Regulation No. 10 on reporting when purchasing catch and sheep-farming products

Allaf�ssornikkut najoqqutassiat Nr. 10 5. juuli 2006 Atuuttut Piniakkanik savaateqarnermilu tunisassianik tunisaqarnermi nalunaaruteqartarneq pillugu Namminersornerullutik Oqartussat nalunaarutaat Piniarneq aallaaniarnerlu pillugit Inatsisartut inatsisaanni nr. 12-imi 29. oktober 1999-imeersumi §§ 12, 13 aamma 17, imm. 2, aamma § 12 Nunalerineq pillugu Inatsisartut inatsisaat nr. 5, 2. maj 1996-imeersoq, naapertorlugit makku aalajangersarneqarput: § 1. Nalunaarummi pineqarput: 1) Miluumasut timmissallu pisat tunisassiat. 2) Savaateqarnermi tunisassiat assigisaallu. § 2. Siullermeerutaasumik piniakkanik tunisassianik, takuuk § 1, nr. 1, tunitsivimmut nunamiittumut umiarsuarmulluunniit tunitsivimmut tunisassianik pisisussamut tunisisup "Piniakkanik savaateqarnermilu tunisassianik tunisaqarnermi nalunaaruteqartarneq"-mi ilanngussami ilanngunneqartumi maleruagassat naapertorlugit paasissutissanik nalunaaruteqar�gissavai. Imm. 2. Tunitsivik, nunamiittoq umiarsuarluunniit, siullermeerutaasumik piniakkanik pisisoq, takuuk § 1, nr. 1, tunisassianut tunngatillugu tamatuminnga paasissutissat Aa- lisarnermut, Piniarnermut Nunalerinermullu Naalakkersuisumut tunniutissavai ilanngussami ilanngunne-qartumi "Piniakkanik savaateqarnermilu tunisassianik tunisaqarnermi nalunaaruteqartarneq" malillugu. Imm. 3. Paasissutissat, takuuk imm. 2, paasissutissanik imm. 1 naapertorlugu piumasari- neqartunik ilaqartinneqassapput. § 3. Siullermeerutaasumik savaateqarnermilu tunisassianik assigisaannilluunnit, takuuk § 1, nr. 1, tunitsivimmut nunamiittumut umiarsuarmulluunniit tunitsivimmut tunisassianik pisisussamut tunisisup "Piniakkanik savaateqarnermilu tunisassianik tunisaqarnermi nalunaaruteqartarneq"-mi ilanngussami ilanngunneqartumi maleruagassat naapertorlugit paasissutissanik nalunaaruteqar�gissavai. Imm. 2. Tunitsivik, nunamiittoq umiarsuarluunniit, siullermeerutaasumik savaateqarnermi tunisassianik assigisaannilluunniit pisisoq, takuuk § 1, nr. 2, Aalisarnermut, Piniarnermut Nunalerinermullu Naalakkersuisoq savaateqarnermi tunisassiat assigisaalluunniit pillugit paasissutissanik tunissavaa, ilanngussami ilanngunneqartumi "Piniakkanik savaateqarnermilu tunisassianik tunisaqarnermi nalunaaruteqartarneq"-mi maleruagassat naapertorlugit. Imm. 3. Paasissutissat, takuuk imm. 2, paasissutissanik imm. 1 naapertorlugu piumasari- neqartunik ilaqartinneqassapput. § 4. Naalakkersuisunut ilaasortap paasissutissat, takuuk §§ 2 aamma 3, Kalaallit Nunaanni Pinngortitalerif�mmut ingerlateqqissinnaavai. § 5. § 2 taakkununngalu ilanngussaq "Piniakkanik savaateqarnermilu tunisassianik tunisaqarnermi nalunaaruteqartarneq" unioqqutinneqarpata akiliisitsinermik kinguneqarsinnaavoq. § 6. Nalunaarut 1. september 2006 atuutilerpoq. Namminersornerullutik Oqartussat, ulloq 5. juli 2006 Finn Karlsen / Emanuel Rosing Ilanngussaq Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut