Regulation No. 930 supplementing Regulation No. 547 of 2006 on the establishment of the National Agency of Natural Resources

1. Pikat 5 e 7 ndryshohen, si më poshtë vijon: “5. Agjencia Kombëtare Burimeve Natyrore nuk financohet nga buxheti i shtetit. Megjithatë, agjencia ka të drejtë të përfitojë projekte të financuara nga buxheti i shtetit apo nga subjekte të tjera. Buxheti i agjencisë miratohet nga ministri i Energjisë dhe Industrisë.”. “7. Funksionimi, struktura organizative dhe struktura e pagave të Agjencisë Kombëtare të Burimeve Natyrore përcaktohen në statutrregulloren e kësaj agjencie, e cila miratohet me urdhër të ministrit të Energjisë dhe Industrisë. Marrëdhëniet e punës së punonjësve rregullohen në bazë të Kodit të Punës.”.

2. Në fund të pikës 8 shtohet fjalia, me këtë përmbajtje: “Drejtori ekzekutiv, për efekt të pagës, klasifikohet në të njëjtin nivel me sekretarin e Përgjithshëm të ministrisë së linjës.”.

3. Kudo në vendim, emërtimi “Ministria e Ekonomisë, Tregtisë dhe Energjetikës” zëvendësohet me “Ministria e Energjisë dhe Industrisë”.

4. Në lidhjen nr. 1, që përmendet në pikën 3, dhe bashkëlidhur vendimit nr. 142, datë 12.3.2014, të Këshillit të Ministrave, “Për përshkrimin dhe klasifikimin e pozicioneve të punës në institucionet e administratës shtetërore dhe institucionet e pavarura”, ndarja me numër rendor 25 shfuqizohet. II. Ngarkohet ministri i Energjisë dhe Industrisë për zbatimin e këtij vendimi. Ky vendim hyn në fuqi pas botimit në Fletoren Zyrtare. KRYEMINISTRI Edi Rama