Act No. 23 amending the Act on Sled Dogs and the Keeping of Dogs and Cats (Introducing a ban on fighting dogs and muscular dogs)

§1 Qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaanni nr. 18, 30. oktober 1998-imeersumi, kingullermik Inatsisartut inatsisaatigut nr. 28, 18. november 2010-meersukkut allanngortinneqartumi, makkua allanngortinneqarput: 1. § 10, imm. 2-4, ima oqaasertaqassaaq: ”Imm. 2. Qimmit upanninnikkut inunnik uumasunilluunniit allanik kiiserujussuarsimasut politiit akulerunnerisigut ingerlaannaq toqunneqartassapput piginnittumit akilerneqartussamik. Imm. 3. Qimminik paatitsisarneq inerteqqutaavoq. Imm. 4. Qimminut tunngasunik suliaqarsinnaatitaaneq pineqaatissiinikkut killeqanngitsumik imaluunniit piffissamik killilikkamik arsaarinnissutigineqarsinnaavoq, pineqartoq 1) qimmiminik inunnik uumasunilluunniit saassussititsisimappat qunusaaruteqarsimappalluunniit, 2) qimmini inunnik uumasunilluunniit saassussisoq paasereeraluarlugu unitsinniarlugu iliuuseqarsimanngippat, imaluunniit 3) qimminik paatitsisarsimappat.” 2. § 12, imm. 1 kingorna ilanngunneqassaaq: ”Imm. 2. Qimminik makkuninnga piginninneq, eqqussineq piaqqiortitsinerlu inerteqqutaavoq: 1) Pitbull terrier. 2) Tosa inu. 3) Amerikarmiut staffordshire terrieriat. 4) Fila brasileiro. 5) Dogo argentino. 6) Amerikarmiut bulldogiat. 7) Boerboel. 8) Kangal. 9) Aasiap qiterpasissuanit ovtcharka. 10) Kaukasiamit ovtcharka. 11) Ruslandip kujataanit ovtcharka. 12) Tornjak. 13) Sarplaninac. Imm. 3. Imm. 2-mi inerteqqut aamma atuuppoq qimminut qimminit qulaani taaneqartunit akuneqarsimasunut.” 3. § 12 kingorna ilanngunneqassaaq: ”§ 12 a. Qimmit § 12, imm. 2 unioqqutillugu pigineqartut, eqqunneqarsimasut piaqqiortinneqarsimasulluunniit qimmimik piginnittumut taarsiissuteqarfiunngitsumik politiit akulerunnerisigut toqunneqartassapput piginnittumit akilerneqartussamik. Imm. 2. Qimmeq qimminut § 12, imm. 2-mut ilaatinneqartunut ilaanersoq taakkuninngaluunniit akusaanersoq nalornissutigineqarpat piginnittup qimmip qimmeqatigiinnit sorlerneersuuneranik suuneranilluunniit uppernarsaanissaa politiit piumasarisinnaavaat. Imm. 3. Piginnittoq imm. 2 naapertorlugu erngerluni naammattumik uppernarsaammik takussutissiisinnaanngippat, qimmip piginnittumit arsaarinnissutigigallarnissaa siunertaralugu politiit iliuuseqarsinnaapput. Imm. 4. Arsaarinnissuteqarallarnermut atatillugu aningaasartuutaajunnartut piginnittumit akilerneqassapput. Imm. 5. Uppernarsaanissamik politiit piumasaqarneranni tigumminnittoq piginnittorlu assigiinngippata qimmip qimminut § 12, imm. 2-mut ilaatinneqartunut ilaannginneranik taakkuninngaluunniit akusaannginneranik piginnittup naammattumik uppernarsaasiinissaanut pisut apeqqutaatillugit naapertuuttumik politiit piffissaaliissapput. Imm. 6. Piginnittoq politiit piffissaliussaata iluani qimmip qimminut § 12, imm. 2-mut ilaatinneqartunut ilaannginneranik taakkuninngaluunniit akusaannginneranik naammattumik uppernarsaasiisinnaasimanngippat qimmeq §12, imm. 2-mi inerteqqummut ilaasutut isigineqassaaq.

§ 12 b. Inuit 1. januar 2012 qimminik § 12, imm. 2-mi taaneqartunik taakkuninngaluunniit akusanik pigisaqartut qimmiutertik tigummiinnarsinnaavaat. Piumasaqaatit makkua malinneqassapput: 1) Qimmit pineqartut allanut tunniunneqaqqusaanngillat. 2) Qimmit sumiiffinni kikkut tamarmik ornissinnaasaanniikkaangamik pituutaqartinneqassapput takinerpaamik 2 meteriusussamik aatsarnaveeqquteqartinneqassallutillu.” 4. § 28, imm. 1, ima oqaasertaqassaaq: ”§ 7, imm. 1-imi, § 8, imm. 1-imi, § 9, imm. 1 aamma 2-mi, § 10, imm.1-3-mi, § 12, imm. 2 aamma 3-mi, § 12 b- mi, §§ 14-18-imi, § 19, imm. 1, 2, 4 aamma 5-mi, § 20-mi kiisalu § 21, imm. 2-mi aalajangersakkanik unioqqutitsinerit akiliisitaanermik kinguneqarsinnaapput.” 5. § 28, imm. 3, ima oqaasertaqassaaq: ”Imm. 3. § 10, imm. 1 aamma 3-mi, § 12, imm. 2 aamma 3-mi, § 12 b-mi kiisalu §§14-18-imi aalajangersakkat annertuumik arlaleriarluniluunniit unioqqutinneqarsimappata, uumasuuteqarsinnaaneq uumasuutinilluunniit sammisaqarsinnaaneq suugaluartorluunniit inerteqqutigitinneqarsinnaapput.” 6. § 28, imm. 5 kingorna ilanngunneqassaaq: ”Imm. 6. Inatsit manna malillugu akiliisitsissutit nunatta karsianut nakkartinneqartassapput.”

§2 Inatsisartut inatsisaat 1. januar 2012 atuutilerpoq, taamaattorli imm. 2. aamma imm. 3 takuuk. Imm. 2. § 12, imm. 2-mi taamaallaat pineqarput qimmit Inatsisartut inatsisaata atuutilernerata kingorna piaqqiarineqartut. Imm. 3. Qimmit § 12, imm. 2-mi pineqartut Inatsisartut inatsisaata atuutilernerata kingorna piaqqiortinneqassanngillat”. Namminersorlutik Oqartussat, ulloq 22. november 2011 Kuupik Kleist Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut