Regulation No. 549 on the production and importation of iodized salt

VENDIM Nr.549, datë 27.11.1997 PËR IMPORTIMIN E KRIPËS SË GJELLËS SË JODIZUAR DHE PRODHIMIN E SAJ NË VEND Për parandalimin dhe korrigjimin e pamjaftueshmërisë së jodit në organizëm, me propozimin e Ministrisë së Shëndetësisë dhe të Mjedisit, Këshilli i Ministrave VENDOSI: 1. Lejimin e importimit vetëm të kripës së gjellës së jodizuar. 2. Nivelet e pranueshme të jodit në kripën e gjellës të jodizuar në pikat e hyrjes së doganave janë 40 mg jod për kg kripë. 3. Niveli më i ulët i pranueshëm i jodit në kripën e gjellës të jodizuar në kohën e tregtimit është 20 mg jod për kg kripë. 4. Personat juridikë vendas ose të huaj që marrin përsipër të prodhojnë kripë gjelle të jodizuar në territorin e Republikës së Shqipërisë, detyrohen ta prodhojnë atë në nivelin 40 mg jod për kg kripë. 5. Ministria e Shëndetësisë dhe e Mjedisit, në bashkëpunim me Institutin e Shëndetit Publik, përgatit materialet për sensibilizimin e popullsisë për domosdoshmërinë e përdorimit të kripës së gjellës të jodizuar, si dhe për rastet e mundshme të efekteve negative. Ky vendim hyn në fuqi menjëherë. KRYETARI I KËSHILLIT TË MINISTRAVE Fatos Nano