Act no. 20 on taxation of ethanol-containing beverages produced in Greenland

§ 1. Imigassanut ethanolimik akulinnut nunami maani sananeqarsimasunut akitsuummik akiliisoqartassaaq inatsimmi matumani malittarisassat malillugit annertussusiliinerillu uku malillugit: 1) 1,21-3,09 volumenprocent literimut: 3 kr. 50 øre 2) 3,10-4,09 volumenprocent literimut: 8 kr. 00 øre 3) 4,10-5,09 volumenprocent literimut: 21 kr. 00 øre 4) 5,10-7,09 volumenprocent literimut: 30 kr. 00 øre 5) 7,10-9,09 volumenprocent literimut: 43 kr. 00 øre 6) 9,10-11,09 volumenprocent literimut: 56 kr. 00 øre 7) 11,10-13,09 volumenprocent literimut: 66 kr. 00 øre 8) 13,10-15,09 volumenprocent literimut: 92 kr. 00 øre 9) 15,10-18,09 volumenprocent literimut: 114 kr. 00 øre 10) 18,10-22,09 volumenprocent literimut: 147 kr. 00 øre 11) 22,10-26,09 volumenprocent literimut: 187 kr. 00 øre 12) 26,10-30,09 volumenprocent literimut: 230 kr. 00 øre 13) 30,10-35,09 volumenprocent literimut: 280 kr. 00 øre 14) 35,10-45,09 volumenprocent literimut: 361 kr. 00øre 15) 45,10-60,09 volumenprocent literimut: 495 kr. 00 øre 16) 60,10-100 volumenprocent literimut: 591 kr. 00 øre.

§ 1 a. Mineralvandinik, sodavandinik, limonadenik allanillu kulsyremik akoqartunik, ethanolimik akoqanngitsunik imeruersaatinik aningaasarsiutigalugu nunami maani sananermi akitsuummik akiliisoqartassaaq literimut: 3 kr. 50 øre.

§ 2. Akitsuut akilerneqassaaq atuineq ilutigalugu, tassa imaappoq nioqqutissat akitsuutip atuutsinneqannginnissaanik akuersissuteqarluni aaqqissuussinermut ilaajunnaarpata. Nioqqutissat suliffeqarfimmi nioqqutissanik sanaffiusumi tuniniarneqarpata atorneqarpataluunniit, nioqqutissat naammassillugit tunisassiarineqarnerminni atorneqartutut isigineqassapput.

§ 3. Suliffeqarfiit nioqqutissanik akitsuusigassanik sanasut piginnittuusutut akileraaruseriffimmi nalunaarsorneqassapput. Imm. 2. Suliffeqarfiit nalunaarsorneqarsimasut akitsuummik atuutsitsinertaqanngitsumik nioqqutissanik akitsuusigassanik sanasinnaatitaallutillu uninngasuuteqarsinnaatitaapput.

§ 4. Init piginnittuusut nalunaarsorneqarsimasut nioqqutissanik akitsuusertinneqarsimanngitsunik sananerminnut, suliaqarnerminnut, maqitsinerminnut uninngasuuteqarnerminnullu atugaat akileraaruseriffimmit akuerineqarsimassapput. Imm. 2. Init akileraaruseriffiup akileraaruserinermik ingerlatsineq pillugu inatsimmi § 58, imm. 4 naapertorlugu nakkutilliinissaanut naleqqutinngitsumik atorneqarpata aaqqissugaappataluunniit, akuersissuteqarfigineqarneq nalunaarsortinnerlu atorunnaarsinneqarsinnaapput.

§ 5. Piffissaq akitsuuteqarfiusoq tassaavoq qaammat.

§ 6. Piginnittuusut nalunaarsorneqarsimasut piffissami akitsuuteqarfiusumi annertussuseq akitsuusigassaq naatsorsugassaat tassaavoq nioqqutissat akitsuusigassat suliffeqarfiup iniutaanit akuerisaasunit anninneqarsimasut annertussusiat, millissutaasimasut assigisaallu ilanngullugit. Imm. 2. Naatsorsuineq maleruagassat Naalakkersuisunit aalajangersarneqarsimasut naapertorlugit sukumiisumik suliarineqassaaq. Imm. 3. Nioqqutissat akitsuusigassat annertussusiata qanoq angissusilerneqarnissaanut maleruagassat Naalakkersuisunit aalajangersarneqarsinnaapput.

§ 7. Annertussuseq akitsuusigassamit § 6, imm. 1 naapertorlugu naatsorsorneqartumit ilanngaatigineqassapput: 1) nioqqutissat ikuallattoqarneratigut, erngartoqarneratigut assigisaatigulluunniit suliffeqarfimmi imaluunniit suliffeqarfimmut suliffeqarfimmiilluunniit assartorneqarnerminni annaaneqartut, 2) nioqqutissat utertinneqartut, aki akitsuummik ilaqartoq pisisumut utertinneqarpat, 3) imigassat Kalaallit Nunaata avataanut nioqqutigineqartut, aamma 4) imigassat ethanolimik akullit Kalaallit Nunaanni immiorneqartut, qaangiunnerata kingorna, imaluunniit assingusumik killiliunneqartup kingorna akuiakkat atuisunut tuniniarneqarsinnaajunnaartut. Imm. 2. Imm. 1 naapertorlugu ilanngaatigineqarsinnaasut nakkutigineqarnissaannut malittarisassat Naalakkersuisunit aalajangersarneqarsinnaapput.

§ 8. Piginnittuusut nalunaarsorsimasut nioqqutissanik akitsuusigassanik sananermut tunniussinermullu naatsorsuusiortassapput. Imm. 2. Tamanna pillugu aalajangersakkat sukumiinerusut Naalakkersuisunit aalajangersarneqassapput.

§ 9. Piginnittuusut nalunaarsorsimasut qaammatit naaneri tamaasa, kingusinnerpaamillu piffissap akitsuuteqarfiusup tulliata qaammatip 15-iani akileraaruseriffimmut nalunaarutigisassavaat, nioqqutissat akitsuusigassat qanoq annertutiginerat, tak. §§ -it 6 aamma 7. Nalunaarut suliffeqarfiup akisussaalluni aqutsisuanit atsiorneqarsimassaaq. Imm. 2. Nalunaarut piffissaliussap taaneqartup qaangiutinnginnerani tunniunneqanngippat akileraaruseriffiup nalunaarsugaaneq, nalunaarutip tunniunneqanngitsup akileraaruseriffimmit tiguneqarnissaata tungaanut atorunnaarsissinnaavaa. Imm. 3. Naalakkersuisut nalunaarut pillugu aalajangersagaliorsinnaapput.

§ 10. Akitsuut akilerneqartussanngussaaq, piffissap akitsuusiiffiusup malitsigisaatut qaammatip tulliuttup aallaqqaataani, nalunaarsugaasumillu uninngasuuteqartuusoq akitsuummik akileraaruseriffimmut akiliissaaq kingusinnerpaamik qaammammi akiliiffissanngorfiusup ulluisa 15-ianni. Imm. 2. Naalakkersuisut akitsuutip akilerneqarnissaa pillugu aalajangersagaliorsinnaapput.

§ 11. Akileraaruseriffiup piginnittuusoq nalunaarsorsimasoq akitsuummik piffissaagallartillugu akiliinngitsoq, piffissamik qaammammit ataatsimit sivikinnerusumik piffissalerlugu nalunaaruteqaqqusinnaavaa. Imm. 2. Aammattaaq akileraaruseriffiup piginnittuusoq nalunaarsorsimasoq akitsuummik piffissaagallartillugu akiliinngitsoq, piffissamik § 10-mi taaneqartumit sivikinnerusumik piffissalerlugu akiliinissamut piffissalersinnaavaa.

§ 12. Akitsuut akiligassanngorsimasoq akilerneqarfissami kingorna kingusinnerpaamik ullut 14-it qaangiunneranni akilerneqanngippat akileraaruseriffiup nalunaarsugaaneq, akitsuutit akiligassanngorsimasut akilerneqarserlugit arsaarinnissutigisinnaavai. Imm. 2. Piffissaq akitsuuteqarfiusoq imaluunniit piffissaq akiliiffissaq § 11 naapertorlugu sivikillineqarsimappat nalunaarsugaaneq, piffissap akiliiffissap qaangiunneratigut ingerlaannaq arsaarinnissutigineqarsinnaavoq.

§ 13. Piginnittuusup nalunaarsorsimasup paasissutissanik eqqunngitsunik akileraaruseriffimmut nalunaaruteqarsimanera, taamaalillunilu akitsuutinut akiliinikippallaarsimanera paasineqarpat aningaasat akiligassanngortut akileqquneqarneranniit kingusinnerpaamik ullut 14-it qaangiunneranni akilersinneqassapput.

§ 14. (atorunnaarpoq).

§ 15. (atorunnaarpoq).

§ 16. Nakkutilliinermi iliuusissat pillugit malittarisassanik Naalakkersuisut aalajangersaasinnaapput, tamatumani init atorneqartut qanoq aaqqissugaanissaannut tunngasunik, uuttuutit ivertinneqarnissaat pillugit aammalu assingusunik nakkutilliinermi iliuusissat pillugit, taakku akitsuutinik eqqortumik naatsorsuinerup qulakkeerneqarnissaanik siunertaqassallutik.

§ 17. (atorunnaarpoq).

§ 18. (atorunnaarpoq).

§ 19. Kinaluunniit piaaraluni imaluunniit mianersuaalliorujussuarluni iliuuseqartoq akiliinissamik pineqaatissinneqassaaq: 1) paasissutissanik akitsuutinik nakkutilliinermut atugassanik eqqunngitsunik paatsoorneqarsinnaasunilluunniit tunniussisoq imaluunniit paasissutissanik nipangiussisoq, 2) § 1, § 1 a, § 2, § 3, imm. 1, § 6, imm. 1, § 8, imm. 1, § 9, imm. 1 imaluunniit § 10, imm. 1 unioqqutippagu, 3) § 11, imm. 1 naapertorlugu peqquneqarnermik malinninngitsoq, 4) nalunaarsorneqarnerup Akileraartarnermik Aqutsisoqarfimmit § 9, imm. 2 imaluunniit § 12, imm. 1 aamma 2 naapertorlugit arsaarinnissutigineqareernerata kingorna ingerlatamik akitsuuteqarfiusumik ingerlatsiinnartoq, imaluunniit 5) nioqqutissanik inatsit naapertorlugu akitsuutaannik akilerneqarsimasussaagaluanik akitsuuserneqarsimanngitsunilli tunniussisoq, pissarsisoq, paarsisoq, atuisoq, assartuisoq imaluunniit pisoq. Imm. 2. Inatsit manna naapertorlugu maleruagassiani aalajangersarneqarsinnaapput, maleruagassiani aalajangersakkanik piaaraluneerluni mianersuaalliorujussuarluniluunniit unioqqutitsisup akiliisinneqarnissaa pillugu aalajangersakkat. Imm. 3. Unioqqutitsinerit imm. 1-imi imaluunniit imm. 2-mi taaneqartut arlaat aktieselskabimit, anpartsselskabimit, andelsselskabimit, peqatigiiffimmit, ingerlatsivimmit imminut pigisumit, aningaasaateqarfimmit assigisaanilluunniit unioqqutitsineruppat, inatsisit malillugit inuttut isigineqarsinnaasoq taanna taamatut akiliisinneqarsinnaavoq. Imm. 4. Akiliisitsissutit landskarsimut iluaqutissanngortinneqassapput.

§ 20. Naalakkersuisut, inatsimmi matumani aalajangersakkanik unioqqutitsisoq nalunaarfigisinnaavaat suliassaq eqqartuussinertaqanngitsumik naammassineqarsinnaasoq, unioqqutitsisup unioqqutitsisimanini nassuerutigippagu aammalu akiliisitsissut nalunaarummi allassimasoq piffissap aalajangersimasup, qinnuteqarnikkut sivitsorneqarsinnaasup iluani akilerumallugu piareersimappat. Imm. 2. Nalunaarutiginninnermut, imm. 1-imi taaneqartumut atatillugu eqqartuussisarnermi inatsimmi aalajangersakkani unnerluutiginninnermut allassimasut atuutissapputtaaq. Imm. 3. Akiliisitsissut piffissaagallartillugu akilerneqarpat, aalajangiunneqareernermigulluunniit akilersinneqarpat suliaq malersoqqinneqassanngilaq.

§ 21. Inatsit ulloq 1. januar 2004-miit atortuulerpoq. Imigassat ethanolimik akullit Kalaallit Nunaanni sananeqarsimasut akitsuutaat pillugit Inatsisartut inatsisaata allanngortinneqarneranik Inatsisartut inatsisaat nr. 1, 26. april 2007-imeersoq [i] [i] (Akileraaruserinerup qitiusumik ingerlanneqalernerata kingunerisaanik allannguutit) piffissaq atuutilerfissaq pillugu ima aalajangersagaqarpoq:

§2 Inatsisartut inatsisaat atuutilerpoq 1. juli 2007. Imigassat ethanolimik akullit Kalaallit Nunaanni sananeqarsimasut akitsuutaat pillugit Inatsisartut inatsisaata allanngortinneqarneranik Inatsisartut inatsisaat nr. 9, 19. oktober 2007-imeersoq (Akitsuutinik [ii] qaffaaneq ammalu sodavandinut akitsuut) piffissaq atuutilerfissaq pillugu ima aalajangersagaqarpoq:

§2 Inatsit 22. oktober 2007-imi atuutilerpoq. Imigassat ilaannut Kalaallit Nunaanni sananeqarsimasunut akitsuutit pillugit Inatsisartut inatsisaata allanngortinneqarnissaa pillugu Inatsisartut inatsisaat nr. 2, 24. maj 2019-imeersoq [iii] (Pineqaatissiisarnermik aalajangersakkap erseqqissarneqarnera) piffissaq atuutilerfissaq pillugu ima aalajangersagaqarpoq:

§2 Inatsisartut inatsisaat 1. juni 2019-imi atuutilerpoq. Imigassat ilaannut Kalaallit Nunaanni immiorneqartunut akitsuutit pillugit Inatsisartut inatsisaata allanngortinneqarnissaa pillugu Inatsisartut inatsisaat nr. 69, 20. novembari 2023-meersoq (Imigassat ethanolimik akullit Kalaallit Nunaanni immiorneqartut ullussaminnik qaangiisimasut akuiarneqarneranut [iv] akitsuummik utertitsineq) piffissaq atuutilerfissaq pillugu ima aalajangersagaqarpoq:

§2 Inatsisartut inatsisaat 1. januari 2024-mi atuutilissaaq. Aningaasaqarnermut Akileraartarnermullu Naalakkersuisoqarfik, ulloq 26. juuni 2024 Nikolai Sten Christensen (atsior.) Naalakkersuisoqarfimmi pisortaq / Morten Wenzel Selvejer (atsior.) [i] Inatsimmik allannguinerup § 8, imm. 3, § 9, imm. 3, § 10, imm. 2, § 13, imm. 2-3, § 14, § 15, § 17 aamma § 18- imi inatsit ima allanngortinneqassapput “Akileraartarnermut Pisortaqarfik”-mit “akileraaruseriffik”-mut kiisalu § 4, imm. 2, § 10, imm. 1, § 16 aamma § 19, imm. 1, nr. 2 allanngotinneqarlutik. [ii] Inatsimmik allannguinerup inatsit nutaamik qulequtalissavai aamma § 1-imi annertussusiliinerit allanngortillugillu § 1 a nutaaq ilanngullugu. [iii] Inatsimmut allannguut § 19, imm. 1-imut tunngavoq. [iv] Inatsimmut allannguummi § 7, imm. 1, nr. 4 ilanngunneqarpoq, kalaallisuuanilu § 19, imm. 1, nr. 2-mi oqaasertai allanngortinneqarlutik. Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut