatillit sinerissap qanittuani Aqutsiveqar�mmi 47-mi PNNP naapertorlugu qaleralinniarlutik aalisartussat 2025-mi pisassiissutinit pigisaat Naalakkersuisunit pisassinneqassapput, aalisartoq taakkunannga aalisarnissaminut 2024-mi akuersissutaateqarsimappat aamma aalisaqataasimappat. Imm. 2. Pisassiissutinit pigisat aalisartumit qinnuteqartitsinani imm. 1 naapertorlugu tunniunneqassapput. § 15. Aalisartup, 6 meterit sinnerlugit angissusilimmik angallataatillip 2024-mi sinerissap qanittuani aqutsiveqar�mmi 47-mi, pisassiissutinit pigisanut attuumassutilinnik, qaleralinniarluni aalisarnissaminut akuersissutillip, pisassiissutinit pigisaanik naatsorsuineq ima pissaaq, aqutsiveqar�mmi 47-mi ukiumoortumik pisassiissutit pisassiissutinit pissarsiai pisassiissutinillu pigisaata tunniunneqartunit ilanngarlugit naatsorsorneqassallutik. Imm. 2. 2024-mi Aqutsiveqar�mmut 47-mut pisassiissutinik tamarmiusunik naatsorsuinermi, imm. 1 tak., pisassiissutit ukiumut pineqartumut angallatinut 6 meterinut ataalluguluunniit angissusilinnut aallaqqaammut immikkoortinneqartut aamma pisassiissutit ukiumut pineqartumut angallatinut 6 meterit sinnerlugit angissusilinnut aallaqqaammut immikkoortinneqartut ilaassapput. § 16. Kitaani qaleralittassiissutinit tamarmiusunit Aqutsiveqar�mmi 47-mi amerlanerpaanik 2,5 procentit aalisartumut ataatsimut pisassiissutinit pigisassatut tunniunneqarsinnaapput. Imm. 2. Aalisartup pisassiissutinit pigisai tamarmiusut ukiumut pisassiissutit, ukiumi pineqartumi aqutsiveqar�nni tamani aalisartup pigisaasa katinnerisigut naatsorsorneqassapput. Aalisartup pisassiissutinit pigisai tamatuma kingorna aalisartup Aqutsiveqar�mmi 47-mi ukiumut pisassiissutit tamarmiusut katinneqarnerisa ilaattut inerneqassapput. § 17. Aqutsiveqar�mmut 47-mut pisassanik pigisassatut pisassiissutigineqartunit 5 procentit paggatassiilluni aalisarnermut qaqugukkulluunniit immikkoortinneqartassapput. Imm. 2. Ukiup ingerlanerani paggatassiilluni pisassat 6 procentinik ikinneruppata PNNP naapertorlugu aalisarnissamut akuersissummik aalisalerniartumut nutaamut tunniussisoqarsinnaanngilaq. Kitaani saattuat § 18. Kitaani 2024-mi saattuarniarnissamut akuersissutillit ukiumilu tassani saattuarniartut, Naalakkersuisut pisassiissutinit pigisassanik 2025-mut saattuartassissavaat. Imm. 2. Pisassiissutinit pigisat aalisartumut qinnuteqartitsinani imm. 1 naapertorlugu tunniunneqassapput. Imm. 3. Aqutsiveqar�nni tamani pisassiissutinit pigisat nalunaarutigineqartassapput. § 19. Saattuarniarluni aalisartunut pisassiissutinit pigisat ima naatsorsorneqassapput: 1) aalisartup ukiuni 2020-miit 2024-mut saattuat pisarisimasai naatsorsorneqassapput, 2) aalisartup ukiut tallimat iluini saattuartarisimasaasa ukiuni pingasuni oqimaannerpaartaat katinneqassapput, aalisartup ukiunit tallimanit ukiut pingasut saattuanik pisaqar�ginerpaasai katinneqassapput, 3) aalisartut tamarmiusut ukiunit tallimanit ukiut pingasut pisaqar�ginerpaasaat nalunaarsorneqarsimasut ukioq pisassiiviusoq pineqartoq sioqqullugu katinneqassapput, aamma 4) aalisartut ataasiakkaat pisaasa nr. 2 naapertorlugu naatsorsorneqartut katinneri, nr. 3 naapertorlugu pisat katinnerisut naatsorsorneqartut naatsorsorneqassapput. Imm. 2. Kitaani aqutsiveqar�nni tamani pisarineqarsimasut tunngavigalugit imm. 1 naapertorlugu naatsorsuisoqartassaaq. Imm. 3. Aqutsiveqar�mmi ataatsimi pisassiissutit tamarmiusut pif�ssami aalisar�usumi imm. 1, nr. 3-mi taaneqartut tamakkerneqarsimatinnagit imm. 1 naapertorlugu naatsorsuinermi periuserineqartoq atorneqartassanngilaq. Pisuni taakkunani aalisartut ataasiakkaat pisassiissutinit pigisaat pisarineqarsinnaasut tamarmiusut ilaattut naatsorsorneqassapput. Imm. 4. Naalakkersuisut pisassiissutinit pigisat ukiumoortumillu pisassiissutit pillugit 2025-mi inaarutaasumik februaarip qiteqqunnerani nalunaaruteqassapput. Imm. 5. Pisassiissutinit pigisat aalisartunut pisassiissutaanngitsut, Naalakkersuisunit pineqartassapput aamma §§ 24 aamma 25 naapertorlugit aalisariumannittussarsiuunneqartassapput. § 20. Aalisartup kitaani ukiumut akuerisaasumik saattuanik tamarmiusunit pisarineqarsinnaasai, TAC, amerlanerpaamik 17 procentiupput. Imm. 2. Aalisartup pisassiissutinit pigisai tamarmiusut ukiumut pisassiissutit, ukiumi pineqartumi aqutsiveqar�nni tamani aalisartup pigisaasa katinnerisigut naatsorsorneqassapput. Aalisartup pisassiissutinit pigisai tamatuma kingorna aalisartup kitaani ukiumut akuerisaasumik pisarineqarsinnaasut, TAC, pisassiissutit tamarmiusut katinneqarnerisa ilaattut inerneqassapput. Imm. 3. Aqutsiveqar�mmi ukiumut akuerisaasumik pisassiissutit, TAC, tamarmiusut allanngortinneqarnerini aalisartup pisassiissutinit pigisai imm. 1-mi pisassiissutitut amerlanerpaaf�ssaattut allassimasunit amerlanerulersimatillugit, pisassiissutinit pigisat sinniisut tunineqarnissaannik piumasaqaat ukiunik tallimanik kinguartinneqassaaq, tamatumalu kingorna aalisarneq pillugu inatsimmi pisassiissutinit pigisat pinngitsaaliissummik nuunneqarnissaannut malittarisassat atuutilissapput. Kapitali 4 Pisassiissutinit pigisanik kaaviiaartitsineq pinngitsaaliissummillu tuniniaasitsineq Aalisartut akornanni kaaviiaartitsineq § 21. Pisassiissutinit pigisat taakkuluunniit ilaat killilersuinerit, aalisarneq pillugu inatsimmi aalajangersarneqartut naapertorlugit tunniunneqarsinnaapput, piumasaqaatit ilaatigut ukuupput aalisarneq pillugu inatsimmi §§ 9 aamma 11 naapertorlugit pigisaqartup nunatsinnut attuumassuteqarnissaanut tunngasut, raajarniarnermi pisassiissutinit pigisat, januaarip aallaqqaataa 2025 tikillugu avataasiorluni sinerissallu qanittuani aalisartut avittarsimasaasa akornanni kaaviiaartitsineq, aalisarneq pillugu inatsimmi § 30, imm. 2 naapertorlugu, pisassat amerlanerpaaf�ssaat, aalisarneq pillugu inatsimmi § 32 naapertorlugu kiisalu immikkut ittumik piumasaqaatit aalisariumannittussarsiuussinermut atatillugu pisassiissutinit pigisanut atassuteqartut, § 19, imm. 5 naapertorlugu. Imm. 2. Pisassiissutinit pigisanik kaaviiaartitsineq Naalakkersuisut aalisariumannittussarsiuussinermut nittartagaq pilersitaat aqqutigalugu pissaaq, aalisarnermut inatsimmi § 31 naapertorlugu. § 22. Pisassiissutinit pigisat nuunneqartut aalisarnermi pineqartumi ukiumut akuerisaasumik pisarineqarsinnaasut, TAC, ikinnerpaamik 0,001 procenterissavaat. Imm. 2. Piumasaqaatit pisassiissutinit pigisanut attuumassutillit nuunneqarnerini ilanngullugit nuunneqassapput, tassunga ilanngullugit pif�ssaq pisassiissutinik piginnif�usoq sinneruttoq pillugu piumasaqaat, taamaaliortoqassaarlu pisassiissutinit pigisanut atatillugu akuersissummut allamik allassimasoqanngippat. Pinngitsaaliissummik tunniussineq § 23. Akuersissummik aalisarneq pillugu inatsimmi § 26, nr. 2 naapertorlugu arsaarinnittoqartillugu, tassunga ilanngullugu pisassiissutinit pigisat aalisartumut inunnulluunniit ataasiakkaanut aalisartup pigisaani pigisaqartunut attuumassutillit, pisassat amerlanerpaaf�ssaannik qaangiippata, aalisarneq pillugu inatsimmi § 32 naapertorlugu, aalisarneq pillugu inatsimmi § 77 oqaatigineqareersutut aalisartup pisassiissutinit pigisani taakkualuunniit ilai tunniutissavai. Imm. 2. Naalakkersuisut aalisartoq pisassiissutinit nammineq pigisaminut piginnittumilu pigisaannut uppernarsaammik nassiusseqqusinnaavaat, aalisarneq pillugu inatsimmi § 32, imm. 4 naapertorlugu. Imm. 3. Aalisartup imm. 2 naapertorlugu peqquneqarnini naammassinngippagu Naalakkersuisut aalisartumut akuersissummik killiliisinnaapput taassumanngaluunniit atuinissaanut pisinnaatitaaf�iarlugu, aalisarneq pillugu inatsimmi § 26 naapertorlugu. Aalisariumannittussarsiuussineq § 24. Pigisat ukiumoortumullu pisassiissutit aalisartumut attuumassuteqanngitsut Naalakkersuisuniilli aalisarneq pillugu inatsimmi § 31, imm. 2 naapertorlugu pigineqalersut aamma pigisat aalisarneq pillugu inatsimmi § 40, imm. 3 imaluunniit § 41, imm. 2 naapertorlugu pinngitsaaliissummik tunniunneqartut piaartumik aalisariumannittussarsiuussisarnikkut Naalakkersuisunit neqeroorutigineqassapput. Imm. 2. Naalakkersuisut aalisariumannittussarsiuussinerminnut atatillugu peqataanissamut piumasaqaatinik aalajangersaasinnaapput, tassunga ilanngullugu neqerooruteqartussap ukiuinut, neqeroortussallu aalisariutaata angissusissaanut tunngasunik. Imm. 3. Naalakkersuisut aalisariumannittussarsiuussinerminnut atatillugu pisassiissutinit pigisanik neqeroorutigineqartunik atuinissamut piumasaqaatinik aalajangersaasinnaapput, tassunga ilanngullugit tulaassinissamut, aalisariummut atorneqartumut tunngatillugu teknikikkut atortorissaarutinut, piumasaqaatit pif�ssami atuuf�annut nunallu immikkoortuini aalajangersimasuni aalisarsinnaanermut tunngasut. Imm. 4. Naalakkersuisut neqeroortitsinermi pisassiissutinit pigisat tuniniarini killilersuutinik aalajangersaasinnaapput, pif�ssami aalajangersimasumi pisassiissutinit pigisat tuniniaqqusaannginnerinut inerteqqutit ilanngullugit. § 25. Naalakkersuisut aalisarneq pillugu inatsimmi § 41, imm. 2 naapertorlugu pisassiissutinit pigisanik pinngitsaaliissummik nuussippata, aalisartoq 3.000 koruuninik akiligassinneqassaaq. Kapitali 5 Atuisussaatitaaneq, pisassiissutit nuunneqarsinnaasut, il.il. § 26. Aalisartup ukiumut pisassinneqartup ukiumi pisassiissuteqar�usumi ukiumut pisassiissutit ikinnerpaamik 75 procentii aalisartussaatitaavai. Imm. 2. Aalisartoq aalisartumut allamut ukiumut pisassiissutit 10 procentii angullugit nuussinnaatitaavai, taamaattorli imm. 3 naapertorlugu. Imm. 3. Ukiumut pisassiissutit ukiumi pisassiiviusumi pissarsiarineqartut killiligaanngitsumik nuunneqarsinnaapput taamaalillutillu ukiumut pisassiissutinik nuussinermut amerlanerpaaf�ssatut killiliussamut imm. 2-mi allassimasumut ilaanatik. § 27. Aalisartoq ukiumut pisassinneqartoq ukiumut pisassiissutinit 25 procentit nuussinnaavai. Imm. 2. Ukiumut pisassiissutit § 26, imm. 2 aamma 3 naapertorlugit nuunneqartut pisassanit nikerartinneqarsinnaasunit nalimmassarneqartassapput. Imm. 3. Aalisartup pisassanik nuussisinnaanermik periar�ssap atornissaa sioqqullugu Aalisarnermut Piniarnermullu Naalakkersuisoqar�mmut allakkatigut tamanna nalunaarutigissavaa. Nalunaarummi nuunneqartussat amerlassusii allanneqassanngillat, nuussallugit kissaatigineqartutut. Imm. 4. Aalisartoq ukiup tulliani pisassiissuteqar�usumi ukiumut pisassiissutinik siusinnerpaamik novembarip 15- ianni aalisalersinnaavoq. § 28. Aalisartoq kapitalimi uani malittarisassanik malinninngippat, Naalakkersuisut akuersissut killilersinnaavaat imaluunniit arsaarinnissutigalugu, aalisarneq pillugu inatsimmi § 26 naapertorlugu. Kapitali 6 Pineqaatissiissutit § 29. § 23, imm. 1 aamma § 27, imm. 3 aamma 4, unioqqutinneqarpata Kalaallit Nunaanni pinerluttulerinermik inatsimmi malittarisassat naapertorlugit akiliisitsinermik kinguneqarsinnaapput. Imm. 2. Malittarisassanut, peqqussutinut il.il. § 23, imm. 2 aammalu § 24. imm. 3 aamma 4 naapertorlugit atuutilersinneqartunut Kalaallit Nunaanni Pinerluttulerinermut inatsimmi malittarisassat naapertorlugit pineqaatissiissutinik aalajangersaasoqarsinnaavoq. Imm. 3. Inatsisartut inatsisaat imaluunniit malittarisassat Inatsisartut inatsisaat tunngavigalugu aalajangersarneqartut akileeqqusissummik aalajangersaanissamik tunngavissaqartitsippata, akileeqqusissut Kalaallit Nunaanni pinerluttulerinermi inatsimmi malittarisassat naapertorlugit pisussaatitaasoq pisinnaatitaasorlu akileeqqusissummik pisussaaf�lerneqarsinnaavoq. Imm. 4. Imm. 1-3 naapertorlugit suliat siullertut qullersamut Kalaallit Nunaanni Eqqartuussivimmut suliassanngortinneqassapput. Imm. 5. Akiliisitsissutit imm. 1-3 naapertorlugit aalajangersarneqartut Nunatta Karsianut pisassanngortinneqassapput. Kapitali 7 Atuutsilersitsineq § 30. Nalunaarut marsip aallaqqaataanit 2025-mi atuutilissaaq. Namminersorlutik Oqartussat, ulloq 5. februaari 2025 Kim Kielsen (atsior.) Aalisarnermut Piniarnermullu Naalakkersuisoq / Emanuel Rosing (atsior.) Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut