Ministerial Decree No. 191 on the balances of the main food sources

AZƏRBAYCAN RESPUBLİKASININ NAZİRLƏR KABİNETİ Q Ə R A R № 191 14/05/1994 il Əsas ərzaq məhsullarının mənbələr üzrə balansları haqqında Əsas ərzaq məhsullarının mənbələr üzrə balansları haqqında Respublika əhalisinin və xüsusi kontingentin həyat təminatlı əsas ərzaq məhsulları ilə təchiz edilməsinə diqqəti gücləndirmək, aidiyyatı olan təşkilatların ərzaq təminatında cavabdehliyini artırmaq və onların fəallaşmasına lazımi şərait yaratmaq məqsədilə, Azərbaycan Respublikası Nazirlər Kabineti QƏRARA ALIR: 1. Azərbaycan Respublikası İqtisadiyyat Nazirliyinin təqdim etdiyi, respublika üzrə orta illik tələbata uyğun olaraq əsas ərzaq məhsullarının balansları 1-10 saylı əlavələr üzrə müəyyən olunsun. 2. Müəyyən olunmuş dövlət sifarişləri üzrə yerli ərzaq məhsullarının istehlakçılara göndərilməsi tapşırıqları istehsal sahələri rəhbərlərinin şəxsi cavabdehliyi altında həyata keçirilsin. 3. Dövlətlərarası sazişlər əsasında ərzaq alınması və qarşılıqlı surətdə respublikadan məhsul və məmulatlar göndərilməsi tapşırıqları almış nazirlik, baş idarə, müəssisə və təşkilatlar bu sazişlərin həyata keçirilməsi işini vaxtında və razılaşdırılmış miqdarda təmin etsinlər. 4. Balanslardan irəli gələn xarici idxal əməliyyatları ilə 1994-cü ilə lazım olan əsas ərzaq məhsullarının alınıb gətirilməsi 11 saylı əlavə üzrə nəzərdə tutulsun. 5. Respublikaya əsas ərzaq mallarının Dövlətlərarası sazişlərlə və valyuta məsrəfi hesabına Dövlət bazar fondları üzrə gətirilməsi respublikanın Ticarət Nazirliyinə, Azərittifaqa və digər ticarət təşkilatlarına, xammal və köməkçi materialların alınıb gətirilməsi isə ərzaq məhsulları istehsal edən nazirlik, baş idarə, müəssisə və təşkilatlara tapşırılsın. Nəzərə alınsın ki, xüsusi kontingent və Dövlət Ehtiyatları üçün lazım olan ərzaq mallarının balanslarda nəzərdə tutulan mənbələr üzrə alınıb gətirilməsi, tələb olunan hallarda, bilavasitə Müdafiə, Milli Təhlükəsizlik, Daxili İşlər Nazirliklərinə və Material Ehtiyatları Komitəsinə tapşırıla bilər. 6. İqtisadiyyat və Ticarət nazirlikləri 10 gün müddətində balanslarda nəzərdə tutulan bazar fondlarının nazirlik, baş idarə, müəssisə və təşkilatlar üzrə bölgülərini həyata keçirsinlər. 7. Bu qərarın icrasına nəzarət Nazirlər Kabineti İşlər İdarəsinin ticarət və pullu xidmətlər, aqrar-sənaye, müdafiə və müdafiə sənayesi şöbələrinə tapşırılsın. Baş nazir S.Hüseynov legalacts.az/Az/